Dagblaðið Vísir - DV - 20.02.2015, Blaðsíða 16

Helgarblað 20.–23. febrúar 201516 Fréttir
„Megum ekki útrýma
allri mannlegri nálgun“
n Starf neyðarstjórnar ferðaþjónustu fatlaðra hálfnað n Útiloka ekki grundvallarbreytingar
M
arkmiðið með því að gera
þessar breytingar var ekki
að draga úr kostnaði,“ sagði
Stefán Eiríksson, formaður
neyðarstjórnar ferðaþjón­
ustu fatlaðs fólks, á fundi með Sjálfs­
björg, landssambandi fatlaðra, síð­
astliðinn miðvikudag. Tilgangurinn
var að gefa notendum þjónustunn­
ar og aðstandendum þeirra tæki­
færi til að greina neyðarstjórninni
frá reynslu sinni af ferðaþjónustunni
og koma með tillögur til úrbóta. Stef­
án sagði markmið breytinganna hafa
verið að bæta þjónustuna, en eins og
kunnugt er hafa breytingarnar sem
gerðar voru í þjónustunni verið tals­
vert gagnrýndar frá því þær tóku gildi
um áramótin.
Ópersónulegt kerfi
Fjölmargir notendur sögðu reynslu­
sögur af þjónustunni undanfarn­
ar vikur. Einn þeirra var Sveinbjörn
en hann segir kerfið ósveigjanlegt
og ópersónulegt. Það sannaðist á
dögunum þegar hann missti af bíln­
um sem átti að sækja hann og keyra
hann til vinnu. „Við vorum vanir
því að bíllinn kæmi klukkan átta en
þarna kom hann 7:50,“ sagði Bjarni,
aðstoðarmaður Sveinbjörns. „Sami
bíll kom aftur klukkan átta að sækja
tvo íbúa í næsta stigagangi. Við vor­
um þarna tveir starfsmenn sem
báðum bílstjórann að taka Svein­
björn með í ferðina,“ segir Bjarni, en
mennirnir þrír voru allir að fara til
vinnu á Reykjalundarsvæðinu. Bíl­
stjórinn taldi sig hins vegar ekki mega
taka Sveinbjörn með í ferðina, þrátt
fyrir að það væri nóg pláss, því hann
var ekki skráður í ferðina klukkan
átta. Hann var skráður í ferðina sem
hann missti af klukkan 7:50.
„Kerfið á auðvitað að bjóða upp
á sveigjanleika,“ svaraði Stefán. „Við
megum ekki útrýma allri mannlegri
nálgun á þetta verkefni þó svo að við
séum að notast við dýrt og fínt tölvu­
kerfi. Það sem allir eru að kalla eftir er
þessi persónubundna og góða þjón­
usta sem við svo sannarlega viljum
veita.“
Svæðisskipting skynsamleg
Stefán útilokaði ekki að neyðar­
stjórnin myndi skila tillögum sem
hljóðuðu upp á ýmsar grundvallar­
breytingar á þjónustunni. Ein þeirra
væri að skipta bílum og bílstjór­
um niður á ákveðin svæði. „Það sem
margir sakna úr gamla kerfinu er að
þjónustan virtist vera persónulegri,“
sagði Stefán. „Þeir sem voru að aka
voru mikið til með sínar föstu ferðir,
sem þýddi að þeir áttu fasta kúnna.
Notendur gátu nokkurn veginn treyst
á að þeir þekktu bílstjórann sem var
að koma.“ Samkvæmt upplýsingum
sem neyðarstjórnin hefur fengið frá
Strætó og fulltrúum tölvukerfisins
ætti það að vera einfalt mál að skipu­
leggja ferðirnar með þessum hætti.
„Þetta er til dæmis það sem foreldr­
ar fatlaðra barna eru mikið að kalla
eftir; að það séu ákveðnir bílstjórar á
sömu bílum sem sinna sömu hópun­
um dag eftir dag. Ég held að þetta sé
skynsamleg leið,“ sagði Stefán.
Aðrar tillögur sem Stefán taldi lík­
legt að neyðarstjórnin myndi koma
með vörðuðu meðal annars lengd
bíltúra. Í þjónustulýsingu segir að
ferðatími geti orðið allt að 45 mínútur,
sem hingað til hefur þýtt að þeir sem
eru að fara ferð sem venjulega tæki
tíu mínútur hafa verið bundnir í bíln­
um í allt að þrjú korter. „Nú er verið
að skoða leiðir í kjölfar ábendinga að
bæta inn í kerfið reglu á borð við þá
að ferðatími verði aldrei lengri en tvö­
faldur stysti aksturstími,“ sagði Stefán.
Vildu gera kerfið betra
Margir fundargestir bentu á að þeir
ættu bágt með að sjá hagræðinguna
sem hlytist með þessum breytingum.
„Tilgangurinn með því að koma
þessu kerfi á var ekki að spara
umtalsverðar fjárhæðir heldur vildu
menn gera kerfið betra,“ svaraði
Stefán. Líkt og DV fjallaði hins vegar
um í vikunni kviknaði hugmyndin
að sameiginlegri ferðaþjónustu
fatlaðs fólks á höfuðborgarsvæðinu
á sérstakri hugmyndasmiðju
sem haldin var á vegum Samtaka
sveitarfélaga á höfuðborgarsvæðinu
árið 2011. Tilgangur fundarins var að
fara yfir hugmyndir sem gætu leitt til
hagræðingar og kostnaðarlækkunar
með auknu verk efnasamstarfi
sveitar félaganna. Verkefnahópurinn
sem skipaður var í kjölfarið skilaði
skýrslu sama ár þar sem fram kom að
sparnaðurinn gæti verið allt að 116
milljónir. Stefán sagði á fundinum
að engar viðvörunarbjöllur færu í
gang varðandi rekstrarkostnað vegna
þjónustunnar í janúar. „Það blasir ekki
við að það sé stóraukinn kostnaður
miðað við þær tölur,“ segir hann.
Nokkrir spurðu að auki hvort ekki
væri til skoðunar að taka aftur upp
gamla tölvukerfið. Stefán sagðist ekki
vera með það til skoðunar, en bætti
því við að hann væri ekki tilbúinn
til að fara í aðra innleiðingardýfu
á þessari þjónustu nema það væri
algjörlega nauðsynlegt.
Vildi ekki hoppa frá borði
Bryndís Haraldsdóttir, stjórnar­
formaður Strætó, var meðal þeirra
sem tók til máls á fundinum. Ýms­
ir töldu tímabært að stjórn Strætó
myndi víkja vegna þeirra mistaka
sem gerð voru við innleiðingu kerfis­
ins. Meðal annars lagði Guðfinna Jó­
hanna Guðmundsdóttir, borgarfull­
trúi Framsóknar og flugvallarvina,
fram tillögu á fundi borgarráðs í síð­
ustu viku að fulltrúi Reykjavíkur­
borgar í SSH myndi leggja fram til­
lögu á stjórnarfundi að öll stjórn
Strætó yrði leyst frá störfum og ný
stjórn skipuð. Bryndís segir ábyrgð­
ina örugglega liggja víða. „Ég sem
stjórnarformaður í þessu fyrirtæki
vík mér ekki undan ábyrgð varðandi
hvernig við innleiddum þessa þjón­
ustu,“ sagði hún meðal annars. „Mér
fannst ekki ástæða til þess að hoppa
frá borði til þess að einhver nýr gæti
komið að og reynt að vinna að þessu.
Heldur ákvað ég að taka sæti í neyðar­
stjórninni og við vinnum nú hörðum
höndum að þessu. Ég vona innilega
að við getum komið á kerfi sem flest­
ir, helst allir, geti verið ánægðir með,“
sagði Bryndís Haraldsdóttir, stjórnar­
formaður Strætó, á fundinum. n
Áslaug Karen Jóhannsdóttir
aslaug@dv.is Persónulegri þjónusta
Stefán Eiríksson, formaður
neyðarstjórnar ferða-
þjónustu fatlaðs fólks og
sviðsstjóri velferðarsviðs
Reykjavíkurborgar,
útilokar ekki að tillögur
neyðarstjórnar muni kalla
á grundvallarbreytingar á
þjónustunni. Mynd Sigtryggur Ari
Víkur sér ekki undan ábyrgð „Ég vona svo innilega að okkur takist að gera þetta kerfi
gott,“ segir Bryndís Haraldsdóttir, stjórnarformaður Strætó. Mynd Sigtryggur Ari
„Kerfið á auðvitað
að bjóða upp á
sveigjanleika.
Glæsileg ný lína af exo borðstofu-
húsgögnum á frábæru verði!
Skúffuskenkur 140x40x72H sm. Í hvítu
háglans og svörtu með eikarfótum.
Fullt verð 84.500 kr.
Nú 71.825 kr. m/15% afsl.
TV skápur 160x40x50H sm Til í hvítu
háglans og svörtu með eikarfótum.
Fullt verð 79.800 kr.
Nú 67.830 kr. m/15% afsl.
Kauptúni 3, 210 Garðabær | S. 771 3800 | Opið: mán.-fös. 12-18, lau. 12-16 og sun. 13-16 | signature.is
Borðstofuborð stækkanlegt 160/200 x 90 sm.
Til í hvítu háglans, svörtu og eik.
Verð áður 79.900 kr.
Nú 67.915 kr. m/15% afsl.
Hér sýnt með stól nr. S110
Verð áður 12.900 kr.
nú 10.965 kr. m/15% afsl.
É
g get ekki sagt nákvæmlega hvað
ég fer að gera næst. Það er ekkert
leyndarmál en ég hef ekki fengið
allt alveg staðfest eins og staðan
er núna.“ Þetta segir Þórir Hákonar­
son, fráfarandi framkvæmdastjóri
KSÍ. Hann hefur sagt upp hjá sam­
bandinu. Innan við vika er liðin síð­
an ársþingi KSÍ lauk og stjórn sam­
bandsins var endurkjörin.
Þórir hefur verið fram­
kvæmdastjóri KSÍ frá 2007. Hann
var mikið í fréttum árið 2013 eft­
ir að miðar á leik Íslands og Króatíu
í undankeppni HM 2014 voru seldir
um miðja nótt. Mun færri komust að
en vildu og eins voru vinnubrögð KSÍ
harðlega gagnrýnd. Þórir mun láta
af störfum sem framkvæmdastjóri
1. mars næstkomandi og segist ætla
að skipta um vettvang eftir átta vel
heppnuð ár í starfi.
„Á þessum tímamótum og í kjöl­
far vel heppnaðs ársþings 2015 hef
ég ákveðið að láta af störfum sem
framkvæmdastjóri sambandsins frá
og með 1. mars nk. en ég hef íhugað
að skipta um vettvang frá því seint á
síðasta ári og tel að nú, í upphafi nýs
starfsárs, sé rétt að stíga þetta skref,“
segir Þórir. Í samtali við DV segir Þór­
ir að hann sé búinn að íhuga sinn
nýja vettvang en geti ekki sagt hver
hann er að svo stöddu. n
Þórir hættir hjá KSÍ
Skiptir um vettvang