Morgunblaðið - 24.05.2018, Síða 70

70 ÍSLENDINGAR
MORGUNBLAÐIÐ FIMMTUDAGUR 24. MAÍ 2018
Ingibjörg Salóme Steindórsdóttir, framkvæmdastjóri hjúkrunar áHeilbrigðisstofnun Suðurnesja, á 50 ára afmæli í dag. Hún tókvið þeirri stöðu í ágúst í fyrra en hefur starfað sleitulaust á stofn-
uninni síðan 1999. „Ég var líka nemi hér þar á undan, frá 1996, svo ég
hef verið viðloðandi stofnunina síðan þá,“ en Ingibjörg er Njarðvík-
ingur og hefur búið mestalla tíð þar.
Ingibjörg var fyrst deildarstjóri skólagæslu og ungbarnaverndar,
fór síðan í MBA-nám og varð í kjölfarið yfirhjúkrunarfræðingur á
heilsugæslunni. Hún tók síðan við framkvæmdastjórastöðunni í fyrra,
eins og áður sagði. „Þetta er mjög krefjandi starf og mikið að gera
eins og gengur. Það hefur verið gríðarleg íbúafjölgun á svæðinu og
við erum að berjast við að fá til okkar lækna, hjúkrunarfræðinga og
ljósmæður, og reyndar fleira starfsfólk, en þetta eru þær stöður sem
snúa að mér.“
Áhugamál Ingibjargar eru fjölskyldan. „Og gæludýrin mín tvö, sem
eru stórir og gamlir hundar, blendingar af Labrador-kyni og Siberian
Husky. Þeir eru orðnir ansi aldraðir og komnir með sykursýki og önn-
ur huggulegheit.“
„Ég fer í vinnuna,“ segir Ingibjörg um það hvað hún ætlar að gera í
tilefni dagsins. „Það er ekkert annað planað en við hjónin höldum
kannski sameiginlega veislu í júlí og sláum í 100 ára afmæli.“
Eiginmaður Ingibjargar er Sveinbjörn Bjarnason, verkefnastjóri
hjá Jarðborunum. Börn þeirra eru Tinna Karen, 27 ára, og Hekla
Dögg, 25 ára, sem eru stjúpbörn Ingibjargar, og Helgi Óttarr, 23 ára,
og Samúel Skjöldur, 14, að verða 15 ára.
Afmælisbarnið og synir Ingibjörg með strákunum sínum Helga
Óttari og Samúel Skildi á Eskifirði eftir vel heppnaðan veiðitúr.
Stýrir hjúkrun
á Reykjanesinu
Ingibjörg S. Steindórsdóttir er fimmtug
G
uðmundur W.Vilhjálms-
son fæddist í Edinborg
24.5. 1928: „Afmælis-
dagurinn minn er fæð-
ingardagur Viktoríu
drottningar og Day of the British
Commonwealth, en hann hefur nú
samt ekki alltaf verið gleðidagur. Árið
1941 sökkti þýska herskipið Bismarck
breska herskipinu Hood á þessum
degi og 1.415 manns fórust en þrír
komust af. Sá atburður sló mig mjög á
afmælisdaginn enda var fjölskylda
mín miklir Bretasinnar á stríðs-
árunum.“
Guðmundur flutti ungur heim með
foreldrum sínum og ólst upp fyrst við
Sólvallagötu en síðan við Bergstaða-
stræti. Hann var í tímakennslu í
Landakotsskóla, Gagnfræðaskóla
Reykvíkinga, lauk stúdentsprófi frá
MR 1948, stundaði nám í lögfræði og
frönsku við HÍ, lauk embættisprófi í
lögfræði 1953, öðlaðist hdl.-réttindi
1958 og stundaði áfram frönskunám á
vegum Alliance Francaise.
Guðmundur stundaði sjómennsku á
sumrin á námsárunum, m.a. á Goða-
fossi og á Gullfossi sumarið sem hann
kom til landsins. Hann starfaði hjá
skipaafgreiðslum í Kaupmannahöfn,
Hamborg, Ant werpen og New York
1953-54, var innkaupastjóri hjá Eim-
skipafélagi Íslands 1954-62, innkaupa-
stjóri hjá Loftleiðum hf. frá 1962 og
síðan hjá Flugleiðum hf., eftir samein-
ingu flugfélaganna, 1974 til 1990.
Hann var forstöðumaður eldsneytis-
deildar Flugleiða hf. frá 1990-96: „Sú
viðleitni að sjá flugvélunum fyrir elds-
neyti á ásættanlegu verði var stöðug
barátta, oft mjög erfið og tók verulega
á taugarnar, einkum á tímum olíu- og
orkukreppu. Eitt sinn var mjög tví-
sýnt um að fá eldsneyti í Bandaríkj-
unum fyrir heimferðir en við fundum
glufu um undanþágu (Lawful prices)
og gátum fullvissað þá um hve mikið
við þyrftum. Niðurstaðan varð sú að
við fengum eldsneytið á verulega
lægra verði en áður.“
Guðmundur var einn af stofnendum
Kammermúsíkklúbbsins árið 1957 og
formaður hans um langt árabil: „Ég
hef alla tíð fundið þörf hjá mér til að
hlusta á góða tónlist þótt ég spilaði
ekki sjálfur á hljóðfæri. Tónlistin hef-
ur verið mér endalaus uppspretta un-
aðar og lífsgleði. Kammermús-
íkklúbburinn hóf snemma að halda
sex tónleika á ári sam alltaf hafa verið
mjög vinsælir. Ég hef lært mikið af
öllu því góða fólki sem ég hef unnið
með á þessum vettvangi.
Ég varð einnig hrifinn af djassi
þegar hann kom til sögunnar hér á
landi, var dolfallinn yfir leik Hljóm-
sveitar Björns R. Einarssonar í Breið-
firðingabúð, en djassinn þvældist hins
Guðmundur W. Vilhjálmsson, fv. forst.m. hjá Flugleiðum – 90 ára
Á milli systranna Afmælisbarnið hress og kátur, með systrum sínum, Margréti Norland og Helgu Magnúsdóttur.
Ætíð með hugann við
listir og bókmenntir
Demantsbrúðkaup eiga í dag hjónin
Bjarney Sigurðardóttir og Lúðvík
Guðmundsson. Þau voru gefin saman
24. maí 1958 af séra Birni Jónssyni,
sóknarpresti í Keflavík.
Árnað heilla
Demantsbrúðkaup
Guðrún J. Straumfjörð á 107 ára af-
mæli í dag. Hún er næstelst núlifandi
Íslendinga.
Árnað heilla
107 ára
Stykkishólmur Bæring Berglindar-
son fæddist 24. maí 2017 kl. 16.00 á
Akranesi og á því eins árs afmæli í
dag. Hann vó 3.770 og var 51 cm lang-
ur. Móðir hans er Berglind Lilja Þor-
bergsdóttir.
Nýir borgarar
Reykjavík Kári Páll Guðjónsson
fæddist 24. maí 2017 kl. 14.37 og á því
eins árs afmæli í dag. Hann vó 3.356 g
og var 51 cm langur. Foreldrar hans
eru Karen Arnarsdóttir og Guðjón
Magnússon.
Íslendingar Kjartan Gunnar Kjartansson, Pétur Atli Lárusson islendingar@mbl.is
Ábendingar um brúðkaup, afmæli, barnsfæðingar og önnur tímamót í lífi fólks má
senda á netfangið islendingar@mbl.is. Einnig geta þeir, sem óska eftir því að nafn
þeirra birtist ekki í þessum dálkum, sent beiðni þar að lútandi á sama netfang.
 Unnið í samvinnu við viðmælendur.
Bragð af
vináttu
• Hágæða gæludýrafóður
framleitt í Þýskalandi
• Bragðgott og auðmeltanlegt
• Án viðbættra litar-, bragð- og rotvarnarefna
Útsölustaðir: Byko, Dýraland, Gæludýr.is, 4 loppur, Multitask, Launafl, Vélaval, Landstólpi.