Dagblaðið Vísir - DV - 25.05.2018, Blaðsíða 21

bleikt 2125. maí 2018
Venediktsson
Þú tippar
ekki
eftir á
S
öngkonan Glowie ólst upp
í Grafarvogi með foreldr-
um sínum og þremur systk-
inum. Glowie gekk í þrjá
grunnskóla og voru grunnskólaár-
in henni erfið af ýmsum ástæðum.
„Öll grunnskólaárin voru frekar
erfið, aðallega vegna félagslegra
erfiðleika. Síðasta árið var mitt
uppáhalds en þá gekk ég í Folda-
skóla. Þar lenti ég í góðum bekk
og eignaðist mikið af vinum,“ segir
Glowie í viðtali við Bleikt.
Glowie æfði dans frá 7 ára aldri
og þar til hún varð 16 ára gömul.
Þegar hún útskrifaðist úr grunn-
skóla lá leið hennar í Tækniskólann
þar sem hún keppti fyrir hönd skól-
ans í söngkeppni framhaldsskól-
anna og sigraði eins og frægt var.
Varð fyrir kynferðislegu ofbeldi
eftir að tónlistarferillinn hófst
„Ég átti líka í félagslegum erfiðleik-
um í dansskólanum en það sem
fékk mig til þess að halda áfram
var ástríðan fyrir dansi og tónlist.
Þegar ég sigraði Söngkeppni fram-
haldsskólanna fékk ég mikið af
tækifærum í kjölfarið og þar hófst
tónlistarferill minn. Það var á þess-
um tíma sem ég varð fyrir kynferð-
islegu ofbeldi,“ segir Glowie. Það
vakti mikla athygli þegar söngkon-
an greindi frá því í viðtali við Ragn-
hildi Steinunni í þættinum Ísþjóð-
in í mars 2017 að hún hefði tvisvar
orðið fyrir kynferðislegu ofbeldi á
fyrsta ári sínu í framhaldsskóla.
Nokkrum mánuðum eftir að
Glowie lenti í þessari örmulegu
reynslu kynntist hún Guðlaugi
Andra Eyþórssyni og eru þau par
í dag.
„Hann hjálpaði mér að tak-
ast á við ofbeldið sem ég varð fyr-
ir nokkrum mánuðum áður en við
kynntumst. Við erum ekki bara
kærustupar heldur erum við líka
bestu vinir og vinnum oft saman í
allskyns verkefnum.“
Parið hefur verið saman í fjögur
ár og stefna þau á að flytja saman
til London í júní.
Glowie áttaði sig á því þegar
hún var orðin sextán ára gömul að
mögulega væri ástæða fyrir því að
henni leið alltaf eins og hún væri
ekki eins og allir aðrir.
„Ég fann það alltaf sem krakki
að ég var mjög sein að fatta ýmsa
hluti, skildi stundum ekki það sem
var auðskilið fyrir aðra krakka.
Ég upplifði mig eins og ég væri
heimsk. Ég var rosalega gleymin
og átti mjög erfitt með að hlusta á
kennarann með fullri einbeitingu
sama hvað ég reyndi. Það var eins
og ég hefði enga stjórn á huga
mínum.“
Var send í sérstaka skólastofu
fyrir börn sem þurftu meiri hjálp
Glowie var send í sérstaka skóla-
stofu í skólanum sem var sérstak-
lega gerð fyrir börn sem þurftu
meiri hjálp.
„Ég var send þangað í stærð-
fræði og bókmenntatímum. Ef ég á
að vera alveg hreinskilin þá fannst
mér það ekkert hjálpa. Kannski
aðallega vegna þess að aðferð
kennarans hentaði mér ekki. Af
því að mér gekk alltaf svona illa í
skólanum þá var ég fljót að missa
trúna á sjálfri mér.“
Það sem Glowie vissi ekki var
að seinna átti hún eftir að grein-
ast með ADHD. Þá fékk hún loks-
ins svör.
„Ég vissi bara að ég væri öðru-
vísi og ég upplifði það ekki á já-
kvæðan hátt. Mig langaði bara að
falla inn í hópinn. Mér leið best
þegar ég fór heim eftir skóla til
þess að æfa mig að syngja. Þar
náði ég að njóta mín.“
Árið 2015 fór Glowie í létt grein-
ingarferli þar sem kom í ljós að
hún var með ADHD.
„Í desember árið 2017 fór ég aft-
ur í mun ítarlegri greiningu. Í kjöl-
farið fór ég til geðlæknis og fékk
lyf. Að vera með ADHD getur ver-
ið nokkuð flókið en það er að sjálf-
sögðu mismunandi hjá fólki. Það
virkar þannig hjá mér að ég get
ekki einbeitt mér að neinu nema
að vera að gera eitthvað annað
á meðan. Til dæmis finnst mér
best að hafa háa tónlist og vera að
borða eitthvað á meðan ég keyri til
þess að ég geti haldið einbeitingu
við aksturinn. Ef ég fer á fund eða á
langar samræður við fólk, þá verð
ég að geta hreyft mig inn á milli og
vera með eitthvað í höndunum til
þess að fikta með.“
Man varla eftir því að hafa
verið á sviði að syngja
Glowie segir að fólk upplifi hana
oft sem áhugalausa þegar það tal-
ar við hana.
„Ég er í raun að gera þessa hluti
vegna þess að ég þarf þess til þess
að geta meðtekið það sem fólk
segir við mig. Fólk upplifir það oft
eins og mér leiðist eða að ég hafi
ekki áhuga á því sem það er að
segja mér.“
Glowie segir reynsluna aðra
þegar hún sé að fara að stíga á
svið eða þegar athyglin beinist að
henni.
„Í aðstæðum þegar ég er að fara
að stíga upp á svið eða þegar ég er
að tala fyrir framan fólk, jafnvel
þótt það sé bara fjölskyldan mín þá
set ég ósjálfrátt svo mikla pressu á
sjálfa mig að hausinn á mér nær
ekki utan um það sem er að ger-
ast. Þá myndast mikið stress og ég
frýs eiginlega bara. Þegar ég syng
á sviði þá er stormur í hausnum á
mér og líkamsminnið tekur stjórn-
ina til þess að koma mér í gegnum
flutninginn. Svo man ég varla eft-
ir því að hafa verið á sviðinu þegar
ég hef róað mig niður baksviðs.“
Glowie segir hug sinn vera mjög
ofvirkan og að nauðsynlegt sé fyrir
hana að breyta til mjög reglulega.
„Mér finnst mjög gott að skipta
um föt svona tvisvar sinnum á
dag og að breyta um hárgreiðslu
þrisvar á dag. Ég breyti oft um fata-
stíl, annað hvort gef ég eða sel föt-
in mín og kaupi mér svo ný.“
Upplifði nýtt líf þegar hún fékk lyf
Glowie hefur verið á lyfjum við
ADHD núna í rúma þrjá mánuði
og segist hún vera að upplifa al-
gjörlega nýtt líf.
„Allt í einu get ég setið kyrr í
þrjá klukkutíma í senn og spjall-
að við fólk með fulla einbeitingu
allan tímann. Jafnvel þótt það séu
allskonar hljóð og hreyfingar í
kringum mig sem vanalega hefðu
truflað mig. Ég er miklu opnari,
glaðlegri og með mikið betra
sjálfstraust. Ég er orðin einhver
glæný útgáfa af Glowie.“
Síðan Glowie var ung stúlka
hefur hana alltaf dreymt um að
verða söngkona og dansari.
„Ég var 11 ára þegar ég söng
í fyrsta skipti fyrir framan fólk á
bekkjarkvöldi í skólanum mínum.
Eftir Söngkeppni framhaldsskól-
anna árið 2014 hófst svo söngfer-
ill minn sem Glowie. Ég gaf út lög-
in „No more“, „Party“, „One day“,
og „No lie“. Það var alltaf planið að
fara út fyrir landsteinana en það
var bara spurning hvenær ég yrði
tilbúin til þess. Þetta er ansi djúp
laug að stökkva út í enda er tónlist-
armarkaðurinn stór og flókinn.“
Mörg plötufyrirtæki erlend-
is sýndu Glowie áhuga og í mars
árið 2017 skrifaði hún undir mjög
stóran plötusamning við Colu-
mbia Records í Bretlandi og RCA í
Bandaríkjunum.
„Mikill undirbúningur hefur
verið í gangi síðan þá. Það tek-
ur tíma fyrir fólk að kynnast og
finna taktinn í því að vinna saman
í svona stóru verkefni. Góðir hlutir
gerast hægt,“ segir Glowie ánægð
og spennan fyrir komandi tímum
leynir sér ekki.
Velgengni er ekki sjálfgefin
Glowie hefur alltaf stefnt hátt í
listaheiminum en fyrst og fremst
vill hún fá að vinna við það sem
henni þykir skemmtilegt.
„Mig langar að hanna fatn-
að, taka myndir og mála málverk.
En þetta verður að sjálfsögðu allt
að koma í ljós. Velgengni er ekki
sjálfgefin en peningar og frægð er
ekki mitt markmið, ég vil bara fá
að vinna við það sem mér finnst
skemmtilegt að gera. Ég hef enga
hugmynd um hvað ég mun vera að
gera eftir tíu ár og mig langar ekki
að vita það. Mér finnst gott að lifa í
núinu og leyfa lífinu að gerast.“
Glowie er að fara í myndatök-
ur og upptökur á myndbandi við
fyrsta lagið sem gefið verður út í
sumar.
„Nú er loksins allt að fara í
gang og þess vegna er ég að flytja
til London. Það verður mikið að
gera hjá mér á þessu ári og það
er mikið af spennandi verkefnum
framundan.“
Glowie segir að ADHD geti
bæði verið versti galli einstaklinga
en jafnframt besti kosturinn.
„Það fer eftir því hvernig þú
horfir á sjálfan þig. Ég væri ekki
söngkonan Glowie í dag ef ég væri
ekki með ADHD. Ofvirknin hef-
ur keyrt mig áfram í að elta uppi
drauma mína og gefast ekki upp.
Fólk á að gera það sem því þykir
skemmtilegt. Ekki lifa lífinu eins
og að hamingja sé einhver staður
í framtíðinni sem þú munt kom-
ast á. Hamingja er hugarfar okkar,
hvernig við ákveðum að líta á lífið.
Eins og góð vinkona mín, Sara Dís
Gunnarsdóttir segir oft: „Maður
veit aldrei hvað gerist á morgun.
Lífið er núna, dragðu djúpt and-
ann og hoppaðu út í djúpu
laugina. Eltu drauma þína.“ n
Hægt er að fylgjast með
ævintýrum Glowie á instagram
undir notandanafninu: itsglowie
Aníta Estíva Harðardóttir
anita@pressan.is „Það
var
á þessum
tíma sem
ég varð
fyrir kyn-
ferðislegu
ofbeldi