Dagblaðið Vísir - DV - 20.02.2015, Blaðsíða 4

Helgarblað 20.–23. febrúar 20154 Fréttir
Yfir 20 ára farsæl rekstrarsaga og vel
þekkt fyrirtæki um allt land.

Við leitumst eftir að vinna með öflugum og
sölusinnuðum einstaklingum sem hafa öðlast
eða stefna á löggildingu fasteignasala.

Boðið er sanngjarnt verð á allt að 49% hlutfjár
og sveiganleika í samnings skilmálum.

Öllum áhugasömum aðilum er bent á að senda
nafn, kennitölu, síma og stutta kynningu á
netfangið orustustadir@gmail.com
TÆKIFÆRI
SEM BÝÐST EKKI AFTUR
Ein þekktasta fasteignasala landsins er
að hefja starfsemi á ný.
Með allar fyrirspurnir verður farið með sem algjört trúnaðarmál
Bókaforlagið Salka til sölu
Nokkrar fyrirspurnir hafa borist varðandi kaup á fyrirtækinu
B
ókaforlagið Salka sem hefur
verið starfandi í tæp fimmtán
ár er til sölu. Að sögn eigandans
og framkvæmdastjórans,
Hildar Hermóðsdóttur, er verið að
kanna hvað fæst fyrir fyrirtækið
og þegar hafa nokkrar fyrirspurnir
borist.
„Það eru einhverjir að skoða mál­
ið,“ segir hún og bætir við að rekstur
bókaforlaga hérlendis sé almennt séð
erfiður. „Það er verið að hækka virð­
isaukaskattinn og rekstrarumhverfið
er erfitt.“
Hildur vill ekkert tjá sig um fjár­
hagsstöðu Sölku en staðfestir að ekki
hafi allir höfundar fengið greitt fyrir
vinnu sína sem gáfu út hjá forlaginu
fyrir jól. „Það er ýmist búið að ganga
frá þeim málum eða þau eru í far­
vegi,“ segir hún.
Sjö manns starfa hjá Sölku og hef­
ur megináhersla fyrirtækisins verið
útgáfa verka fyrir konur og eftir kon­
ur. Stærstur hluti titla eru handbæk­
ur af ýmsu tagi en þó koma út nokk­
ur skáldverk árlega, bæði íslensk og
þýdd.
Í fyrra voru gefnir út um þrjátíu
titlar hjá fyrirtækinu. Á meðal þeirra
höfunda sem gáfu út hjá Sölku í
fyrra voru Iðunn Steinsdóttir, Guð­
rún Veiga Guðmundsdóttir og Valgeir
Skagfjörð. Nýjasta bók forlagsins er
Hreint mataræði sem þær Nanna
Gunnarsdóttir og Guðrún Bergmann
íslenskuðu. n freyr@dv.is
Glæsikerrur stjórnenda
kostuðu þrjátíu milljónir
n Sex stjórnendur Póstsins með bíl frá fyrirtækinu n Rekstur þeirra kostaði níu milljónir í fyrra
Í
slandspóstur greiddi samtals 29,5
milljónir króna fyrir fimm jeppa
og einn fólksbíl sem forstjóri og
framkvæmdastjórar ríkisfyrirtæk­
isins hafa til umráða samkvæmt
ráðningarsamningum. Kostnaður við
rekstur bifreiðanna nam alls 8,8 millj­
ónum króna í fyrra þegar fyrirtækið
lagði áfram áherslu á aðhald í rekstri
eftir 119 milljóna króna tap 2013.
Samkvæmt svari Póstsins við fyrir­
spurn DV hefur fyrirtækið keypt tvo
jeppa af gerðinni Ford Explorer, einn
Ford Expedition­jeppa og fólksbíllinn
Volvo V70. Bílarnir voru keyptir nýir á
árunum 2007 og 2008. Seinna eignað­
ist fyrirtækið einnig tvo notaða Toyota
Land Cruiser­jeppa sem voru smíð­
aðir árið 2007. Pósturinn greiddi um
4,9 milljónir króna að meðaltali fyrir
hvern bíl.
Ekki skoðað að selja bílana
Framkvæmdastjórn Póstsins sam­
anstendur af Ingimundi Sigurpálssyni
forstjóra og fimm framkvæmdastjór­
um. Samkvæmt nýjustu ársskýrslu
fyrirtækisins námu laun og hlunnindi
stjórnar og æðstu stjórnenda samtals
95 milljónum króna árið 2013. Ingi­
mundur var þá með 14 milljónir í árs­
laun, sem var hækkun um tvær millj­
ónir frá fyrra ári, en stjórnarmenn
fengu samtals sjö milljónir. Má því
gera ráð fyrir að laun og hlunnindi
framkvæmdastjóranna fimm hafi
numið um 74 milljónum króna eða í
kringum 1,2 milljónir á hvern starfs­
mann á mánuði. Í svari Póstsins seg­
ir að engir aðrir starfsmenn fyrirtæk­
isins hafi bíl til umráða samkvæmt
ráðningarsamningi.
Ingimundur segir í skriflegu svari
til DV að það hafi ekki komið til tals
innan ríkisfyrirtækisins að draga
úr rekstrarkostnaði með kaupum á
ódýrari bifreiðum fyrir stjórnendur.
„Bifreiðaafnotin eru hluti af ráðn­
ingarsamningi og það hefur ekki
komið til tals að segja upp ráðningar­
samningum við framkvæmdastjóra
fyrirtækisins. Ákvörðun um val bif­
reiða tekur meðal annars mið af
fjölda ferða og vegalengdum, sem
einstakir framkvæmdastjórar þurfa
að fara vegna starfa sinna víða um
land. Íslandspóstur hefur á að skipa
öflugu stjórnendateymi og það á eins
við um stjórnendur sem aðra starfs­
menn fyrirtækisins, að það verður
að vera samkeppnishæft í launum
til þess að eiga kost á að laða til sína
hæfa starfsmenn. Bifreiðaafnot fram­
kvæmdastjóra eru hluti af því,“ segir í
svari Ingimundar.
Pósthúsum fækkað
Á síðustu árum hafa orðið grund­
vallarbreytingar á rekstrarumhverfi
Póstsins en fyrirtækið er hlutafélag í
eigu ríkisins. Mikill samdráttur hefur
orðið í bréfasendingum og nokkuð
er síðan bréfamagn hætti að standa
undir kostnaði við dreifikerfi Pósts­
ins.
„Eigi ekki að fjármagna póstþjón­
ustu landsmanna með skattfé
í nánustu framtíð verður
Pósturinn að taka
breytingum í takt við
breytta tíma,“ segir á
heimasíðu fyrirtæk­
isins.
Tap varð á
rekstri Póstsins
að fjárhæð 118,8
milljónir króna á
árinu 2013 en árið áður var fyrirtæk­
ið rekið með 52,6 milljóna hagnaði.
Fyrir tækið hefur þurft að grípa til
verðskrárhækkana á undanförnum
árum og loka pósthúsum.
„Íslandspóstur hefur þurft að
hækka verðskrá félagsins, einkum
verðskrá bréfa í þyngdarflokknum
0–50 grömm. Það á fyrst og fremst ræt­
ur að rekja til þess að bréfasending­
um hefur fækkað verulega síðast­
liðin sex ár á sama tíma og póstlúgum
hefur fjölgað með tilheyrandi kostn­
aði vegna ákvæða laga um dreifingu
alla virka daga ársins víðast hvar á
landinu, bæði í dreifbýli og þéttbýli,“
segir Ingimundur. […] Það er rétt að
pósthúsum hefur fækkað nokkuð á
síðustu árum, þar sem samdráttur
hefur verið í viðskiptum, en í stað
þeirra hefur Íslandspóstur haldið
uppi póstafgreiðslu með póstbílum,
sem raunar geta veitt betri einstak­
lingsbundna þjónustu í mörgum til­
vikum,“ segir Ingimundur.
„Það hefur verið áhersluatriði hjá
Íslandspósti um langt árabil að gæta
aðhalds og sparnaðar í rekstri. Árið
2014 var ekkert sérstakt hvað það
varðar. Verulegur árangur hefur náðst
í þeim efnum og víst er að áfram verð­
ur áhersla lögð á sparnað og hag­
ræðingu, þar sem því verður við
komið.“
Afkoman kynnt í
næstu viku
Spurður hvort
útlit sé fyrir
áfram­
haldandi
taprekstur
segir Ingi­
mundur að
fyrirtækið
reikni með
frekari
samdrætti
í bréfa­
dreifingu á næstu árum. Jafnframt
megi gera ráð fyrir að bréfum í
dreifingu Íslandspósts fækki þar að
auki á næstu árum vegna afnáms
einkaréttar Póstsins á bréfum undir
50 grömmum að þyngd.
„Það mun væntanlega leiða til
áframhaldandi taprekstrar í bréfa­
dreifingu, ef ekki verða samhliða því
breytingar á lögbundinni skyldu fyrir­
tækisins til þess að veita óbreytta
þjónustu. Ég er þó vongóður um að
nauðsynlegar breytingar verði gerðar
á póstlögum svo ekki þurfi að koma til
þess. Annar rekstur gengur til muna
betur.“
Ingimundur gefur ekki upp hvort
fyrirtækið hafi verið rekið með tapi
eða hagnaði á síðasta ári.
„Við verðum með aðalfund Ís­
landspósts í næstu viku, þar sem
rekstrarniðurstaða nýliðins árs verð­
ur kynnt, og í beinu framhaldi af hon­
um verða afkomutölur birtar.“ n
Haraldur Guðmundsson
haraldur@dv.is
Tveir bílanna Fyrirtækið keypti meðal
annars jeppa af gerðunum Ford Explorer og
Toyota Land Cruiser. myndir siGTryGGur Ari „Það mun væntan­
lega leiða til
áframhaldandi tap­
rekstrar í bréfadreifingu
Forstjórajeppinn
Ingimundur Sigurpáls-
son, forstjóri Íslands-
pósts, keyrir á Ford
Expedition árgerð 2008.
stjórnendateymið Allir sex stjórnendur Póstsins eru með bíl til umráða frá fyrirtækinu samkvæmt ráðningarsamningum. Ingimundur
Sigurpálsson, forstjóri fyrirtækisins, sést hér annar frá vinstri.