Breiðfirðingur - 01.04.1998, Síða 176

174
BREIÐFIRÐINGUR
Breiðfirðingakórinn sem stofnaður var þann 5. mars 1939 og
starfaði í a.m.k. 15 ár og fóru kórfélagar í söngferð í júní-
mánuði 1945 og sungu á fimm stöðum við Breiðafjörð. Þótti
þá mörgum mikil reisn yfir félaginu þegar ræstar voru þrjár
rútur fullar af söngfólki sem hélt áleiðis til ættingja og vina
við Breiðafjörð.
Bridgefélag Breiðfirðinga var stofnað þann 8. janúar 1950
og starfar enn sem sjálfstæð deild og hefur unnið marga góða
sigra gegnum tíðina og gerir enn. Þá var tafldeild einnig stofn-
uð á svipuðum tíma og starfar enn og hefur í allmörg ár staðið
fyrir skákkeppni við heimamenn úr héraði. Handavinnudeild
Breiðfirðingafélagsins var stofnuð 16. janúar 1946 og starfaði
í allmörg ár en starfar nú undir nafninu „Félag breiðfirskra
kvenna“ af fullum krafti.
Málfundadeild Breiðfirðingafélagsins var stofnuð 27. des.
1942 og starfaði í 11 ár og munu félagsmenn hafa verið um
35^10 talsins. Minningarsjóður um látna félaga var stofnaður
og eru minningarkort sjóðsins til sölu.
Breiðfirðingafélagið stóð fyrir kvöldvökum í ríkisútvarpinu um
tíma og þótti vinsælt efni. Tímaritið Breiðfirðingur hóf göngu sína
árið 1942 og hefur komið út árlega allt frá upphafi. Það er nú elsta
átthagarit landsins. Það er óhætt að segja að þar hefur margt fróð-
legt efni varðveist sem kannski annars hefði glatast og má félagið
vera stolt af þeirri útgáfu eins og svo mörgu öðm úr félagsstarfinu.
Skógræktarstarf hófst í Heiðmörk fyrir u.þ.b. 37 ámm og
hefur þar verið plantað töluvert miklum trjágróðri sem nú er
orðinn hinn myndarlegasti. Hefur félagið því fljótlega lagt
uppgræðslu lands lið, þá er það átak fór fyrst vemlega af stað
og látið til sín taka í því sem og öðru.
Sumarferðalög félagsins hafa verið farin í gegn um tíðina og
oft fjölmennt í vel skipulagðar ferðir vítt og breitt um landið þó
að kannski hafi leiðin oft legið vestur á land í Breiðafjarðareyjar
og minnast margir þeirra ferða með ánægju í huga.
Já margt var að gerast hjá félaginu okkar á þessum fyrstu
ámm þess eins og ég hef hér lítillega rakið og er þó ekki allt
upptalið af því góða starfi.