Breiðfirðingur - 01.04.1998, Qupperneq 125

123
FLYÐRULEGA FYRIR MEIRA EN HÁLFRI ÖLD
skömmu fyrir fjöruliggjandann, líklega um einum og hálfum
tíma fyrir fjöru. Dýpið þegar við lögðumst voru tæpir fimm
faðmar og grynnti uppá fjóra um fjöruna. Ekki urðum við
varir nema óglöggt fram á liggjandann, en formaðurinn var
viss að þarna væri veiðivon. Einar sat undir sínu færi í
miðrúmi en ég í skut.
Þegar lagst er á lúðumiði með handfæri ein að vopni, er
gefið út af drekafestinni, sem legið er við, það mikið að bátur-
inn dragi örugglega ekki drekann. Þarna á Sauðanesboðunum
eru afar glögg og nákvæm mið, og því ríður á að allt sé með
kyrrum kjörum, og engin hætta á að dragi (reiknaður er út
snúningur um fallaskipti). Um fjöruliggjandann var nær straunr-
laust, aðeins streymdi á fremri boðanum djúpmegin við bátinn
skammt frá.
Þegar við höfðum legið um það bil klukkutíma, kom á
færið hjá mér. Pabbi var fljótur að grípa færið og gretti sig
framan í okkur bræður, en Einar dró sitt upp í skyndi svo ekki
flæktist saman. Þar sem svo grunnt vatn var sem áður sagði,
tók skepnan sem á færinu var skarpan sprett út í sjó, pabbi hélt
í við hana nokkuð þétt, við bræður fylgdumst spenntir með.
Ekki tók mjög langan tíma að þreyta þessa lúðu. Þegar hún