Tímarit hjúkrunarfræðinga - 01.08.2000, Blaðsíða 43

MUNCHEN - YFIRL Y SIN GIN
HJÚKRUNARFRÆÐINGAR OG LJÓSMÆÐUR: AFL TILAUKINS HEILBRIGÐIS
Annar ráðherrafundur Alþjóðaheilbrigðismálastofnunarinnar um hjúkrun og ljósmæðrastörf í Evrópu fjallar um það sérstæða hlutverk og
framlag sem felst í störfum sex milljóna evrópskra hjúkrunarfræðinga og Ijósmæðra við heilsuvernd og heilbrigðisþjónustu. Eftir fyrsta
ráðherrafund Alþjóðaheilbrigðismálastofnunarinnar í Vínarborg fyrir rúmum áratug hafa ákveðin skref verið tekin til þess að styrkja stöðu
hjúkrunarfræðinga og ljósmæðra í Evrópu og nýta sem best hæfni þeirra.
Við heilbrigðisráðherrar aðildarríkja Evrópudeildar Alþjóðaheilbrigðismálastofnunarinnar sem tókum þátt í ráðherrafundinum í Miinchen
lýsum því yfir að:
Við áh'tum að hjúkrunarfræðingar og Ijósmæður hafi stöðugt mikilvægara lykilhlutverki að gegna í samfélaginu. Það felst í því að takast
á við heilbrigðisvandamál okkar tíma og veita hágæða, aðgengilega, réttsýna, skilvirka, þarfamiðaða og samfellda heilbrigðisþjónustu og
beita sér fyrir réttindum fólks.
Við hvetjum öll hlutaðeigandi yfirvöld á Evrópusvæði Alþjóðaheilbrigðismálastofnunarinnar til þess að leggja sig enn frekar fram en áður
við að efla hjúkrun og Ijósmæðrastörf með því:
• að tryggja þátttöku hjúkunarfræðinga og ljósmæðra í ákvarðanatöku á öllum stigum stefnumótunar og framkvæmda,
• að beina sjónum að fyrirstöðu sem m.a. felst í starfsmannastefnu, kynbundinni og stöðubundinni mismunun og því, hve
hugmyndafræði læknisfræðinnar er ráðandi,
• að veita fjárhagslega hvatningu og gefa færi á faglegri þróun í starfi,
• að bæta bæði grunn- og símenntun og auka aðgengi að æðri menntun á sviði hjúkrunar og ljósmæðrafræða,
• að skapa aðstæður til þess að hjúkunarfræðingar, ljósmæður og læknar nemi hlið við hlið á fyrstu jafnt sem síðari stigum háskólanáms
til að tryggja aukið samstarf og faglega samþættingu með betri umönnun sjúklinga að leiðarljósi,
• að styðja við rannsóknir og miðlun fróðleiks til að hjúkrun og ljósmæðrastörf geti byggt á faglegri þekkingu og niðurstöðum
vísindarannsókna,
• að leita leiða til að koma á og styðja við fjölskyldumiðaðar áætlanir og þjónustu hjúkrunarfræðinga og ljósmæðra í heilsugæslu. Má
þar nefna, þar sem við á, menntun sérstakra fjölskylduhjúkrunarfræðinga,
• að efla þátt hjúkrunarfræðinga og ljósmæðra í heilsuvernd, heilbrigðishvatningu og framförum í hverju umdæmi.
Við erum því sammála að styðja beri við hjúkrun og ljósmæðrastörf af einbeitni og styrk í ríkjum okkar með því:
• að móta alhliða mönnunaráætlanir til að tryggja nægjanlegan fjölda vel menntaðra hjúkrunarfræðinga og Ijósmæðra,
• að tryggja að fyrir hendi sé fullnægjandi umgjörð hvað varðar lög og reglur á öllum stigum heilbrigðiskerfisins,
• að gera hjúkunarfræðingum og Ijósmæðrum kleift að vinna af skilvirkni og ábyrgð og nýta sér fæmi sína til fulls, bæði til sjálfstæðra
starfa og í samvinnu við aðra.
Við heitum því að vinna í samráði við allar viðeigandi stjórnsýslustofnanir og aðila, jafnt lögskipaða sem óháða stjórnvöldum, á
þjóðlegum, svæðisbundnum eða alþjóðlegum grundvelli til að hrinda áformum yfirlýsingar þessarar í framkvæmd.
Við væntum þess að Evrópuskrifstofa Alþjóðaheilbrigðismálastofnunarinnar veiti aðildarrikjunum stefnumótandi leiðsögn og aðstoði þau
við að koma á skipulagi til þess að samhæfa samstarf innlendra og alþjóðlegra stofnana til að efla hjúkrun og ljósmæðrastörf.
Við förum fram á það við framkvæmdastjóra Evrópuskrifstofunnar að hann gefi árlega skýrslu til framkvæmdanefndar Evrópusvæðis
Alþjóðaheilbrigðismálastofnunarinnar og skipuleggi jafnframt fyrsta fundinn árið 2002 til að meta hvemig tekist hefur að koma áformum
yfirlýsingar þessarar í framkvæmd.
17. júní 2000
'kcUsT' SZoajl
Ms Andrea Fischer Dr Marc Danzon
Heilbrigðisráðherra Þýskalands Framkvæmdastjóri Evrópudeildar WHO
Tímarit hjúkrunarfræðinga ■ 3. tbl. 76. árg. 2000
167