Breiðfirðingur - 01.04.1991, Blaðsíða 163

AÐ SAFNA TUNGUMÁLUM
161
störfum sínum þannig að þeir fara tveir, oft eru það hjón,
inn í frumskóginn og setjast að í einhverju þorpinu. Þá taka
þeir til að læra málið, sem þar er talað, af vörum fólksins,
því þarna er ekki um neitt ritmál að ræða. Þetta tekur venju-
lega þrjú til fimm ár. Þá er næst fyrir hendi að semja ritmál
og síðan að kenna börnum í þorpinu að lesa og skrifa. Þá er
komið að því að þýða valda kafla úr biblíunni á þetta mál.
Sumar þjóðir þarna eru mjög fámennar. Sú fámennasta, sem
ég fékk upplýsingar um taldi 145 sálir og bjó öll í einu þorpi.
Þetta fólk skildi alls ekki íbúa næstu þorpa. Ég fékk í hendur
kafla úr Markúsarguðspjalli á þessu máli. Það var prentað í
50 eintökum.
Ég náði að eignast skrá yfir öll biblíufélög í heiminum, en
þau eru öll í heimssambandi biblíufélaga og einnig komst ég
yfir skrá yfir nokkrar trúboðsstöðvar um víða veröld. Marg-
ar þeirra fást við útgáfu biblíuþýðinga. Yfirleitt tók þetta
fólk kvabbi mínu vel og sendi mér bækur sem ég pantaði.
Eitt sinn komst ég að því að trúboðsstöð í Alaska hafði á
boðstólum biblíur á sex málum indíána og eskimóa þar
norðurfrá. Ég skrifaði forstöðumanninum og pantaði þessar
bækur. Ég bað hann að senda mér reikning með bókunum
og bæta við burðargjaldinu til íslands. Litlu síðar fékk ég
böggul þaðan, en þegar ég opnaði hann var það fyrsta sem
ég sá tíu grammófónplötur, sem ég hafði auðvitað ekki
pantað og kærði mig ekkert um. Svo komu í ljós bækurnar,
sem ég hafði pantað ásamt reikningi og sendibréfi til mín.
Þar stóð að á plötunum væru valdir kaflar úr Nýja testament-
inu upplesnir á eskimóamáli á annarri hliðinni, en á hinni
væru sálmasöngur. Forstöðumaðurinn sagðist senda mér
plöturnar að gjöf, en bað mig í staðinn að leika þær fyrir
kristna eskimóa í heimalandi mínu. Ég hef ekki ennþá getað
komið því við.
Ekki gekk mér þó alltaf svona vel. Eitt sinn frétti ég að
systurfélag þess, sem hafði verið mér svo hjálplegt í Nýju-
Guineu, hefði nýlega gefið út biblíurit á sjö indíánamálum í
Perú í Suður-Ameríku. Ég skrifaði forstöðumanninum þar