Tímarit hjúkrunarfræðinga - 01.08.2000, Blaðsíða 7

Ég hitti gamlan skólabróður minn í
vor. Hann hefur búið eriendis frá
því að við lukum stúdentsprófi. Er
ég spurði hann hvernig hann kynni
við sig þar og hvort hann saknaði
ekki föðurlandsins, svaraði hann að
auðvitað saknaði hann stundum
einhvers en það væri bara allt of
kalt á íslandi til að hægt væri að
búa þar.
Þetta afdráttarlausa svar vakti
mig til umhugsunar og varð tilefni
frekari umræðna. Það hefur verið
sagt um þá íslendinga sem eru
búsettir hér á landi að þeir séu allir
skáld. Það geti ekki nema skáld
með ríkt ímyndunarafl búið við það
veðurlag sem hér ríki, hinir sem vilja
búa við betra veður flytji einfaldlega
í sólina. En við sem eftir erum
búumst alltaf við að fá sumar, jafn-
vel þó að meðalhiti heitasta mán-
aðar, júlí, hafi ekki farið upp fyrir 11
gráður árum og áratugum saman.
Gömlu skólafélagarnir mínir úr
menntaskóla minntu mig líka á það
að fsland væri líklega eina landið í
heiminum þar sem hugtakið hlýtt
er notað yfir allt sem er yfir frost-
marki eða eins og við könnumst
við þegar veðurfréttir eru lesnar:
..Æðey, hiti 5 stig. Hlýtt verður
áfram næstu daga..." Sjálf rifjaði ég
upp í huganum ummæli útlendings
nokkurs um landið hér áður en
Björk gerði það frægt: „lceland?
Where all the bad weather comes
from?“ Hann hafði greinilega tekið
eftir ýmsu á veðurkortinu.
Menn nota eflaust ólíkar aðferðir
til að sætta sig við veðrið. Sjálf hef
ég tekið mér Þollýönnu til
fyrirmyndar og býst ekki við neinu,
ekki einum einasta sólardegi. Hver
sólardagur umfram það er því
óvænt ánægja. Góða veðrið er
bara í útlöndum. Það sumar, sem
nú er senn liðið, er því fullt af
óvæntum ánægjudögum. En
jafnvel þótt veðrið hafi leikið við
okkur í sumar hafa þessi ummæli
gamla skólabróður míns þó ekki
látið mig í friði... er kannski
eitthvað til í því að það sé bara allt
of kalt hérna?
HARTMANN
Vernd fyrir viðkvæma húð
BEDCO & MATHIESEN EHF
Bæjarhrauni 10
sími 565 1000 • fax: 565 1001
Tímarit hjúkrunarfræðinga ■ 3. tbl. 76. árg. 2000
131