Morgunblaðið - 24.05.2018, Blaðsíða 48

48
MORGUNBLAÐIÐ FIMMTUDAGUR 24. MAÍ 2018
Hægt er að lýsa skoðun á ritstjórnargreinum Morgunblaðsins á http://www.mbl.is/mogginn/leidarar/
Síðasti þing-meirihluti áÍtalíu kaus
sósíaldemókrat-
ann Mattarella
sem forseta Ítalíu.
Hann hafði þrýst
mjög á sigurveg-
ara kosninganna þar að draga
ekki myndun nýrrar ríkis-
stjórnar úr hömlu. Forsetinn
hótaði því beinlínis að boðað
yrði til nýrra kosninga ef
þannig færi. Sigurglaðir leið-
togar bentu forsetanum á að
þreifingar þeirra á milli um
stjórn hefðu aðeins staðið í
tvo mánuði en í Þýskalandi
hefði það tekið Merkel hálft
ár að mynda stjórn sem
reyndist vera ljósrit af þeirri
gömlu.
En þegar verðandi stjórn-
arflokkar tilkynntu skömmu
síðar að þeir hefðu fengið rík-
isstjórnina og sáttmála henn-
ar samþykktan og kynntu
forsætisráðherraefnið, laga-
prófessorinn Giuseppe Conte,
hljóp forsetinn í hnút. Hann
hafði áhyggjur af meintri and-
úð prófessorsins á evrunni og
ESB og einnig af væntan-
legum fjármálaráðherra af
sömu ástæðum. Forsetinn átti
nokkurra klukkustunda við-
ræður við forsætisráð-
herraefnið áður en hann skrif-
aði undir skipunarbréf hans.
Að loknum fundi þeirra sagði
Conte, nýbakaður forsætis-
ráðherra, sem ekki er fulltrúi
á þingi og hefur enga stjórn-
málalega reynslu, að hann
yrði lögfræðilegur verjandi
allra Ítala. Hann bætti svo
við: „Forseti og ég ræddum
það erfiðleikaskeið sem Ítalía
hefur gengið í gegnum og við-
fangsefnin fram undan. Og ég
er meðvitaður um það að
Ítalía hlýtur að standa við
evrópskar og alþjóðlegar
skuldbindingar sínar.“ Þetta
innlegg var bersýnilega það
sem forsetinn hafði krafist að
kæmi fram opinberlega. En
Conte forsætisráðherra bætti
svo við: „Nýja ríkisstjórnin
verður þegar í stað að hefja
samningaviðræður um fjár-
málaáætlun ESB, réttindi
flóttamanna og evrópska sam-
hæfingu bankakerfisins. Ég
ætla mér að vinna af þunga í
þessum málum, afla mér sam-
herja um þau með það að
markmiði að standa vörð um
hagsmuni þjóðarinnar.“
Hætt er við að Mattarella
forseta hafi þótt sem innihald-
ið í friðþægingaryfirlýsing-
unni hafi þynnst allsnarlega
út með þeirri viðbót sem
fylgdi.
En framhaldið er ekki auð-
metið. Forsætisráðherrann
hefur ekki reynslu sem gæti
hjálpað í hans erf-
iðu stjórnmála-
legu stöðu sem
hann og landið er
í. Og önnur stað-
reynd litar einnig
stöðu hans.
Flokksformenn-
irnir tveir, sem gátu hvorugur
unnt hinum að sitja við borð-
sendann.
Stundum er talað um aftur-
sætisbílstjóra í pólitík og iðu-
lega þegar lítil efni eru til
þess. En suður í Róm fer ekki
á milli mála að þeir sitja tveir
í aftursætinu, flokksformenn-
irnir. Og sá við stýrið hefur
aldrei ekið þessa leið áður og
er um flest háður þessum í
aftursætinu. Líka um það
hversu lengi hann fær að sitja
við stýrið á stjórninni.
Ætla má að margur á
meginlandi Evrópu, ekki síst í
naflanum Brussel, horfi nú
sem felmtri sleginn til frétta
frá Róm. Enn sem komið er
hafa „markaðir“ þó haldið
niðri í sér andanum í von um
að þegar hinir óreyndu leið-
togar muni horfa framan í
andstöðuna og ógnirnar sem
bíða þeirra hljóti þeir að
kikna í hnjáliðunum og lypp-
ast svo niður. Þá komi
kannski nýjar kosningar með
gömlum krötum.
En Martin Wolf segir að
þótt horft sé til þeirrar niður-
stöðu bendi margt til þess að
hún sé ólíkleg.
Martin Wolf skrifar jafnan
vandaðar og trúverðugar
greinar í blað sitt FT. Hann
sótti Ísland heim á árunum
„eftir hrun“ og ræddi mál
þess í senn af raunsæi, þekk-
ingu og samúð. Hann skrifar í
vikunni grein um nýju ríkis-
stjórnina í Róm, forsætisráð-
herra hennar og í hverju
vandi þeirra felist og hver lík-
legustu viðbrögð þeirra og
annarra við þeim verði. Yfir-
skriftin er: „Hinir nýju vald-
hafar á Ítalíu gætu skekið
evruna.“ Undirfyrirsögnin er
þessi: „Ef Ítalía brotlendir út
úr sameiginlegu myntinni og
verður ófær um að standa við
skuldbindingar sínar mun
tjónið verða gríðarlegt.“
Sjálfsagt er ekki öll myndin
dregin upp af Wolf og aðrir
gætu haft ólíkt mat. En í
nokkrum stuttum köflum og
furðu fáum orðum, ásamt ein-
földum og grípandi mynd-
skýringum, er áhugaverð
saga um óorðna hluti dregin
upp. Þeir sem hafa hingað til
efast um að ítölsku kosning-
arnar hefðu hugsanlega úr-
slitaáhrif á þróun mála í okk-
ar heimshluta geta ekki verið
eins vissir um það eftir lestur
völvunnar Wolf.
Ný ríkisstjórn í Róm
og spákortið sem
Martin Wolf dregur
upp eru með áhuga-
verðasta efni}
Raunveruleikinn í Róm
F
yrir réttum tveimur árum varð
Flokkur fólksins til. Hann fædd-
ist af miðaldra ömmu þegar hún
heyrði að 9,1% íslenskra barna
liði mismikinn skort. Nú á Flokk-
ur fólksins fjóra þingmenn sem hafa barist öt-
ullega fyrir alla þá sem eiga um sárt að binda
og er haldið í fátæktargildru græðgisvæðing-
arinnar sem við búum við í dag.
Nánast allt það sem við höfum unnið að í
störfum okkar á þinginu hefur verið svæft inni
í nefndum. Við höfum ekki fengið lýðræðislega
umræðu inni í þingsal Alþingis um mikilvæg
hagsmunamál aldraðra, öryrkja, láglaunafólks,
fíkla og fátækra. Nei það er komið í veg fyrir
það með öllum ráðum, að þurfa að sýna það í
þingsölum að viljinn til að standa með sínum minnsta
bróður er í raun og veru enginn. Enda lofuðu þeir allir að
bæta kjör þeirra verst settu í kosningabaráttunni sl.
haust.
Að hlusta á öll fögru fyrirheitin nú í aðdraganda borg-
arstjórnarkosninganna er hrollvekjandi. Ekki undarlegt
miðað við efndirnar sem engar eru. Skiptir engu hvort
kjósa á til ríkis eða bæjar.
Borgin er skuldum vafin
Vandfundið er það sveitafélag á Íslandi sem er eins illa
rekið og Reykjavík. Skuldirnar hafa hrannast upp og
slaga nú í 100.000.000.000 kr. Já þetta eru sannarlega
mörg núll sem nú eru á herðum borgarbúa í boði Dags B.
Eggertssonar og borgarstjórnar hans. Tæp-
lega 1.000.000 kr. á hvern einasta borgarbúa.
Þannig skuldar fjögurra manna fjölskylda
tæpar 4.000.000 króna vegna óráðsíu og
óstjórnar í rekstri borgarinnar. Þrátt fyrir
þessa skuldasöfnun hefur aldrei streymt annað
eins fé inn í borgarsjóð. Mest af því má tengja
við þá holskeflu sem orðið hefur á komu er-
lendra ferðamanna. Þrátt fyrir þetta ríkir al-
gjört ófremdarástand hjá stórum hluta borg-
arbúa. Þeim hópi sem settur er út í horn og fær
að lepja dauðann úr skel, án þess að yfirvöld
sinni lögbundinni skyldu sinni gagnvart þeim.
Er þetta það sem við viljum?
Aldraðir fastir inni á Landspítalanum þrátt
fyrir að geta farið heim. Það er vegna þess að enginn er til
aðstoðar. Aðgengi og umhyggja við öryrkja er nöturleg.
Börnum er mismunað bæði á grundvelli þroska og efna-
hags. Húsnæðismál, samgöngumál og umhverfismál eru í
molum. Á dögunum flæddi skólp óhindrað dögum saman
án þess að borgurunum væri gert viðvart. Göturnar svo
óhreinar að svifriksmengun mælist ítrekað langt yfir
heilsufarslegum hættumörkum. Nánast ekkert húsnæði í
boði fyrir efnaminna fólk, einungis ríkisbubba.
Hópur fólks á hvergi höfði sínu að að halla.
Er þetta sú fjögurra ára framtíðarsýn sem þú vilt sjá
borgari góður?
Inga Sæland
Pistill
Flokkur fólksins er flokkurinn þinn XF
Höfundur er alþingismaður og formaður Flokks fólksins.
STOFNAÐ 1913
Útgáfufélag: Árvakur hf., Reykjavík.
Ritstjóri:
Davíð Oddsson
Aðstoðarritstjóri:
Karl Blöndal
Ritstjóri og framkvæmdastjóri:
Haraldur Johannessen
SVIÐSLJÓS
Teitur Gissurarson
teitur@mbl.is
Margir Íslendingar hafaá síðustu dögum feng-ið í gegnum tölvupóstsenda nýja persónu-
verndarskilmála frá hinum ýmsu
vefþjónustum. Ný persónuverndar-
reglugerð Evrópusambandsins
veldur þessu, en hún kemur til
framkvæmda á morgun. Þar sem
vernd persónuupplýsinga er hluti
af EES-samningnum mun lög-
gjöfin verða tekin upp í íslenskan
rétt, þó ekki fyrr en að lokinni
þinglegri meðferð Alþingis. Ljóst
er að hin nýja löggjöf mun hafa
víðtæk áhrif, bæði á einstaklinga
og lögaðila, en öll fyrirtæki sem
vinna með persónuupplýsingar ein-
staklinga verða að fylgja löggjöf-
inni. Eitt af markmiðum löggjafar-
innar er að veita einstaklingum
betri vernd og færa þeim aukinn
ákvörðunarrétt yfir persónu-
upplýsingum sínum, en reglugerð-
in eykur meðal annars kröfur til
samþykkis einstaklinga fyrir
vinnslu með persónuupplýsingar
þeirra. Nokkur óvissa ríkir um
hver staða reglugerðarinnar verð-
ur hérlendis á meðan innleiðing-
arferli hennar er enn ekki lokið.
Hvenær verður reglugerðin
að lögum?
Ýmis álitaefni eru uppi vegna
lögfestingar reglnanna, en „Sam-
tökin“, það eru Samtök atvinnulífs-
ins, Samtök iðnaðarins, Samtök
ferðaþjónustunnar, Samtök fjár-
málafyrirtækja, Samtök verslunar
og þjónustu, Samorka, Samtök
fyrirtækja í sjávarútvegi og Við-
skiptaráð Íslands, sendu fyrr í vor
frá sér sameiginlega umsögn þar
sem gerðar voru athugasemdir við
drög að frumvarpi til nýrra per-
sónuverndarlaga. Þar lýstu Sam-
tökin meðal annars yfir mikilvægi
þess að frumvarpið yrði orðið að
lögum innan þess tímafrests sem
reglugerðin setti, en nú er ljóst að
sú verður ekki raunin.
„Samtökin hafa gert athuga-
semd við að formlega staðfestingu
vanti um stöðu íslenskra fyrir-
tækja þar til löggjöfin hefur tekið
gildi á Íslandi,“
segir Halldór Benjamín
Þorbergsson, framkvæmdastjóri
Samtaka atvinnulífsins, í samtali
við Morgunblaðið. „Það er mjög
óheppileg staða að löggjöf sem
þessi taki gildi innan ESB án þess
að hafa verið tekin upp í EES-
samninginn og þar af leiðandi ekki
í innlendan rétt EES-ríkja,“ segir
Halldór og bætir við: „Þar fyrir ut-
an munu aðilar innan EES ekki
njóta sama aðlögunartíma og ríki
ESB, sem hafa haft meira en tvö
ár til undirbúnings“.
„Pólitískt vandamál“
Björg Thorarensen, formaður
stjórnar Persónuverndar, segir
vandamál ástandsins vera pólitísks
eðlis en fullyrðir ekkert um áhrif
þess. „Það er í raun ómögulegt að
segja hver áhrifin verða ef þau
verða einhver,“ segir Björg.
„Menn vinna þá bara á grundvelli
gildandi persónuverndarlaga sem
geyma sömu kjarnareglurnar um
persónuvernd,“ segir hún en
bendir jafnframt á að evrópska
reglugerðin geymi ítarlegri
reglur sem ekki komi til
framkvæmda strax. Björg tel-
ur ólíklegt að Ísland verði
álitið óöruggt á meðan reglu-
gerðin er ennþá í millibils-
ástandi hérlendis en bendir,
líkt og Halldór Benja-
mín, á að ESB hafi
ekkert gert til að
skýra þessa óvissu.
Ný persónuverndar-
reglugerð á morgun
Getty Images/iStockphoto
Persónuupplýsingar Hin nýja löggjöf mun hafa í för með sér aukin um-
ráð einstaklinga yfir persónuupplýsingum sínum en verið hefur hingað til.
Á vef Persónuverndar er skil-
merkilega farið yfir hvað er nýtt
í hinum nýju persónuverndar-
lögum. Þar kemur meðal annars
fram að einstaklingar eigi rétt á
því að fá persónuupplýsingar
sínar á hefðbundnu og staf-
rænu formi. Börnum verður
veitt sérstök vernd en samþykki
foreldra yngri barna en 16 ára
verður skilyrði fyrir skráningu í
netþjónustur.
Á vefnum kemur einnig fram
að ýmsar skyldur verða lagðar á
fyrirtæki en mörg þeirra
munu þurfa að hafa sér-
stakan persónuvernd-
arfulltrúa á sínum
snærum. Þeir sem
vinna með persónu-
upplýsingar fyrir hönd
ábyrgðaraðila bera sjálf-
stæða ábyrgð og geta
orðið efnahags-
lega ábyrgir í
starfi sínu.
Hvað er nýtt í
lögunum?
BÖRNUM VEITT VERND OG
STARFSMENN ÁBYRGIR
Halldór Benjamín,
forstjóri SA.