Breiðfirðingur - 01.04.1991, Blaðsíða 76

74
BREIÐFIRÐINGUR
Pannig liðu fyrstu búskaparárin. Búið var smátt í fyrstu,
en stækkaði ár frá ári og ræktun var haldið áfram og horft
fram á leið.
Árið 1905 var að ýmsu leyti tímamótaár í búskap foreldra
minna. Þá voru börnin orðin 6. Húsakynni voru lítil, því alltaf
var eitthvað af vinnufólki. Pað ár er byggt stórt tveggja hæða
timburhús með djúpum kjallara sem hlaðinn var úr höggnu
stórgrýti.
Fjárhagur foreldra minna var ekki góður um þessar
mundir. Fjárkaupin í Hvammi björguðu miklu því verðlag á
búsafurðum fór hækkandi næstu árin. Faðir minn seldi líka
oft bæði hesta og kýr til að losna úr skuldum því honum
fannst erfitt að standa undir miklum skuldum og skilamaður
var hann. Framkvæmdir héldu samt alltaf áfram. Fjós, hlaða
og haughús voru byggð árið 1910 yfir 10 nautgripi og fjárhús
og hlaða skömmu síðar fyrir 250 fjár og hesthús fyrir 10
hross. Þessar byggingar voru teknar í áföngum en samhliða
var öllum eldri byggingum haldið við. Árið 1930 var íbúðar-
húsið stækkað og gert við allt sem var farið að bila. Mið-
stöðvarupphitun var sett í húsið, en áður voru kola- eða
móofnar í nokkrum herbergjum, en þau voru alls 10 auk eld-
húss og búrs.
Árið 1932 opnaðist ný akfær leið yfir Bröttubrekku úr
Borgarfirði í Dali. Nokkru áður var líka unnið að vega-
gerð frá Glerá og vestur flóann fyrir neðan Ásgarð. Áður
var vegurinn fyrir ofan túnið og rétt við bæjarvegginn. Um
leið og nýi vegurinn komst í gagnið varð akfært heim að
Ásgarði og áfram vestur til Saurbæjar og út til Fellsstrandar.
Eftir að vitað var hvar nýi vegurinn mundi liggja var túnið
girt vandaðri gaddavírsgirðingu með steyptum horn- og
hliðstólpum. Um 20 hektarar voru innan girðingar og þar af
hægt að rækta um 12 hektara sem urðu að véltæku túni, sem
gaf af sér 500-600 kapla. í framhaldi af túngirðingu var beit-
arlandið austantúns í átt til fjalls girt fjárheldri girðingu. Þar
var landið gott til beitar og féð haft þar um sauðburðinn og
stundum á haustin. Girðingu þessari fylgdu margþætt þæg-
indi.