Dagblaðið Vísir - DV - 20.04.2018, Qupperneq 28

20. apríl 2018KYNNINGARBLAÐHjólreiðar
Gunnar Örn Svavarsson byrjaði í hjólasporti árið 2011 og hafði áður reynslu af Motor Cross.
Árið 2013 gekk hann í Hjólreiðafélag
Reykjavíkur en félagið stendur meðal
annars fyrir tæknilegum hjólreiðaæf-
ingum í Öskjuhlíðinni og á fleiri stöð-
um. Á slíkum æfingum er notast við
svokölluð fulldempandi hjól en þau
nýtast við leiðir þar sem ekki er hægt
að hjóla á hefðbundnari reiðhjólum.
„Fyrir nokkrum árum tókum við
að finna fyrir minnkandi áhuga á
æfingum með venjulegum fjallahjól-
um en auknum áhuga á þessum
fulldempandi hjólum sem kallast á
ensku all mountain bikes. Á þeim er
hægt að hjóla meira krefjandi leiðir.
Hér áður fyrr voru ráðandi svokölluð
„down hill“-hjól sem fólk þurfti jafnvel
að leiða upp fjallið og svo var hægt
að hjóla á því niður,“ segir Gunnar
Örn. Að sögn hans er hægt að hjóla
á svona hjóli t.d. langleiðina upp
Esju eftir gönguleiðinni. Síðastliðinn
sunnudag breyttu félagar í Hjólreiða-
félagi Reykjavíkur út af venjunni og
fluttu sig úr Öskjuhlíðinni að Helgafelli
í Hafnarfirði. Hjólreiðafólkið bar þá
hjólin á öxlunum hluta af leiðinni og
hjólaði þar sem fært var.
Æfingarnar sem Hjólreiðafélag
Reykjavíkur stendur fyrir í Öskjuhlíð-
inni eru vikulega. Frí er yfir sumar-
mánuðina þrjá, júní, júlí og ágúst, en
æfingar byrja á nýju í september og
standa út maí.
„Þegar það er hálka eða snjór
erum við á negldum dekkjum en við
æfum í hvaða veðri sem er og það er
afar sjaldgæft að það falli niður æf-
ingar vegna veðurs,“ segir Gunnar en
félagið notar Öskjuhlíðina mikið sem
æfingasvæði undir erfiðar fjallahjól-
reiðar. „Við erum að æfa okkur á því
að fara yfir hindranir í Öskjuhlíðinni,
sambærilegar þeim sem mæta
fjallahjólafólki á erfiðum leiðum
annars staðar. Þessar æfingar hafa
verið í gangi síðan árið 2015 og
maður sér gífurlegar framfarir hjá
þeim sem hafa verið með okkur allan
tímann. En í heildina þá auka þessar
æfingar færni og öryggi fjallahjóla-
fólks við erfiðar aðstæður.“
Starfsemi Hjólreiðafélags Reykja-
víkur er blómleg og fjölbreytt en auk
æfinganna í Öskjuhlíð heldur félagið
meðal annars hjólreiðaæfingar fyrir
börn og unglinga.
Vinsæl fjallahólakeppni
Annar félagsskapur sem Gunnar er
í, Enduro Ísland, heldur fjallahjóla-
keppnir þrisvar á ári. Er þar um að
ræða tímatöku við krefjandi aðstæð-
ur, sambærilegar við æfingarnar sem
Hjólreiðafélagið heldur í Öskjuhlíðinni.
„Við erum hópur fimm stráka sem
stofnuðum þetta félag haustið 2015.
Þessar fjallahjólakeppnir byggja á
svokölluðum enduro-reglum þar sem
farin er sérleið og það er tímataka.
Þessar keppnir eru vinsælar og þátt-
takendur að jafnaði um 100 talsins,“
segir Gunnar.
Keppnirnar bera heitið Vorfagn-
aður, Sumarfagnaður og Haustfagn-
aður. Næsta mót
er Vorfagnaðurinn
sem fer fram þann
5. maí. Skráning
stendur yfir og er
takmarkaður fjöldi
þátttakenda leyfð-
ur. Nánar má lesa
um þetta á vefsíð-
unni enduroiceland.
com en einnig er að
finna upplýsingar
á vefsíðunni www.
facebook.com/
enduroiceland.
Upplýsingar um
starfsemi Hjólreiða-
félags Reykjavíkur
er að finna á vef-
síðunni hfr.is og á
Facebook-síðunni
https://www.face-
book.com/groups/
hjolreidafelag.
Hjólreiðaæfingar í Öskjuhlíðinni
auka færni og öryggi fjallahjólafólks
hjolreidafelag
hfr.is