Breiðfirðingur - 01.04.1998, Page 131
Hólmfríður Gísladóttir
Júlíana Silfá Einarsdóttir
Það ná margir Breiðfirðingar háum aldri, hverju það er að
þakka vitum við ekki, en kannski er það fæðið, t.d. nýr fiskur
sem þetta fólk lifði á. Ein þeirra er Júlíana sem er orðin 102
ára. Hún er fædd í Bíldsey á Breiðafirði, 5. apríl 1896, dóttir
Einars Jónssonar bónda þar og vinnukonu hans Guðrúnar
Helgadóttur.
Vorið 1890 kom ung stúlka úr Eyrarsveit til Bíldseyjar sem
vinnukona. Veru hennar þar lauk með því að hún eignaðist
dóttur og fór svo burt. Þessi dóttir hennar Júlíana varð eftir í
Bíldsey hjá föður sínum og konu hans, Soffíu Þórðardóttur.
Júlfana naut mikils ástríkis hjá föður sínum og fóstru. Hefur
hún oft sagt að fóstra sín hefði ekki getað verið sér betri þó
hún hefði verið móðir hennar. Júlíana var snemma tápmikil,
hún fór með fóstru sinni í kaupavinnu á sumrin bæði á Skóg-
arströnd og í Dali. Þegar Júlíana var ung stúlka fór hún að
sækja sjó á sumrin með föður sínum og Pétri bróður. Sagði
hún oft að hún hefði marga flyðruna dregið. Friðrika Eggerts-
dóttir frá Fremri-Langey sagði mér að það hefði ekki þótt
kvenlegt af ungri stúlku að sækja sjó, en bætti við, en mikið
öfunduðum við hana systumar í Langey. Júlíana reri eitt sinn
með Pétri bróður sínum úr Höskuldsey upp í Skoravík á Fells-
strönd, það er löng leið, það vita þeir sem þekkja. Hún sagði
líka að þá hefði hún verið orðin þreytt. Svo reru þau daginn
eftir fram í Bíldsey. Júlíana var mjög handsterk, enda hefur
hún þjálfast af árinni.
Júlíana fór til Reykjavíkur veturinn 1919 og lærði karl-
mannafatasaum hjá klæðskera. Hún fór líka til Reykjavíkur