Hjúkrun: tímarit Hjúkrunarfélags Íslands - 01.11.1985, Blaðsíða 54

Fréttir —■ Fréttir—Fréttir—Fréttir
Vinnufundur WENR
Hjúkrunarrannsóknir er hugtak
sem smátt og smátt er að vinna
sess innan hjúkrunar þótt langt sé
í land að hjúkrunarfræðingar
almennt geri sér grein fyrir mikil-
vægi þeirra og sjái þörf fyrir að
nýta í starfi sínu þá þekkingu sem
þær veita.
Vinnufundur hjúkrunarfræðinga
í Evrópu sem stunda hjúkrunar-
rannsóknir (Workgroup of Eu-
ropian Nurse Researchers)
WENR hélt árlega fund sinn að
þessu sinni dagana 23.-24. sept-
ember síðastliðinn í Vínarborg.
Þema fundarins var: Rannsóknir
og hjúkrunarmenntun. Aðalfyrir-
lesarinn ræddi mikilvægi þess að í
hjúkrunarnáminu væri örvuð opin
og gagnrýnin hugsun er leiddi til
þess að hjúkrunarfræðingar rann-
sökuðu ríkjandi aðferðir og síðan
aðferðir er gæfu betri árangur í
hjúkrun. Einnigvoru kynntartvær
rannsóknir á sviði menntunar.
Fulltrúi hvers lands gaf skýrslu um
ástand og horfur í sínu heima-
landi.
Þessi fundur einkenndist af anda
samvinnu og vilja þeirra sem
lengra eru komnar á þessu sviði til
að hjálpa öðrum. Sterkustu aðil-
arnir á þessu sviði eru Norður-
löndin að íslandi undanskildu-og
Mið-Evrópa. Hjúkrunarfræðingar
í Suður-Evrópu hafa átt erfitt upp-
dráttar vegna skipan heilbrigðis-
mála og hjúkrunarfræðingar í
Austur-Evrópu sökum pólitísks
ástands og skorts á fjármagni t.d.
er gjaldeyrir ekki fáanlegur til
kaupa á bókum og tímaritum er-
lendis frá. Fyrir tveim árum var
mikið rætt hvernig hægt væri að
hjálpa þessum hjúkrunarfræðing-
um til að vera með. Árangurinn
48 HJÚKRUN-v-4/&5-61. árgangur
kom nú í ljós því þátttakendur
voru frá öllum Suður-Evrópu-
þjóðunum og í fyrsta skipti frá
fjórum í Austur-Evrópu, þeim
Póllandi, Ungverjalandi, Tékkó-
slóvakíu og Júgóslavíu. Austur-
ísku hjúkrunarfræðingarnir voru
því duglegar við að bjóða ná-
grönnum sínum í austri. Fulltrúar
þessara landa voru allar vel
menntaðar konur, fullar áhuga.
Eftir hvern vinnufund er gefin út
bók sem inniheldur fyrirlestra og
skýrslur fulltrúa. Þeim hjúkrun-
arfræðingum sem áhuga hafa á
hjúkrunarrannsóknum er hér með
bent á þetta lesefni. Ritin eru til
hjá Hjúkrunarfélagi íslands,
Hjúkrunarskóla íslands og á
stærstu sjúkrahúsum landsins.
Eftir vinnufundinn hélt austuríska
hjúkrunarfélagið tveggja daga
ráðstefnu um hjúkrunarrannsókn-
ir sem bar yfirskriftina „Hjúkrun-
arrannsóknir leiða til betri þjón-
ustu“. Ráðstefnan var fjölsótt af
austurískum hjúkrunarfræðing-
um. Dagbjört Bjarnadóttir og
María Finnsdóttir sóttu ráðstefn-
una fyrir Hjúkrunarfélag íslands.
Verður síðar gerð grein fyrir því
samstarfi um hjúkrunarrann-
sóknir sem þar var kynnt.
María Finnsdóttir
frœðslustjóri
Persónuuppbót
Samkvæmt aðalkjarasamningi frá
27. júní 1985 er persónuuppbót
20% af desemberlaunum í launa-
flokki 58,8. þrepi. Persónuuppbót
er því kr. 5716,- miðað við fullt
starf.
Fjölsótt ráðstefna
um hjúkrunarrannsóknir
Ráðstefna um hjúkrunarrann-
sóknir var haldin á vegum Rann-
sóknarnefndar Hjúkrunarfélags
íslands 26. október sl. í Hjúkrun-
arskóla íslands.
Laufey Aðalsteinsdóttir setti ráð-
stefnuna fyrir hönd nefndarinnar
og stjórnaði fyrri hluta dagskrár-
innar, sem var:
Rannsóknarferlið
Laura Sch. Thorsteinsson BS.
Forrannsókn varðandi námsmat
fyrir hjúkrunarfræðinga með tilliti
til hjúkrunarnáms í Háskóla
lslands
Margrét Tómasdóttir MS.
Frœðsla hjúkrunarfrœðinga til
ungra barna og foreldra þeirra á
sjúkrahúsum í Reykjavík
María Finnsdóttir BA.
Hanna Þórarinsdóttir kynnti síð-
ari hluta dagskrárinnar:
Huglægt mat íslenskra hjúkrunar-
frœðinga á þjáningum sjúklinga
Lilja Þormar MS.
Sambandið milli þátttöku í
ákvörðunartöku og hollustu í garð
stofnunar
Sigríður Snæbjörnsdóttir MS.
Kynning á rannsóknarráðstefn-
um:
Hvar stöndum við?
María Finnsdóttir BA.
Hvað erframundan?
Dagbjört Bjarnadóttir, hjúkrun-
arfræðingur.
Um 100 manns sóttu ráðstefnuna.
Vonir standa til að hægt verði að
birta kynningar þessar síðar.