Morgunblaðið - 29.10.2016, Qupperneq 28

28 FRÉTTIRInnlent
MORGUNBLAÐIÐ LAUGARDAGUR 29. OKTÓBER 2016
Veldu margverðlaunuð finnsk gæðadekk sem eru sérstaklega
hönnuð fyrir krefjandi aðstæður norðlægra slóða
ein öruggustu dekk sem völ er á
ítrekað valin bestu dekkin í gæðakönnunum
breitt úrval nagla-, vetrar- og heilsársdekkja
eigum dekk fyrir fólksbíla, jeppa og sendibíla
Skoðaðu dekkjaleitarvélina á MAX1.is
MAX1 býður 20% afslátt af hágæða Nokian dekkjum og hluti söluágóða
rennur til Krabbameinsfélagsins.
SENDUM UM ALLT LAND
Flutningur með Flytjanda
500 kr. hvert dekk
Bíldshöfða 5a, Reykjavík
Jafnaseli 6, Reykjavík
Dalshrauni 5, Hafnarfirði
(Knarrarvogi 2, Reykjavík
Ath. ekki dekkjaþjónusta)
Aðalnúmer:
515 7190
Opið:
Virka daga kl. 8-17
Laugardaga: sjá MAX1.is
Fáðu 20% afslátt af
NOKIAN dekkjum og styrktu
Bleiku slaufuna um leið Afsláttardagar
4.- 5. nóvember 20%
30%
40%
70%
30%
50%
60%
Gylfaflöt 7 112 Reykjavík 587 8700 krumma.is
Opið 08.30 - 18.00mán-fös / 11.00 - 16.00 lau
40%Mikið úrval af
* leikföngum
*húsgögnum
* föndurvörum
*ofl.
Allt að 70%afsláttur af völdumvörum
í verslun KRUMMAviðGylfaflöt
dagana 4.-5. nóvember!
Jólasveinar
velkomnir
FRÉTTASKÝRING
Agnes Bragadóttir
agnes@mbl.is
Þrír ráðherrar ríkisstjórnarinnar,
þau Bjarni Benediktsson, fjár-
málaráðherra, Sigurður Ingi Jó-
hannsson, forsætisráðherra, og Lilja
Dögg Alfreðsdóttir, utanríkis-
ráðherra, funduðu með Má Guð-
mundssyni, seðlabankastjóra, og
embættismönnum í gærmorgun um
auglýsingaherferð bandarísku hug-
veitunnar Institude for Liberty
(IFL) undir merkjum Iceland
Watch (Íslandsvaktin) í íslenskum
fjölmiðlum.
Í auglýsingaherferðinni er því
haldið fram að Seðlabanki Íslands
mismuni fjárfestum þannig að að-
eins þeir sem séu af innlendum upp-
runa geti fjárfest. Í auglýsingunum
er talað af mikilli óbilgirni í þágu er-
lendra kröfuhafa. Í heilsíðuauglýs-
ingum Iceland Watch sem birtust
hér í Morgunblaðinu í gær og fyrra-
dag er fullyrt að almenningur á Ís-
landi greiði fyrir opinbera spillingu
og mismununarreglur og það kosti
hvern íslenskan ríkisborgara á milli
15 þúsund og 18 þúsund dollara á ári
(1,7 til 3,1 milljón króna).
Auglýsingin er að hálfu mynd af
Má Guðmundssyni, seðlabanka-
stjóra, og á myndinni birtist spurn-
ingin:
„Það gerir þú!“
„Hver greiðir fyrir opinbera spill-
ingu og mismunarreglur á Íslandi?“
og svarið: „Það gerir þú!“
Fullvíst er talið að auglýsinga-
herferð þessi sé fjármögnuð og
runnin undan rifjum erlendra vog-
unarsjóða, sem ekki hafa viljað taka
þátt í útboði Seðlabankans á undan-
förnum mánuðum, þar sem þeir hafa
ekki sætt sig við það gengi sem þeim
stóð til boða.
Á heimasíðu ILF (icelandwatch.-
org), í frétt sem birtist á síðunni í
fyrradag, kemur ekkert fram hverjir
standi á bak við auglýsingaherferð-
ina og fjármagna hana, einungis að
herferðinni á Íslandi sé hrint af stað
til þess að varpa ljósi á hvað ákvarð-
anir Seðlabanka Íslands um mis-
munun gagnvart erlendum fjár-
festum kosti íslenskan almenning.
Nýtt og ógeðfelldara stig
Bjarni Benediktsson, fjármála-
ráðherra, sagði í samtali við Morg-
unblaðið í gær að við Íslendingar
værum vanir því að erlendir kröfu-
hafar beittu öllum ráðum til þess að
verja peningalega hagsmuni sína.
„En þessar auglýsingar flytja málið
á nýtt og ógeðfelldara stig. Þær eru
bæði ósmekklegar og bera með sér
hroka og frekju. Meira og minna all-
ar fullyrðingar í auglýsingunum eru
rangar, sem sést best á því að ís-
lensk stjórnvöld hafa fengið lof fyrir
áætlun um afnám hafta, lánshæfi
landsins hefur hækkað og þar sem
gerður hefur verið ágreiningur fyrir
dómstólum hefur sjónarmiðum aug-
lýsendanna, hverjir svo sem þeir nú
eru, verið vísað frá,“ sagði fjár-
málaráðherra.
Ósvífin og ósmekkleg
Sigurður Ingi Jóhannsson, for-
sætisráðherra, sagði í gær um ofan-
greinda auglýsingaherferð:
„Herferðin er bæði ósvífin og
ósmekkleg, annars vegar í garð okk-
ar æðstu embættismanna og hins
vegar er hún aðför að íslenskum
hagsmunum. Þeir hafa reynt hvað
þeir hafa getað gagnvart Alþjóða-
gjaldeyrissjóðnum, lánshæfismats-
fyrirtækjum og EFTA og alls staðar
komið að lokuðum dyrum. Nú beina
þeir spjótum sínum að kjósendum
þessa lands með afar ósmekklegum
hætti.“
Már Guðmundsson, seðlabanka-
stjóri, gefur lítið fyrir ofangreinda
auglýsingaherferð, sem hann segir
einkennast af dylgjum og stórkarla-
legum og röngum fullyrðingum.
„Þessi herferð er sem betur fer ekki
tekin alvarlega og fær engan hljóm-
grunn hér á landi,“ sagði Már í sam-
tali við Morgunblaðið í gær.
„Það sem er verið að gefa í skyn
þarna, annars vegar að aðgerðirnar
sem festar voru í lög með svoköll-
uðum krónulögum og hinsvegar
krónuútboð Seðlabankans, fæli í sér
óeðlilega mismunun milli innlendra
og aðila, sem stangist á við lög og al-
þjóðlegar skuldbindingar, stenst
enga skoðun,“ sagði Már.
Már segir margt hægt að nefna,
því til staðfestingar. Hvað varði af-
landskrónurnar og þá afmörkun sem
gerð var í lögunum hafi það ekki
byggst á því hvort eigendur þeirra
væru útlendir eða innlendir, heldur
hafi það byggst á því hver var upp-
runi krónanna. Ákveðnar breytingar
hafi með lögunum verið gerðar á
umgjörðinni um aflandskrónurnar,
sem samt sem áður hafi ekki falið í
sér neinar efnislegar breytingar frá
því sem verið hafði.
Már bendir á að ekki hafi verið
hægt að bíða lengur með þessar
breytingar, þar sem það hafi verið
farið að skekkja svo mikið gjaldeyr-
isstrauma og gengi að fjármagns-
innstreymi væri frjálst en fjár-
magnsútstreymi heft.
Það er eðli hafta
„Mikilvægt er að hafa það í huga
varðandi útboð Seðlabankans að
álandsmarkaður (on shore) og af-
landsmarkaður (off shore) eru tveir
markaðir. Þeir eru hvor með sitt
gengið og hvor með sitt jafnvægis-
verðið. Það er eðli hafta að það sé
þannig. Því er af og frá að halda því
fram að með útboðinu væri verið að
skera niður þessar aflandseignir
með óeðlilegum hætti,“ sagði Már.
Már segir að verðið sem ákveðið
hafi verið sem hámarksgengi í út-
boðinu hafi verið byggt á mati á
stöðunni, hversu stór forðinn væri
og hvað mætti leyfa honum að lækka
mikið, ef öll staðan kæmi inn á því
verði.
„Við urðum að vera undir það búin
og gátum ekki bara tekið sénsinn.
Það byggðist á útreikningum á
grundvelli þess hver forðinn var í lok
apríl, þegar þessar ákvarðanir voru
teknar. Þeim var öllum frjálst að
taka þátt eða ekki. Það var bara
þeirra ákvörðun,“ sagði Már.
Bera með sér hroka og frekju
 Fjármálaráðherra, forsætisráðherra og seðlabankastjóri segja að ófrægingarauglýsingaherferð
ókunnra erlendra aðila sé hlaðin ósönnum fullyrðingum og dylgjum  Ekki sé um mismunun að ræða
Morgunblaðið/Ómar
Seðlabankinn Ráðherrar og seðlabankastjóri segja auglýsingaherferð Ice-
land Watch ósvífna og ósmekklega og hlaðna ósönnum fullyrðingum.
Í yfirlýsingu stjórnvalda segir m.a.: „Ráðherranefnd um efnahagsmál
fundaði með Má Guðmundssyni seðlabankastjóra í morgun vegna for-
dæmalausra auglýsinga Iceland Watch í fjölmiðlum undanfarna daga þar
sem spjótum virðist beint að lögfestum ráðstöfunum á Íslandi um með-
ferð aflandskróna. Stjórnvöld mótmæla rangfærslum þeim sem birtast í
þessum auglýsingum.
Ljóst er að erlendir aðilar, sem telja sig hafa hagsmuni af því að ráð-
stöfunum um meðferð aflandskróna verði breytt, standa að baki þessum
auglýsingum, þar sem einnig er vegið með ósmekklegum hætti að starfs-
heiðri tiltekinna starfsmanna Seðlabanka Íslands. Einstakir stærri af-
landskrónueigendur hafa að undanförnu freistað þess að hafa áhrif á al-
þjóðlegar stofnanir, lánshæfismatsfyrirtæki og almenna fjölmiðla-
umfjöllun en orðið lítið ágengt. Íslensk stjórnvöld hafa við undirbúning
laga og framkvæmd áætlunar um afnám hafta í einu og öllu lagt áherslu
á að tryggja jafnræði, verja stjórnarskrárvarin réttindi og virða alþjóð-
legar skuldbindingar …Tilgangur laga um meðferð krónueigna er að að-
greina aflandskrónueignir tryggilega svo mögulegt sé að stíga næstu
skref í losun hafta og koma á frjálsum milliríkjaviðskiptum á ný …“
Fordæmalausar auglýsingar
YFIRLÝSING STJÓRNVALDA VEGNA ICELAND WATCH