Breiðfirðingur - 01.04.1991, Blaðsíða 117

FORNASEL í VATTARDAL
115
Mér dettur þá í hug að spyrja hann um tóftirnar við gilið.
Segir hann mér þá það sem hér fer á eftir:
„Þetta er gamalt býli sem Fornasel heitir. Bjuggu þar síð-
ast hjón sem áttu son 10 eða 12 ára þegar þetta gerðist. Var
hann eitt sinn sendur með hest útað Vattarnesi og drukknaði
hann í bæjargilinu á heimleið.“
Þessu átti ég bágt með að trúa því gilið var svo lítið og
saklaust að sjá. En um haustið þetta sama sumar komum við
félagar enn í sömu erindum og fyrr og lentum þá í úrhellis-
rigningu og vatnavöxtum. Þá var Fornaselsgilið svo ferlegt
að vöxtum að fullhættulegt gat verið hverjum fullorðnum
manni, hvað þá 12 ára dreng.
Þessi stutta frásögn er á enda. Atvik þetta gaf mér nokkra
ástæðu til íhugunar og eftirgrennslana. Fornasel- hefir ekki
verið byggt í um 200 ár. Vattarnes er að fornu þingstaður
sveitarinnar þó nú sé í eyði og þangað hafa margra leiðir
legið, ekki síst næstu nágranna.
Fyrir um það bil 200 árum mun Breska biblíufélagið hafa
verið stofnað. Þá voru biblíur sendar hingað til lands til dreif-
ingar út um sveitir, og hvert mundi þá sú sending farið hafa,
ef ekki einmitt á þingstað sveitarinnar, sem ef til vill hefir þá
þegar verið einhverskonar póstafgreiðsla sveitarinnar.
Að sumarlagi er Vattardalur yndislegur staður að dvelja á
og gott mun þar undir bú. Varla mun þó Fornasel byggjast
að nýju. Birkið er að leggja dalinn undir sig. Gott væri þar
til skógræktar. Máski eiga Fornaselsbrekkur eftir að klæðast
fögrum og nytjaríkum barrskógi til gagns og gleði óbornum
kynslóðum.