Morgunblaðið - 24.05.2018, Qupperneq 60

MORGUNBLAÐIÐ FIMMTUDAGUR 24. MAÍ 2018
Hólshraun 3 · 220Hafnarfjörður · Símar: 555-1810, 565-1810 · Netfang: veislulist@veislulist.is · www.veislulist.is
Skútan
Sjá verð og verðdæmi
á heimasíðu okkar
www.veislulist.is
Fagnaðir
Næst þegar þið þurfið pinnamat, smurt brauð eða tertur
fyrir útskriftina eða annan mannfagnað, hafðu þá
samband og fáðu tilboð í sal okkar og veitingarnar þínar.
PINNAMATUR
Veislur eru
okkar list!
Bjóðum uppá fjölda tegundapinnamats og tapasrétta
Pinna- og tapasréttir
eru afgreiddir á
einnota fötum,
klárt fyrir veisluborðið.
Þórdís Lóa er með gráðu í sjón-
varpsframleiðslu, BA-gráðu í félags-
og afbrotafræði, framhaldsnám í fé-
lagsráðgjöf og loks MBA-gráðu í
rekstrarhagfræði. Lóa starfaði í tæp
20 ár sem stjórnandi á velferðarsviði
Reykjavíkurborgar, svo vatt hún
kvæði sínu í kross og hefur síðast-
liðin 13 ár verið viðloðandi við-
skiptaheiminn og einnig látið til sín
taka í ferðaþjónustunni hér á landi.
Fyrir utan fjölbreyttan mennta- og
starfsferil lifir Lóa innihaldsríku fé-
lagslífi og setur vini og söngelska
fjölskyldu sína í forgang. Það sem
færri vita er að Lóa er mat-
jurtabóndi og svokallaður „slow-
food“-ari. Okkur lék forvitni á að
vita meira um þennan lífsstíl og
spurðum Þórdísi Lóu nokkurra
spurninga.Hvernig lýsir „slow-
food“-lífsstíllinn sér?
„Hann lýsir sér í raun þannig að
maður er mjög trúr því að allt komi
frá náttúrunni. Þegar ég segi nátt-
úrunni þá er ég bæði að meina allt
sem maður ræktar eða kjöt og fisk
sem maður veiðir sjálfur. Þetta þýð-
ir að maður ræktar allt grænmeti og
kryddjurtir sjálfur og nýtir það eins
og hægt er. Það eru ótal valmögu-
leikar. Fyrir utan að búa til salat eða
matreiða grænmetið sem slíkt er
hægt að gera alls kyns pestó, dress-
ingar, marineringar og svo mætti
lengi telja. Svo notum við allt græn-
metið og kryddjurtinar til að útbúa
og matreiða sjálft kjötið og fiskinn
frá grunni. Margir halda að „slow
food“ sé einungis grænmeti, kart-
öflur og kryddjurtir. En undir þess-
ari aðferðafræði er líka hægt að gera
eigin osta, jógúrt, ís og allt sem snýr
að því að gera kjöt og fisk.“
Róast úti í náttúrunni
Hvernig kom það til að þú og fjöl-
skyldan urðuð grænmetisbændur og
veiðimenn?
„Ég er búin að vera að veiða sil-
ung og rjúpu frá því um tvítugt og
svo fór ég aðeins seinna að skjóta
gæs og hreindýr og veiða lax. Síðan
gerðist það þegar ég var í MBA-
námi samhliða fullu starfi sem fram-
kvæmdastjóri á velferðarsviði hjá
Reykjavíkurborg að ég fór að sækja
meira í að rækta mitt eigið græn-
meti og útbúa meiri mat og hráefni
frá grunni. Ég var á yfirsnúningi í
kapphlaupi við tímann á hverjum
degi en fékk mig samt sem áður ekki
til að fara í jóga, hugleiðslu eða ann-
að sem myndi veita mér hugarró. Þá
komst ég að því að þessi iðkun gaf
mér einmitt það; ég róaðist svo á því
að vera úti í náttúrunni að hlúa að
einhverju og nánast taka þátt í ljós-
tillífuninni sjálfri og ég hef gert
þetta allar götur síðan. Stundum
meira og stundum minna, bara eftir
því sem ég þarf og get. Þetta er aldr-
ei kvöð í mínum augum né vesen.“
Lóa segir að draumamatarboðið
sitt yrði „ævintýrasmakkferð með
villibráðarívafi“ eins og hún kallar
það.
„Þá sé ég fyrir mér að gera alls
kyns tilraunir með gæsalæra-confit,
dúnmjúka hreindýra-mousse, heit-
reykta bleikju og grafinn silung úr
Másvatni. Svo myndi ég gera ein-
hverjar útgáfur af gæsalærakjöt-
bollum með beikoni og gráðosti.
Þetta myndi maður svo bera fram
með heimabökuðum kartöflum með
rósmaríni og timían, eplasalati af
eplatrénu sem stendur bak við hús
heima í Árbænum og fersku salati úr
matjurtagarðinum. Svo er líka mjög
mikilvægt að eiginmaðurinn geri
sína villibráðarsósu sem ber það lýs-
andi nafn „tilbrigði við fullnæg-
ingu“.“
Ef þú yrðir borgarstjóri, hvað
myndirðu gera til að fá fleiri til að
aðhyllast þennan lífsstíl?
„Ég myndi vilja sjá matjurtagarða
miklu víðar, í alls konar formi og af
öllum stærðum og gerðum. Við þurf-
um að afskólagarðavæða hugrenn-
ingatengslin við þetta fyrirbæri sem
slíkt. Það er hægt að hafa mat-
jurtagarð fyrir framan húsið sitt og
þar af leiðandi eiga í meiri sam-
skiptum við nágranna og mannlífið í
kringum sig, inni í miðjum byggða-
kjörnum, og nýta þá fyrirkomulag
deilihagkerfisins. Svo er hægt að
hafa mun fleiri garða á húsþökum,
að því gefnu að þau séu flöt! Ég
myndi sérstaklega hvetja stofnanir
og fyrirtæki til að koma upp mat-
arjurtagarði á sínu svæði.“
Ræktar sitt
grænmeti sjálf
og veiðir í matinn
Þórdís Lóa Þórhallsdóttir, oddviti Viðreisnar í Reykjavík, kom á dögunum ný
fram á hinn pólitíska vettvang. Þórdís Lóa, eða Lóa eins og hún er jafnan
kölluð af vinum og vandamönnum, hefur komið víða við í gegnum tíðina.
Himinsæl Ekki er annað að sjá en
Lóa sé hæstánægð með aflann.
Fyrirmyndargarður Lóa kann réttu handtökin í grænmetisræktinni.
Grænmetisgyðja Þórdís Lóa
ræktar allt grænmeti sjálf.
Skörungur Þórdís
Lóa Þórhallsdóttir,
oddviti Viðreisnar í
Reykjavík.
Náttúrukona Þórdís Lóa segist una sér vel úti í náttúrunni.