Bókasafnið - 01.06.2016, Qupperneq 12

12 Bókasafnið 40. árg – 2016
þátttakendur en sá síðarnefndi 211 (56%) þátttakendur.
Fjórir þátttakendur tilgreindu ekki námsstig og tveir þátt-
takendur í endurmenntun voru teknir út fyrir þessa tvo
hópa vegna ólíks eðlis námsins (samtals 2%).
Mælitæki
Notast var við rafrænan spurningalista sem sendur var í
tölvupósti til nemenda auk þess sem bókasafnið setti tengil
á könnunina á Facebook. Listinn var sendur út sex sinnum
á tímabilinu 20. febrúar - 17. apríl 2013. Spurningalistinn
samanstóð af nokkrum bakgrunnsspurningum þar sem ósk-
að var eftir upplýsingum um kyn, fæðingarár, námsstig,
deild sem viðkomandi stundaði nám við og staðsetningu
námsins. Einnig var spurt hvort viðkomandi væri vinur
safnsins á Facebook. Aðrir megin þættir í spurningalistan-
um voru meðal annars hvaða þjónustu bókasafnsins þátt-
takandinn hafði notað, hvernig hann nýtti sér þjónustuna, í
hvaða tilgangi, hversu oft og hversu ánægður hann var með
hana. Flestar spurningarnar voru byggðar upp þannig að
velja þurfti einn eða fleiri svarmöguleika eða staðsetja sig á
skala. Einnig var í listanum varpað fram nokkrum staðhæf-
ingum og þátttakendur beðnir um að segja hversu sammála
þeir væru þeim. Síðasta spurningin í spurningalistanum var
opin spurning þar sem þátttakendum stóð til boða að koma
á framfæri ábendingum eða athugasemdum til bókasafns
Menntavísindasviðs.
Úrvinnsla
Unnið var með gögnin í Microsoft Excel 2010 og IMB
SPSS Statistics 19.Tekin var út lýsandi tölfræði um flestar
spurningarnar og framkvæmd marktektarpróf á spurningum
varðandi ánægju notenda safnsins þar sem skoðað var hvort
munur var á milli hópa. Reiknaðar voru út vogtölur fyrir
kyn, deild og námsstig þar sem hlutfallsleg svörun hópa var
ekki í fullkomnu samræmi við þýði og voru vogtölurnar
notaðar til að leiðrétta fyrir þessa skekkju í marktektarpróf-
um.
Niðurstöður
Í þessum kafla eru dregnar fram valdar niðurstöður í rann-
sókninni. Greint er frá lýsandi tölfræði og marktektarpróf-
um þar sem við á.
Upplýsingaþjónusta
Aðeins 20 (6%) þátttakendur höfðu ekki nýtt sér neina
þjónustu bókasafnsins en 328 (94%) höfðu nýtt sér einhvern
þjónustuþátt safnsins. Flestir þátttakenda höfðu fengið
kynningu á safninu, en það átti við um 73% þeirra (250
þátttakendur af 342). Af þeim þátttakendum sem höfðu
fengið kynningu var algengast að þeir hefðu fengið kynn-
ingu á safninu í nýnemakynningu, 177 þátttakendur (71%),
og/eða í kennslustund 130 (52%). Minnst var um að menn
hefðu fengið kynningu á safninu sjálfu hvort sem var í aug-
lýstri kynningu eða í einstaklingskynningu. Af þeim 92
þátttakendum (27%) sem ekki höfðu fengið kynningu voru
43 fjarnemar (47%), 28 í stað- og fjarnámi í bland (31%) og
20 í staðnámi eingöngu (22%) en einn þátttakandi tiltók
ekki hvort hann væri í staðnámi eða fjarnámi. Meirihluti
þátttakenda hafði kynnt sér safnið á eigin vegum, eða 285
talsins (82%).
Þar sem boðið er upp á ýmis námskeið á vegum safnsins
var leitað upplýsinga um hvort þátttakendur hefðu sótt þau.
Spurt var um námskeið í heimildaskráningu/EndNote,
notkun gagnasafna og notkun á Leitir.is/Gegnir.is. Um
þriðjungur þátttakenda, 110 (34%) hafði ekki sótt nein af
þessum námskeiðum á meðan 216 (66%) höfðu það. Innan
við helmingur þátttakenda hafði fengið kennslu í heimilda-
skráningu/EndNote, eða 123 (39%), en talsvert fleiri höfðu
sótt námskeið í notkun gagnasafna og Leitir.is/Gegnir.is,
eða 52%-55%. Af þeim sem höfðu farið á námskeið þótti
flestum þau vera gagnleg, eða 74-80%. Einungis 2-4% þóttu
námskeiðin ekki vera gagnleg.
Ánægja notenda og gæði þjónustu
Þegar spurt er hversu ánægðir þátttakendur eru almennt
með bókasafnið er mikill meirihluti ánægður með safnið,
eða 308 (93%) þátttakendur, 19 (6%) voru hvorki ánægðir
né óánægðir og aðeins 3 þátttakendur (1%) voru óánægðir.
Einnig var spurt út í ánægju með 20 mismunandi þjónustu-
þætti bókasafnsins sem flokkuð voru í sex þjónustusvið: af-
greiðslutími, netviðmót, safnkostur, aðstaða, upplýsinga-
þjónusta og viðmót starfsfólks og loks aðgangur að
safnkosti. Notaður er skalinn 1-5, þar sem 1 er mjög
óánægð/ur og 5 er mjög ánægð/ur og var meðaltal fyrir
hvern lið reiknað. Í töflu 1 má sjá meðaltal og staðalfrávik á
hverju þjónustusviði.

Tafla 1. Meðaltal ánægju og staðalfrávik eftir þjónustusviðum.
Ef þættirnir eru skoðaðir með tilliti til þess hvort að munur
er á milli kynja kemur í ljós að á tveimur þáttum er munur á
milli kynja, netviðmóti t(184)= -2,734, p <0,05 og safnkosti
t(269)= -3,194, p <0,05. Í báðum tilvikum eru konur
ánægðari en karlar eins og sjá má í töflu 2. Á öðrum þáttum
var ekki marktækur munur á milli karla og kvenna.
  Fjöldi M SF
Þjónustusvið
Afgreiðslutími 261 3,71 0,87
Netviðmót 189 3,87 0,77
Safnkostur 279 4,00 0,79
Aðstaða 238 3,67 0,79
Upplýsingaþjónusta
og viðmót starfsfólks 199 4,19 0,90
Aðgangur að safn-
kosti 132 3,78 0,70
Meðalskor allra
þjónustuþátta 310 3,93 0,66
Ánægja almennt
(sp. 12) 330 4,42 0,66