Breiðfirðingur - 01.04.1998, Page 163
Skúli Alexandersson
Gönguleiðir undir Jökli
Landsvæðið norður og norðvestur af Snæfellsjökli er áhuga-
vert gönguland. Þar er auðvelt að velja kjörgönguleiðir fyrir
flesta, svæði sem hægt er að komast um á hálfum klukkutíma
eða gönguleið sem tekur hálfan dag að fara og allt þar á milli.
Hér er um að ræða dali, fjöll og undirhlíðar að norðan og
vestan við Snæfellsjökul, Öndverðames, Neshraun, Presta-
hraun og úthraun þeirra og ströndina frá Rifi um Keflavíkur-
bjarg, Skarðsvík, Öndverðarnes, Nes- og Saxhólsbjarg um
Beruvík að Hólahólum. Á þessu svæði nýtur vel sólar. Sér-
staklega er hér fagurt og tilkomumikið þegar sólin sest við
hafsbrún út af Breiðafirði.
Ef ferðin hefst í Rifi eru leiðir fyrst stuttar en skoðunarstað-
ir áhugaverðir og út úr bíl þarf að fara. Fyrst er Björnssteinn í
Rifi, þar sem Björn ríki Þorleifsson var veginn af Englending-
um árið 1467. Einnig eru virkisstæðin á klettabrúninni ofan
við hafnarsvæðið áhugaverð. Að sumarlagi þarf að áætla sér
tíma til að skoða fuglalífið, sem er mjög fjölskrúðugt og á víð-
lendu svæði umhverfis Rif. Síðan er haldið sem leið liggur út
á Hellissand. Á leiðinni er vegur til vinstri að Ingjaldshóli, fomu
sögu- og höfðingjasetri og kirkjustað. Kirkjan þar er talin elsta
steinsteypukirkja í heimi. Sumarið 1998 var reist minnismerki á
hólnum sunnan við kirkjuna um skáldið og náttúrufræðinginn
Eggert Ólafsson og konu hans Ingibjörgu Guðmundsdóttur sem
var frá Ingjaldshóli og þangað ætluðu þau í sinni hinstu för.
Nokkru vestar og þá til hægri er afleggjari frá þjóðveginum
og við enda hans bílastæði. Þaðan er stutt gönguleið til að
skoða fuglabyggðir í Keflavíkurbjargi og Bala og að Balalind.