Breiðfirðingur - 01.04.1998, Qupperneq 150

148
BREIÐFIRÐINGUR
Bátur undir seglum.
vatn fékkst ekki í úteyjum. Vatnið var flutt í tveim lokuðum
tunnum og var hvor um sig kvartil að stærð. Var það áætlaður
vikuforði. Þryti vatn, varð að sækja það heim. Viðbit með
brauði og fiski var smjör og bræðingur. Var hverjum manni
áætlaður skammtur til vikunnar. Var skammtinum komið fyrir
í þar til gerðum tréstokkum. Var smjöri drepið í annan helm-
ing dallsins, en svo voru stokkarnir kallaðir, en bræðingi síðan
hellt í hinn endann bráðnum þar sem hann storknaði. Bræð-
ingur var bráðinn mör og sellýsi. Var hann hið ljúffengasta
viðbit. Hver maður hafði sinn ákveðna dall allt sumarið og
sumir ár eftir ár. Þess má geta, að sumir þessir dallar voru hið
mesta hagleikssmíð, gerðir úr stöfum sporöskjulagaðir og girt-
ir með gjörðum. Allir voru dallarnir með loki yfir.
Vinnu var þannig háttað í útilegunum að vinna hófst klukk-
an sex að morgni og var þá unnið til klukkan níu, en þá var
farið í tjöldin og snæddur dagmálamatur. Matmálstíminn var
ein klukkustund. Klukkan tólf var svo drukkið hádegiskaffi,
en meðan það var hitað, eða um það bil hálftíma, hvíldust all-
ir. Annaðhvort lögðu menn sig í slægjunni, þar sem þeir voru
staddir, og var það oftast gert væri gott veður, eða fóru heim í