Tímarit hjúkrunarfræðinga - 01.12.2007, Blaðsíða 14

Gluggar og Ijósapera = Athafnir daglegs Iffs
Forprófun hófst í júní 2007 á sjö deildum
og voru forprentuð til hennar 30 eintök.
Ákveðið hafði verið að setja tvö eintök af
bókinni, auk Ijósrits af henni til að skrifa
athugasemdir á, inn á þær deildir sem
tóku þátt í forprófun. Eindregnar óskir
bárust frá fleiri deildum um að fá að taka
þátt í prófuninni og var ákveðið að verða
við þeim óskum.
Forprófunin stóð yfir í sumar sem er
að sumu leyti óheppilegur tími vegna
sumarleyfa og lokunar deilda. Þess
vegna var ákveðið að lengja tímann fram
í miðjan október. Almennt var starfsfólk
ánægt með bókina og fengum við margar
gagnlegar athugasemdir og ábendingar
úr forprófun bókarinnar.
Nú er verið að taka tillit til athugasemda
eftir því sem hægt er og bæta við
Ijósmyndum og orðum í orðalistann.
Bókin fer á allar deildir Landspítala og
hægt verður að kaupa fleiri eintök frá
birgðastöð spítalans ef þurfa þykir.
Jafnframt verða myndirnar settar á
myndveitu spítalans þannig að hægt sé
að ná í myndir eftir þörfum. Stefnt er að
því að þetta verði komið í gagnið um
miðjan desember.
Það er vert að leggja á það ríka áherslu að
hjálpartæki eins og bókin Mál í myndum
Sprautur og pípur = Lyf og rannsóknir
verður gagnslaust nema fólkið, sem sinnir
þeim sem þurfa á samskiptaaðstoð að
halda, hjálpi til við að nýta bókina. Það
skiptir miklu máli að allir sem ætla að
nota bókina séu meðvitaðir um hvað er
í henni og hvernig henni er skipt í kafla.
Verja þarf tíma í að fletta bókinni og leggja
beinlínis á minnið hvað er að finna í henni.
Þetta á við um bæði heilbrigðisstarfsfólk
og aðstandendur.
Aðstandendur samskiptabókarinnar Mál
í myndum gera sér grein fyrir því að bók
sem þessi leysir ekki vandann nema
að takmörkuðu leyti en vonast þó til að
hún komi að notum sem víðast þar sem
boðskipti eru erfið.
Verkefnið fékk styrk sem veittur var til
klínískra gæðaverkefna á Landspítala.
Vinnuhópnum, sem vann að bókinni, er
þökkuð sérlega ánægjuleg og gefandi
samvinna. í hópnum átti sæti starfsfólk
úr ýmsum stéttum spítalans:
Kolbrún Héðinsdóttir iðjuþjálfi,
endurhæfingarsviði
Marianne Klinke hjúkrunarfræðingur,
taugalækningadeild B-2
Jónína Erlendsdóttir hjúkrunarfræðingur,
smitsjúkdómadeild A-7
Jón Símon Gunnarsson sjúkraliði,
smitsjúkdómadeild A-7
Elín K. Bjarnadóttir hjúkrunarfræðingur,
vöknun, Fossvogi
Dröfn Gunnarsdóttir hjúkrunarfræðingur,
gjörgæslu, Fossvogi
Gunnar Skúli Ármannsson
svæfingalæknir, gjörgæslu, Hringbraut
Helga Hlín Helgadóttir
hjúkrunarfræðingur, heila-, tauga- og
æðaskurðdeild B-6
Tinna Jónsdóttir aðstoðardeildarstjóri,
sængurkvennadeild 22A
Starfsfólki á hinum ýmsu deildum
Landspítala er þökkuð samvinna við
forprófun og góðar ábendingar. Auðnu
Ágústsdóttur, verkefnastjóra á kennslu-
og fræðasviði LSH, eru þakkaðar góðar
ábendingar og stuðningur við vinnslu
greinarinnar.
Heimildaskrá
Dowse, R. og Ehlers, M.S. (2001). The evaluation
of pharmaceutical pictograms in a low-literate
South African population. Patient Education
and Counseling, 45, 87-99.
Dowse, R. og Ehlers, M.S. (2005). Medicine
labels incorporating pictograms: do they influ-
ence understanding and adherance? Patient
Education and Counseling, 58, 63-70
Mansoor, L.E. og Dowse, R. (2003). Effects
of pictograms on readability of patient
information materials. The Annals of
Pharmacotherapy, 37, 1003-9.
Porter, S. (2006). Finding solutions to language
barriers: Initiative creates universal health care
symbols. http://www.aafp.org/x41480.xml.
12
Tímarit hjúkrunarfræöinga - 5. tbl. 83. árg. 2007