Dagblaðið Vísir - DV - 20.02.2015, Blaðsíða 45

Lífsstíll 45Helgarblað 20.–23. febrúar 2015
Út fyrir
kassann
Kristín Tómasdóttir
utfyrirkassann@gmail.com
Eignaðist 25 nýja vini
n Margrét fór í sumarbúðir Mundo n Menningin framandi
M
argrét Andrésdóttir er
ung ævintýrakona sem
fór í sumarbúðir Mundo
síðastliðið sumar. Mar-
grét hafði lokið fyrsta
ári í Menntaskólanum í Reykjavík
þar sem hún hafði m.a. stundað
spænskunám og fengið nasaþefinn
af tungumálinu. Sumarbúðirnar
gáfu henni ómetanlega reynslu sem
styrkti spænskukunnáttuna til muna
auk þess sem hún kynntist spænskri
menningu og eignaðist 25 nýja vini.
Pabbi kom með hugmyndina
„Mig langaði mjög mikið til þess að
ferðast til útlanda yfir sumarið og
gera eitthvað framandi og nýtt en ég
vissi ekki alveg hverju ég var að leita
að. Svo kynnti pabbi fyrir mér sum-
arbúðirnar og mér leist strax vel á
þetta. Mér fannst spænskunámið
mjög spennandi en leiðtoganám-
skeiðið ekki síður áhugavert. Svo
pældi ég ekki meira í þessu heldur
ákvað bara að slá til og ég sé sko ekki
eftir því!“
Áður hafði Margrét ekki verið jafn
lengi í burtu frá fjölskyldu og vinum
og fannst þetta mikið stökk en engu
að síður rosalega spennandi. Mesta
stressið fannst henni að vita ekkert
út í hvað hún var að fara.
Aðrar venjur
„Við komum til Spánar á föstudags-
kvöldi og hefðbundin dagskrá hófst
ekki fyrr en á mánudegi. Helgin fór
því í að kynnast fjölskyldunni, sem
talaði bara spænsku, og nánasta um-
hverfi. Ég bjó ásamt annarri íslenskri
stelpu heima hjá spænskum tvíbur-
um og fjölskyldu þeirra. Ég sá strax
hvað menningin var ólík og áttaði
mig fljótt á að þarna tíðkuðust aðrar
venjur en ég á að venjast heima. Það
var til að mynda mjög illa séð að fara
úr skónum áður en við gengum inn í
hús, við áttum bara að vera í skónum
inni. Ég þurfti að hugsa miklu meira
út í það hvernig ég hagaði mér og
það fannst mér ótrúlega gaman.“
Mælir með sumarbúðunum
Margrét segir að hún hafi ekki lent í
neinum vandræðum eða óþægind-
um í sumarbúðunum en að örlítið
hafi bólað á heimþrá fyrsta kvöldið.
Eftir það fannst henni bara frábært
að vera partur af þessari menningu,
kynnast svona mörgum krökkum og
borða mikið af skrítnum mat.
„Það sem eftir situr eftir þessar
þrjár vikur á Spáni er ekki bara dýr-
mæt tungumálakunnátta sem er
augljós afleiðing heldur svo miklu
meira til dæmis varðandi samskipti
við annað fólk og hvernig þú nálg-
ast framandi menningu. Ég mæli 100
prósent með þessum sumarbúðum
og fannst þetta æðisleg og frábær
upplifun sem ég bý að alla ævi.“ n
Nýir vinir Margrét
ásamt hluta þátttak-
enda úr sumarbúðum
Mundo í Zafra á Spáni
sumarið 2014.
Hvað eru sumar-
búðir Mundo?
Ferðaskrifstofan Mundo býður upp á
þriggja vikna sumarbúðir fyrir unglinga
á aldrinum 14–18 ára á Spáni. Markmið
sumarbúðanna er margþætt en íslensku
þátttakendurnir búa á spænskum heim-
ilum og kynnast hefðbundnu spænsku
fjölskyldulífi. Á morgnana eru íslensku
unglingarnir í spænskunámi og leiðtoga-
þjálfun á meðan spænskir vinir þeirra eru
í enskunámi og leiðtogaþjálfun. Síðdegis
eru íþróttir, dans, skapandi smiðjur og
skoðunarferðir. Nálgast má frekari upp-
lýsingar um sumarbúðirnar á mundo.is.
Systur Margrét
ásamt spænskri
fóstursystur sinni.
Öðruvísi barnaafmæli
F
jölmargir fá kvíðahnút í mag-
ann við tilhugsunina um að
halda skemmtilegt og fallegt
barnaafmæli. Slíkir viðburð-
ir geta kallað á rúmgott hús-
næði, hressan skemmtanastjóra og
konditor-lærðan bakara. Kostnað-
urinn fer oft fram úr góðu hófi og
það getur verið erfitt að skera niður
gestalistann. Síðast en ekki síst geta
kröfur afmælisbarnsins verið óraun-
hæfar og spennustig á heimilinu eft-
ir því!
Margir leysa þennan vanda
með því að leita í bíóhús, keilu eða
hin ýmsu ævintýralönd. Slíkt er að
sjálfsögðu af hinu góða en það get-
ur verið mjög kostnaðarsamt og til-
breytingarlaust til lengdar. Þess
vegna eru hér nokkrar hugmynd-
ir að því hvernig þú getur haldið
persónuleg og eftirminnileg barna-
afmæli án þess að tæma fjárhirsl-
una:
1 Árbæjarsafn býður áhugasöm-um að halda barnaafmæli í leik-
fangasýningu safnsins. Þar eru ýmis
skemmtileg leikföng og uppstillingar
sem börnin hafa ekki séð annars
staðar. Þá er boðið upp á veitingar í
takt við barnaafmæli fyrri ára.
2 Útiafmæli í góðri laut í Heið-mörk eða annars staðar nálægt
borgarmörkunum geta verið æðisleg
ef veðrið er ekki of stormasamt.
Varðeldur, pylsur á pinna og heitt
kakó. Það getur ekki klikkað.
3 Í Breiðholtslaug er lítil og skemmtileg innilaug þar sem
hægt er að halda barnaafmæli.
Þangað má taka með sér veitingar
og skreytingar en gerð er krafa
um ákveðið marga fullorðna með
ákveðnum fjölda barna.
4 Hefur þú aðgang að hesthúsi? Ef svo er er ekki úr vegi að hengja
upp nokkrar blöðrur, taka með sér
eina skúffuköku og bjóða börnun-
um að kemba hestum, moka skít og
jafnvel skella sér á bak góðum barna-
hesti.
5 Fimleikafélagið Björkin leigir út lítinn fimleikasal með púða-
gryfju og trampólíni fyrir barnaaf-
mæli. Þangað má koma með eigin
veitingar og krakkarnir geta ærslast
um í leik og skemmtun til heiðurs af-
mælisbarninu.
6 Nauthólsvík er frábær útivistar-staður þar sem hægt er að leyfa
krökkunum að vaða í vaðlauginni,
leika í fjörunni og fara í leiki. Þang-
að má taka með sér veitingar og oft
er hægt að kveikja upp í útigrillinu til
þess að grilla pylsur eða sykurpúða.
Afmæli barna okkar geta svo
sannarlega verið eftirminnileg án
þess að við foreldrarnir verðum
streitu að bráð. Ríkt ímyndunarafl og
smá undirbúningur og málið er leyst!
Nokkrar hugmyndir að skemmtilegum útfærslum á afmælum
Góð hugmynd Sniðugt getur verið að nýta útivistarsvæðið í Nauthólsvík fyrir afmælisveislur.
Njótum
þess betur
að vera veik!
Það var 50 prósenta mæting á
öskudaginn á leikskólanum hjá
strákunum mínum. Ástæðan: hin
ýmsu veikindi. Það er kalt, blautt
og hvasst úti og já, flensur gera
víða vart við sig á þessum tíma.
Þetta ætti ekki að koma okkur á
óvart, en þetta er leiðinlegt. Virki-
lega leiðinlegt! Hvað gerum við til
þess að láta líkamleg veikindi ekki
bitna á andlegri heilsu okkar?
Gerum aðstæður okkar heima
eins bærilegar og við mögulega
getum. Kveikjum á kertum, förum í
heitt bað og drekkum flóaða mjólk
með hunangi.
Höfum ofan af fyrir veikum
börnum okkar. Eirðarleysi er ekki
á veikindin bætandi og ef þau hafa
orku í smá leik, teikna, leira eða
lesa bók þá mun það gera daginn
miklu skemmtilegri.
Borðum hollan og orkumikinn
mat. Ekki gleyma að borða stað-
góðan morgunmat t.d.
næringarríkt búst
eða hafragraut
með rúsínum og
kanil. Sjóðum
kjötsúpu eða hrís-
grjónagraut með
slátri og rjóma.
Aðlögum veikindin að hvers-
dagsleikanum. Okkur hættir flest-
um til að gera okkur ómissandi eða
höfum ekki pláss fyrir veikindi í
tenglsum við vinnu og önnur ver-
kefni. Við veljum okkur því miður
ekki veikindadaga og verðum að
hafa það á bak við eyrað þegar við
skipuleggjum daginn.
Safnaðu kröftum! Svefn er ótrú-
lega dýrmætur andlegri sem lík-
amlegri heilsu. Svefninn getur
læknað ýmislegt og það sem virð-
ist ómögulegt á kvöldin getur
orðið þokkalega viðráðanlegt átta
klukkustunda svefni síðar.
Getur þú notað veikindatímann
við verkefni sem þú hefur annars
ekki gefið þér tíma í? Flokka mynd-
ir í tölvunni þinni? Senda kveðju á
gamla vini sem þú hefur ekki gefið
þér tíma til að tala við lengi? Eða
heyra í ömmu þinni sem þú ætl-
aðir að hafa samband við í síðustu
viku?
Þessi ráð lækna engan en geta
gert veikindi notalegri. Ég var ótrú-
lega glöð þegar ég heyrði að leik-
skólinn ætli að halda annan ösku-
dag í næstu viku þegar fleiri börn
eru orðin frísk. Tökum leikskól-
ann til fyrirmyndar, tökum því sem
að höndum ber og aðlögum lífið
að því.