Tímarit hjúkrunarfræðinga - 01.12.2007, Blaðsíða 37

FRÉTTAPUNKTUR
Haustið 2006 var Reykjalundur sóttur heim, farið í gönguferð
og snæddur kvöldverður. Heimsóknin tókst mjög vel í alla staði
og þarna gafst geðhjúkrunarfræðingum gott tækifæri til að
hittast og spjalla um ýmis málefni er tengjast faginu.
Deildin hélt sinn árlega jólafund sem hófst á erindi formanns
og jólahugvekju. Gestur fundarins var Anna Valdimarsdóttir
sálfræðingur og fjallaði hún um „mindfulness" en sú aðferð
hefur farið vaxandi bæði ein og sér og samhliða annarri
geðmeðferð.
Síðastliðið vor tók deildin síðan þátt í undirbúningi að ráðstefnu
í tilefni 100 ára afmælis Kleppsspítala. Ákveðið var að gefa
út bækling um fagdeildina og einnig voru útbúnir bollar sem
ráðstefnugestir fengu að gjöf frá fagdeildinni. Tilgangurinn var að
vekja athygli á störfum geðhjúkrunarfræðinga og gera deildina
sýnilegri. Félag íslenskra hjúkrunarfræðinga styrkti veglega þessa
framkvæmd.
Fagdeildin er aðili að félagi norrænna geðhjúkrunarfræðinga
og hefur Páll Biering verið fulltrúi hennar síðastliðin tvö ár.
í haust var ráðstefnan haldin í Kaupmannahöfn og voru
geðhjúkrunarfræðingarnir Guðbjörg Sveinsdóttir og Rudolf
Adolfsson þar með erindi. Einnig má nefna að síðastliðið
vor komu geðhjúkrunarfræðingar frá Austur-Evrópu til að
kynna sér nám og stöðu geðhjúkrunar hér á landi. Af því
tilefni bauð deildin þeim til kvöldverðar í húsnæði Vinjar. Á
borði stjórnar liggur fyrir tillaga um inngöngu í félag evrópskra
geðhjúkrunarfræðinga.
Hér hefur verið stiklað á stóru í starfsemi deildarinnar síðastliðið
eitt og hálft ár. Það er von stjórnarinnar að deildin nái að eflast
og dafna um ókomna framtíð en til þess að svo megi verða
er nauðsynlegt að geðhjúkrunarfræðingar taki virkan þátt í
starfsemi hennar. Geðhjúkrun er krefjandi en jafnframt gefandi
starf. Því þurfa þeir sem við hana starfa að hlúa að sjálfum sér
og faginu. Einn liðurinn er að hittast og ræða málin í nærandi
umhverfi.
FRÁ FÉLAGINU
Hjúkrunarfræðingar eru hvattir til þátttöku í
samkeppninni. Til mikils er að vinna því höfundur
verðlaunatillögunnar fær að launum helgarferð fyrir
tvo að eigin vali, að upphæð kr. 110.000.
Frá fundi með fulltrúum fagdeilda
Frá nefnd um endurskoðun laga og
skipulags Félags íslenskra hjúkrunarfæðinga
Á fulltrúaþingi Félags íslenskra hjúkrunarfræðinga,
sem haldið var dagana 7. og 8. maí 2007, var
samþykkt að skipa nefnd sem fari yfir öll lög og
skipulag félagsins og leggi tíllögur um breytingar fyrir
stjórn félagsins fyrir febrúar 2008.
Formaður FÍH boðaði fyrsta fund nefndarinnar 29.
ágúst og tók nefndin formlega til starfa í lok ágúst 2007
og hefur frá þeim tíma haldið fundi með hinum ýmsu
hópum hjúkrunarfræðinga. Fulltrúar í nefndinni hafa
boðað til sín formann FÍH, stjórn, formenn fagdeilda,
formenn svæðisdeilda, fyrrverandi formenn, FHH,
HÍ og FÍH, fulltrúa nefnda sem starfa innan FÍH og
fulltrúa trúnaðarmanna. Markmið þessara funda er að
fá fram framtíðarsýn félagsmanna, hlutverki félagsins,
uppbyggingu þess og áherslur og daglegan rekstur,
svo eitthvað sé nefnt.
Nefndin hefur einnig fengið tvo lögfræðinga til liðs við
sig sem eru að skoða lög félagsins út frá nýjum lögum
um heilbrigðisþjónustu. í framhaldinu verður metið
hvort tilefni sé til að semja ný lög fyrir félagið með
hliðsjón af nýjum heilbrigðislögum og niðurstöðum
funda með fulltrúum félagsins.
Starfið hefur verið skemmtilegt og segja má að það sé
ákveðinn samhljómur um framtíð félagsins innan og á
milli þeirra hópa sem nefndarmenn hafa fundað með.
Tímarit hjúkrunarfræðinga - 5. tbl. 83. árg. 2007
35