Dagblaðið Vísir - DV - 20.02.2015, Blaðsíða 22

22 Fréttir Erlent Helgarblað 20.–23. febrúar 2015
LEIKURINN OKKAR
P OT T U R I N N S T E F N I R Í 6 5 M I L L J Ó N I R
L A U GA R DA G I N N 2 1 . F E B R Ú A R
E
N
N
E
M
M
/
S
ÍA
/

N
M
6
7
4
8
2
Albínóadrengur
fannst myrtur
Árásir gegn albínóum algengar í Tansaníu
E
ins árs drengur sem þjáðist af
albínisma fannst látinn í Afríku­
ríkinu Tansaníu á dögunum.
Drengnum, Yohana Bahati,
var rænt af hópi manna síðastliðinn
laugardag en árásarmennirnir brutust
inn á heimili móður hans, veittu
henni áverka með sveðju áður en þeir
námu drenginn á brott. Illa farið lík
hans fannst í skóglendi skammt frá.
Fjölmörg atvik hafa komið upp í
Tansaníu á undanförnum árum þar
sem albínóar eru hundeltir og þeir
limlestir eða jafnvel myrtir. Ástæð­
an fyrir þessu er sú að sumir standa
í þeirri trú að líkamshlutar albínóa
færi þeim aukna heppni, hamingju og
hagsæld. Þetta þýðir að sumir eru til­
búnir að leggja mikið á sig og greiða
hátt verð fyrir líkamshluta albínóa;
hvort sem um er að ræða hendur, fæt­
ur eða allan líkamann. Útlimunum,
líkamsleifunum, er svo komið í hend­
ur töfralækna sem búa til mix túrur
eða „heilsudrykki“ úr þeim. Talið
er að 74 albínóar hafi verið myrtir í
Tansaníu frá árinu 2000.
„Þeir voru búnir að höggva hendur
hans og fætur af,“ segir Joseph Konyo,
lögreglustjóri á svæðinu, í samtali
við AFP­fréttaveituna á miðvikudag.
Móðir drengsins, Ester Jonas, er sögð
illa haldin á sjúkrahúsi en hún hlaut
djúpa skurði í andliti og höndum í
árásinni. Faðir drengsins hefur ver­
ið yfirheyrður af lögreglu en ekki ligg­
ur fyrir hvort hann átti þátt í árásinni.
Þess eru dæmi að foreldrar eða aðrir
fjölskylduvinir snúist gegn ástvinum
sínum, sem þjást af albínisma, í von
um skjótan gróða. Það gerðist í tilfelli
38 ára konu sem þjáðist af albínisma.
Eiginmaður hennar og fjórir menn
réðust á hana með sveðju í febrúar
2014 meðan hún svaf. n
Mörg fórnarlömb Talið er að 74 albínóar
hafi verið myrtir í Tansaníu frá árinu 2000.
Talsvert fleiri hafa komist lífs af úr árásum
eins og þessi stúlka sem heitir Pendo
Sengerema.
Þ
að er enginn vafi á því að
fangelsið okkar er fallegasta
fangelsi í heimi,“ segir
Omid, 25 ára íranskur
hælis leitandi sem dvelst í
Papúa Nýju­Gíneu, en hefur óskað
eftir hæli í Ástralíu. Þar sem áströlsk
stjórnvöld reka harða innflytjenda­
stefnu hvað varðar hælisleitendur
bíður hann enn eftir svörum um
framtíð sína eftir átján mánaða bið.
Áströlsk stjórnvöld hafa gert
samninga við Papúa Nýju­Gíneu
um að halda uppi flóttamanna­
búðum auk þess sem samningur er
til staðar við Narú, eyríki í Suður­
Kyrrahafi. Hælisleitendum sem hafa
komið á Jólaeyju, eyju í Indlands­
hafi sem er undir yfirráðum Ástral­
íu, er flestum vísað til Papúa Nýju­
Gíneu. „Hver sá hælisleitandi sem
kemur til Ástralíu með báti mun
ekki hafa nein tækifæri til að setjast
hér að,“ sagði Kevin Rudd, þáver­
andi forsætisráðherra landsins, árið
2013 þegar stefnan var mótuð.
„Ímyndið ykkur stórt búr á einni
einangruðustu eyju í heiminum,
umkringt hafinu, frumskógi og há­
vöxnum kókóspálmatrjám,“ segir
Omid sem dvelur á Manus­eyjunni,
lítilli og harðgerðri eyju sem þakin
er þykku skóglendi. Um 50 þúsund
íbúar eru á eyjunni, en að auki eru
um 1.000 hælisleitendur sem ósk­
uðu ekki eftir því að enda þar. Þeir
vilja flestir komast hvert á land sem
er – nema aftur heim þar sem þeir
telja að sér sé bráð hætta búin. Þrátt
fyrir fegurð eyjunnar eru aðstæður í
búðunum afar bágar og líf hælisleit­
endanna í mikilli hættu.
Blaðamaður
Omid var blaðamaður í Íran og flúði
landið þegar honum var hótað fang­
elsi. Hann greiddi mönnum, sem
lofuðu að hann kæmist til Ástralíu,
fúlgur fjár. Hann fór frá Indónesíu
og líkt og svo margir hælisleitendur
stefndi hann á að komast til Jólaeyj­
ar og þaðan til Ástralíu. Þegar þang­
að var komið var hann strax fluttur
til Manus­eyjar og hefur verið þar í
búðum sem ekki er hægt að kalla
annað en flóttamannabúðir. Búðirn­
ar eru gömul herstöð frá Áströlum
og eru þar mörg hermannatjöld sem
eru full af hælisleitendum frá Íran,
Írak, Afganistan og Srí Lanka.
Þeir hælisleitendur sem vilja vera
áfram í Papúa Nýju­Gíneu geta sótt
um það og fá þá dvalarleyfi eða ríkis­
borgararétt verði þeir samþykkt­
ir. Aðrir verða sendir heim. 80 hafa
fengið hæli og nokkur hundruð hafa
farið heim aftur. Áströlsk stjórnvöld
segjast með þessu vera að koma í
veg fyrir mansal. Að auki segjast
þau telja að þetta sé eina leiðin til
að koma í veg fyrir hættulegt ferða­
lag hælisleitendanna. Árið 2013
komu um 400 bátar með 26 þús­
und hælisleitendum og 300 þeirra
létust á leiðinni. Árið 2014, árið eftir
að umdeildu reglurnar voru settar,
kom einn bátur á Jólaey og 15 bátar
mættu áströlsku herskipi sem sendi
hann til baka.
Mikill fjöldi býr í búðunum án
þess að hafa sótt um heimild til að
vera áfram í Papúa Nýju­Gíneu. Þeir
vilja flestir komast til Ástralíu en eru
í lausu lofti.
Átök
Ástandið er alvarlegt í búðunum. Í
fyrra urðu átök milli hælisleitenda
og varða í búðunum. Einn lést og
margir voru sárir eftir átökin. Í jan­
úar síðastliðnum fóru um 700 hæl­
isleitendur í hungurverkfall. Tíu
þeirra saumuðu saman varir sínar
til mótmæla og nokkrir gleyptu rak­
vélablöð og eiturefni.
„Það sem er allra verst er að þeir
sem fara í fangelsi vita hvað þeir
þurfa að afplána lengi. Það gerum
við ekki. Fyrirgefðu, en mér stendur
orðið á sama hvað kemur fyrir mig,“
segir Omed. n
Ásta Sigrún Magnúsdóttir
astasigrun@dv.is
Fastir á eyjunni sem
þeir vildu ekki fara til
n Ytra byrði búða hælisleitenda á Manus-eyju minnir á „fallegt fangelsi“
Mikill aðstöðumunur
Aðstöðumunurinn milli Ástralíu og
Manus er afar mikill. Atvinnuleysi er
mikið og heilbrigðis- og menntamál eru
í ólestri. Í Papúa Nýju-Gíneu búa að auki
7,2 milljónir manna sem tala 700 ólík
tungumál. Margir búa við bágar aðstæð-
ur á harðgerðum svæðum. Ástralir eyða
árlega um 500.000 áströlskum dölum
til að halda uppi búðunum á Manus.
Stjórnvöld á Manus hafa sínar efasemdir
um stöðuna.
„Hælisleitendurnir vilja ekki vera hér, þeir
vilja vera í Ástralíu,“ segir Charles Benja-
min, borgarstjórinn á Manus. „Ef einhver
vill ekki vera hér, og þú neyðir hann til
þess er líklegt að það leiði til átaka,“ segir
hann. „Er aðstoðin sem við erum að veita
þeim jafn mikil og við fáum til baka? Ég
held ekki – en kannski eru kröfur mínar
meiri,“ segir hann og bendir á að Ástralir
hafi eytt um 100 milljónum til að koma
upp húsnæði fyrir þá hælisleitendur sem
hafa ákveðið að dvelja í Papúa Nýju-
Gíneu. Húsnæðið er mun betra en flestir
íbúar eyjunnar búa við sem veldur einnig
átökum og kergju.
„Fyrirgefðu, en mér
stendur orðið á sama
hvað kemur fyrir mig.
Fangelsi Ytra byrði
búðanna er fallegt,
en hælisleitendurnir
segja það minna á
fallegt fangelsi.
Mynd SkjÁSkot aF veF BBC