Breiðfirðingur - 01.04.1991, Side 68

66
BREIÐFIRÐINGUR
með svart hár. Hún var vel gefin og gerð kona sem stjórnaði
af háttvísi með myndarbrag mannmörgu og gestkvæmu
heimili. Hún hugsaði alla tíð meira um aðra en sjálfa sig.
Hún lést 29. ágúst 1931.
Faðir minn, Bjarni Jensson, var fæddur í Pálsseli í Lax-
árdal í Dalasýslu 14. maí 1865. Foreldrar hans fluttu að Hóli
í Hvammssveit þegar hann var á fyrsta ári og ólst hann þar
upp. Móðir hans dó þegar hann var 8 ára gamall. Hún var
Jóhanna Jónasdóttir frá Litla-Langadal á Skógarströnd og
var hún komin af góðu bændafólki í Dölum og á Snæfells-
nesi. Hún var önnur kona Jens á Hóli Jónssonar, Magnús-
sonar (Lauga-Magnúsar). Jens var þrígiftur. Fyrsta kona
hans var Ingibjörg Þorleifsdóttir prófasts í Hvammi. Hún dó
er hún ól fyrsta barnið. Þriðja kona Jens var Sigríður Dan-
íelsdóttir prests í Ögurþingum. Af börnum þeirra komust
upp þrjár dætur.
Kona Jóns Magnússonar var Ingibjörg Bjarnadóttir Bær-
ingssonar, Ásgarði. Kona Lauga-Magnúsar var Sigríður
Jónsdóttir frá Ytra-Skógskoti í Miðdölum. (Ættir Lauga-
Magnúsar og afkomenda hans eru raktar í Breiðfirðingi árin
1983-1984 og 1986). Jens á Hóli var búmaður góður, hrepp-
stjóri og mikill félagshyggjumaður.
Faðir minn ólst upp á Hóli, fyrst hjá föður og móður og
síðar hjá föður og stjúpu. Hann vandist ungur til vinnu og
þótti snemma tápmikill og verklaginn. Hann stundaði bú-
fræðinám í Ólafsdal hjá Torfa Bjarnasyni árin 1885-1887.
Hann þótti strax stjórnsamur og verkhygginn. Nokkrar ver-
tíðir var hann á sjó undir Jökli. Á sumrin vann hann á ýms-
um bæjum að jarðabótum en alltaf heima annað slagið og
vann á búi föður síns.
Faðir minn var með hærri mönnum, þrekinn á vöxt, mynd-
arlegur og á síðari árum nokkuð feitur og var þá kominn
með sítt og mikið hvítt skegg. Hann þótti tilkomumikill í
sjón og stundum nokkuð fasmikill. Hann var greindur vel,
hygginn, stálminnugur, framtakssamur og félagslyndur. Hjálp-
samur, gestrisinn og rausnarmaður í hvívetna.