Hjúkrun: tímarit Hjúkrunarfélags Íslands - 01.11.1985, Blaðsíða 5

Frá vinstri: Sigríður Skúladóttir, Asa St. Atladóttir, Sigríður Björnsdóttir, Ingibjörg Árnadóttir og Rannveig Sigur-
björnsdóttir. Núverandi ritstjórn ásamt Sigríði, skrifstofumanni HFÍ.
auglýsa. Það er ekki fyrr en eftir
1935 að auglýsingar fara að birtast
að einhverju ráði í blaðinu.
Einn af brautryðjendunum, Sig-
ríður Eiríksdóttir, er enn á lífi.
Var blaðið vélritað og sett upp
heima hjá henni árum saman. Þá
var borðstofuborðið „kontorinn"
þar sem allt flaut af blöðum og
bókum, þar til bunkað var upp á
kvöldin. Þetta þótti heldur óað-
laðandi og óvenjulegt.
í tilefni af 50 ára afmæli blaðsins
árið 1975, spurðum við Sigríði
hvað helst hefði verið skrifað um,
fyrstu árin. Hún sagði þá m.a.:
„Um launakjör var mikið rætt og
ritað, enda laun okkar mjög léleg
auk þess sem ætlast var til að
hjúkrunarkonan væri alltaf reiðu-
búin til vinnu, hvenær og hvar sem
var. Ef við sáumst á götu „privat-
klæddar“ mátti oft heyra: „Nei
sko, hjúkrunarkonan á frí í dag.“
Um lífeyrissjóð var talsvert mikið
ritað, en honum hafði þá þegar
verið komið á, fyrir danskar hjúkr-
unarkonur.
Einnig þýddum við erindi úr
erlendum tímaritum auk frétta af
merkisatburðum á sviði hjúkrun-
ar.
Nokkrar greinar birtust frá hjúkr-
unarkonum erlendis þar sem þær
lýsa starfi sínu á hinum ýmsu
stofnunum.
Allar skýrslur Samvinnu hjúkrun-
arkvenna á Norðurlöndum er að
finna í blaðinu. Auglýsingar um
lausar stöður og stöðuveitingar
birtum við, en einnig var getið um
utanferðir og heimkomur íslenskra
hjúkrunarkvenna, en á þessum
árum var ekki hægt að læra
hjúkrun til fulls hér á landi.
Með tilkomu Landspítalans og
síðan Hjúkrunarskóla íslandsfær-
ist námið hingað heim og tekur þá
að fjölga hraðar í stéttinni. Ég get
þess til gamans að þegar Hjúkrun-
arskóli íslands tók inn nemendur,
10 stúlkur, annað eða þriðja árið
sem hann starfaði, kallaði einn af
þremur þáverandi prófessorum á
Landspítalanum á mig og innti
mig eftir því hvort við ætluðum
strax að fara að skapa atvinnuleysi
í stéttinni.“
Árið 1981 gaf Hjúkrunarfélag ís-
lands út „Skrá yfir efni tímaritsins
frá 1925-1979.“ Skrána vann Her-
vör Hólmjárn, bókavörður. Er
hér um að ræða merkt rit sem
fáanlegt er á skrifstofu HFÍ.
Ingibjörg Árnadóttir.
HJÚKRUN 3-<A5-61. árgangur 3