Morgunblaðið - 29.10.2016, Qupperneq 2

2
MORGUNBLAÐIÐ LAUGARDAGUR 29. OKTÓBER 2016
Kanarí
Flug og hótel | 21. nóv. | 9 nætur
Frábært verð frá:69.900 kr.
og 12.500 Vildarpunktar.
Á mann m.v. 2 í íbúð/herbergi á besta stað á
Ensku ströndinni*. Verð án Vildarpunkta: 79.900 kr.
VITA | Skógarhlíð 12 | Sími 570 4444 | VITA.IS
*þú bókar þig í ferð á vegum VITA og færð að vita þremur
dögum fyrir brottför á hvaða hóteli þú lendir. Nánar á vita.is.
Morgunblaðið Hádegismóum 2, 110 Reykjavík. Sími 5691100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Sigurður Nordal vidskipti@mbl.is Íþróttir Víðir Sigurðsson sport@mbl.is mbl.is Sunna Ósk Logadóttir netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/senda grein Prentun Landsprent ehf.
„Fréttamenn okkar verða á staðn-
um og leita viðbragða formanna
flokkanna við fyrstu tölum um leið
og þær berast,“ segir Sunna Ósk
Logadóttir, frétta-
stjóri mbl.is, og vísar
í máli sínu til kosn-
ingavöku vefsins þar
sem ítarleg og öflug
umfjöllun verður um
alþingiskosningarnar í allan dag
og allt þar til endanleg úrslit
liggja fyrir.
Fylgst verður með gangi mála
frá því að kjörstaðir eru opnaðir
og allt til enda. Á mbl.is verða
birtar tölur um leið og þær verða
gefnar út af yfirkjörstjórnum, við-
brögð frambjóðenda og fylgst með
kosningavökum stjórnmálaflokk-
anna.
Tölur, Twitter og komment
Von er á fyrstu tölum strax og
kjörstöðum hefur verið lokað eða
upp úr klukkan 22 í kvöld.
„Á forsíðu mbl.is geta lesendur
nálgast nýjustu tölur sem birtar
verða í aðgengilegri grafík og að
sjálfsögðu viðbrögð stjórnmála-
skýrenda, frambjóðenda og ann-
arra - allt þetta og miklu meira til
á kosningavöku mbl.is,“ segir
Sunna Ósk og heldur áfram:
„Einnig verðum við með beina
textalýsingu á forsíðu mbl.is þar
sem hægt er að fylgjast með því
sem hæst ber hverju sinni á ein-
faldan hátt. Skemmtilegustu
kommentin, sniðugustu Twitter-
færslurnar og allt hitt verður þar
að finna.“ khj@mbl.is
Öflug
umfjöllun
á mbl.is
 Fyrstu tölur, við-
brögð og stemningin
á kosningavökum
Morgunblaðið/Ómar
Helgi Bjarnason
Agnes Bragadóttir
Börkur Gunnarsson
Formenn stjórnmálaflokkanna meta
stöðuna með mismunandi hætti. Þeir
formenn sem ná mönnum á þing,
samkvæmt skoðanakönnunum, voru
beðnir um mat á því um hvað væri
kosið í dag og hvað væri í húfi.
Bjarni: Vöxtur eða vinstristjórn
„Valið í kosningunum er skýrt.
Það snýst um hvort við kjósum hag-
sæld eða óvissu. Hvort við höldum
áfram með þá efnahagsstefnu sem
hefur skilað okkur svo miklu, eða
hvort þeim árangri verður stefnt í
bráða hættu,“ segir Bjarni Bene-
diktsson, formaður Sjálfstæðis-
flokksins.
„Á þessum rúmum þremur árum
náðum við að snúa taflinu á Íslandi
við, rufum vítahring stöðnunar og
komum efnahagslífinu í gang. Ár-
angurinn blasir við öllum. Fyrir vikið
erum við Íslendingar komnir í óska-
stöðu svo eftir er tekið um allan
heim. En þá má heldur ekki glutra
henni niður. Ef hér tekur við vinstri-
stjórn með Pírata sem hryggjar-
stykkið, þá blasir við óvissuástand
og óstöðugleiki, sem er hið síðasta
sem Íslendingar þurfa á að halda.
Við megum ekki setja árangurinn í
uppnám og kalla yfir okkur koll-
steypur. Það er komið að úrslita-
stund og valið stendur milli vaxtar
eða vinstristjórnar.“
Birgitta: Tveir valkostir
„Kjósendur standa frammi fyrir
tveimur valkostum; annars vegar ör-
yggi og stöðugleika með flokkum
sem hafa nú þegar sýnt fram á að
geti unnið saman, en hinsvegar
stjórnleysi og óöryggi með flokkum
sem eru margklofnir undir stjórn
Sjálfstæðisflokksins“, segir Birgitta
Jónsdóttir, þingflokksformaður Pí-
rata. „Það verður að hefjast handa
við að endurreisa heilbrigðiskerfið.
Til þess að það sé hægt þá þarf að
breyta fiskveiðikerfinu í takt við það
sem Færeyingar gerðu til að arður-
inn skili sér í miklu meira mæli í
sameiginlega sjóði þjóðarinnar. Við
viljum færa valdið til fólksins og það
þarf að taka á spillingunni sem hefur
fengið að grassera hérlendis í allt of
miklum mæli og er ástæða þess að
við erum að kjósa fyrr. Nýja stjórn-
arskráin skiptir mjög miklu máli.
Það er grundvallaratriði að virða
niðurstöðu þjóðaratkvæðagreiðsl-
unnar árið 2012.“
Katrín: Innviðir byggðir upp
„Frá mínum bæjardyrum séð er
kosið um þá forgangsröðun núver-
andi ríkisstjórnar að létta skattbyrði
af tekjuhæstu hópunum, og þar af
leiðandi hefur hún vanrækt að
byggja upp nauðsynlega innviði í
efnhagsbatanum sem orðið hefur,“
segir Katrín Jakobsdóttir, formaður
Vinstrihreyfingarinnar - græns
framboðs. „VG hefur lagt fram aðra
sýn sem snýst um jöfn tækifæri,
óháð efnahag og búsetu.“
„Það skiptir máli fyrir ungt fólk að
innviðirnir séu í lagi. Fyrir venjulegt
fólk búa mikil verðmæti í velferðinni
og skiptir miklu máli fyrir lífskjör
fólks. Það er í húfi að Ísland verði
áfram staður sem fólk vill búa á og
lifa.“
Sigurður Ingi: Öflugt atvinnulíf
„Aðalatriði morgundagsins snýst
um það hvort við viljum áfram
trausta efnahagsstjórn á Íslandi, öfl-
ugt atvinnulíf, stöðugleika sem við
höfum ekki séð fyrr, en höfum nú
haft í yfir þrjátíu mánuði,“ segir Sig-
urður Ingi Jóhannsson, forsætisráð-
herra og formaður Framsóknar-
flokksins.
„Eða veljum við afturhvarf til til-
raunarinnar með vinstristjórn, aðild
að Evrópusambandinu, sem klífur
þjóðina í herðar niður? Um það snú-
ast kosningarnar á morgun.“
Óttarr: Heiðarleiki
„Þessar kosningar snúast um
heiðarleika og skynsemi,“ segir Ótt-
arr Proppé, formaður Bjartrar fram-
tíðar. „Fólk upplifir að sumir hafi
meiri tækifæri en aðrir, að sumir
hafi betri aðgang að samfélaginu en
aðrir og því þarf að breyta. Við kjós-
um um að blása nýju lífi í grotnandi
innviði í heilbrigðiskerfinu, mennta-
kerfinu, samgöngunum o.s.frv., um
áherslu á umhverfi og mannréttindi.
Við höfum tækifæri til að hafna með-
virkni, lélegum vinnubrögðum og
frændhygli. Við erum enn að glíma
við eftirköst hruns sem var afleiðing
fúsks og óheiðarleika. Við kjósum
um að tryggja að það endurtaki sig
ekki.“
Oddný: Kosið um breytingar
„Það verður kosið um breytingar.
Hvort hægt verður að leggja áherslu
á velferð og félagslegan stöðugleika
til jafns við þann efnahagslega, og
réttláta skiptingu þjóðarkökunnar,
og hverfa frá frændhygli og spill-
ingu,“ segir Oddný G. Harðardóttir,
formaður Samfylkingarinnar.
„Fyrir okkur er það í húfi að það
verði raddir inni á þingi sem tala fyr-
ir jafnaðarstefnunni sem hefur skap-
að mesta velferðarríki í heimi. Það er
mikið í húfi fyrir íslenskt samfélag
að þeim röddum verði ekki ýtt út.“
Benedikt: Tækifærið er núna
„Nú er tækifæri til að innleiða nýj-
ar, frjálslyndar hugmyndir og kerf-
isbreytingar og lækna sárin úr hrun-
inu, ekki bara efnahagshruninu
heldur líka siðferðishruninu sem
varð 2008,“ segir Benedikt Jóhann-
esson, formaður Viðreisnar. „Það er
ekki víst að þetta tækifæri komi aft-
ur á næstunni. Við finnum það á
ferðum okkar um landið að í útflutn-
ingsfyrirtækjunum er enginn
stöðugleiki. Gengið er að styrkjast,
þannig að menn fá færri krónur fyrir
hvern seldan fisk. Sjómennirnir fá
minna í launaumslagið í hverjum túr,
það er ekki sá stöðugleiki sem við
sækjumst eftir. Þess vegna viljum
við festa gengi krónunnar. Við vilj-
um taka upp ný vinnubrögð og ná
sátt í samfélaginu um grundvallar-
mál.“
Stjórnin vill stöðugleika -
andstaðan boðar breytingar
Morgunblaðið/Árni Sæberg
Í sjónvarpssal Foringjar stærstu stjórnmálaflokkanna sem bjóða fram í alþingiskosningunum í dag luku kosninga-
baráttunni með kappræðum í Sjónvarpinu í gærkvöldi. Þeir kynntu baráttumál sín og skiptust á skoðunum um þau.
ALÞINGISKOSNINGAR 2016
 Katrín Jakobsdóttir segir að nota eigi efnahagsbata til að byggja upp innviði
 Forsætisráðherra segir að valið sé um trausta efnahagsstjórn eða vinstristjórn
Agnes Bragadóttir
agnes@mbl.is
Liðlega eitt hundrað manns missa
vinnuna um næstu áramót hjá lyfja-
verksmiðju Actavis í Hafnarfirði, en
alls áætlar fyrirtækið að segja upp
liðlega 250 manns á næstu mánuð-
um.
Í skriflegu svari frá Actavis við
fyrirspurnum Morgunblaðsins
kemur fram að þeir liðlega 100
starfsmenn lyfjaverksmiðjunnar
sem hætta störfum um áramótin fái
uppsagnarbréf í desembermánuði,
en enn hafi engum starfsmanni
verksmiðjunnar verið sagt upp.
Líkt og greint var frá um mitt ár í
fyrra er áætlað að lyfjaverksmiðjan
hætti starfsemi um mitt næsta ár, en
þar starfa nú tæplega 250 manns,
sem allir munu missa vinnu sína.
Fram kemur í svari Actavis að
þeir sem fái uppsagnarbréfi í desem-
ber muni „fá uppsagnarfrest greidd-
an, til samræmis við gildandi ráðn-
ingarsamning, án þess að til
vinnuframlags þeirra komi“.
Fyrirtækið svarar spurningunni
um hvenær uppsögnum þessara 250
starfsmanna verður lokið á eftirfar-
andi hátt: „Tímalínur varðandi áætl-
uð starfslok eru mismunandi eftir
eðli starfa og verkefnum hvers og
eins. Þeim ætti að ljúka næsta vor
eða sumar, allt eftir því hversu vel
tekst til að flytja framleiðsluna á
aðra framleiðslustaði, sem er flókið
og langt ferli.“
Jafnframt kemur fram að eftir að
starfsmenn lyfjaverksmiðjunnar
hafa hætt störfum hjá fyrirtækinu
verði eftir starfandi hjá Medis, dótt-
urfélaginu sem selur lyf og lyfjahug-
vit, rúmlega 350. Loks segir í svari
Actavis við fyrirspurnum Morgun-
blaðsins að Actavis hafi, til að að-
stoða starfsmenn lyfjaverksmiðj-
unnar við að takast á við þessar
breytingar, lagt mikla áherslu á að
styðja frekari menntun og þjálfun
starfsmanna til að gera þá betur í
stakk búna til að sækja sér önnur
störf til framtíðar.
100 missa vinnuna um
áramót hjá Actavis
 Fyrirtækið mun segja upp um 250 manns í lyfjaverksmiðjunni