Breiðfirðingur - 01.04.1991, Qupperneq 188

Kristinn B. Gíslason:
Minning
Kristín Sigurðardóttir var fædd 3.6. 1926 en dáin 9.1.
1944. Hún féll því frá í blóma lífsins eftir langvinn veikindi
aðeins 18 ára gömul.
Hún var af breiðfirskum ættum komin. Foreldrar hennar
voru hjónin Sigurður Magnússon, sem ættaður var af Fells-
strönd í Dalasýslu og Jófríður dóttir Kristjáns Sveinssonar
og konu hans Kristjönu Jónsdóttur, sem bjuggu í Bjarneyj-
um.
Kristín ólst upp í Reykjavík, en dvaldi oft hjá frændfólki
sínu í eyjunum á bernskuárunum.
Pessar minningarlínur sem hér fylgja með, urðu til eftir að
hafa séð hana á líkbörunum heima hjá foreldrum hennar.
Nú ertu liðin ljúfa vina
lögst á hinsta hvílubeð.
Þarf nú ekki þrautir lina
þarf nú ekki lækna með.
Sárt oss finnst að sjá þig alla
svona unga á þroska braut.
Liljur vorsins vaxa og falla
vonin okkar brotsjó hlaut.
Engin fær sín örlög vitað
öllum markað þó er skeið.
Það er helgum rúnum ritað
ræður Drottins ein þar leið.