Dagblaðið Vísir - DV - 25.05.2018, Side 40

25. maí 2018KYNNINGARBLAÐViðhald og framkvæmdir
Ég vil vekja fólk til vitundar um fúsk í byggingariðnaði og að fólk vari sig á fúskurum,
vanefndarmönnum sem tröllríða
stéttinni, því miður. Leiðin til að
átta sig á því hvort viðkomandi
byggingaraðila sé treystandi er að
fólk fái kennitölu hans, fletti henni
upp á vefsvæði Mannvirkjastofn-
unar og athugi hvort hann er með
gæðakerfi eða ekki. Ef aðilinn er með
gæðakerfi vill hann örugglega passa
upp á sitt og vanda til verka. Ef hann
er ekki með gæðakerfi getur hann
gert hvað sem er við bygginguna,
oft með skelfilegum afleiðingum en
án þess að það sé rekjanlegt og hafi
eftirmála,“ segir Benedikt Sveinsson
byggingarstjóri.
Heimsmet í myglu
Benedikt, sem er byggingameistari að
mennt, rekur fyrirtækið Mánabyggð
og tekur að sér byggingastjórnun og
verkstýringu á byggingum í samstarfi
við arkitekta, verkfræðinga, bruna-
hönnuði og fleiri fagaðila. Benedikt
hefur ekki áhuga á að auglýsa starf-
semi sína hér sérstaklega þar sem
hann hefur meira en nóg að gera,
heldur vill hann nota þetta tækifæri
til að koma á framfæri alvarlegum
skilaboðum varðandi byggingar-
iðnaðinn í landinu. Telur hann að mikil
óheillaþróun hafi orðið í nýbyggingum
það sem af er þessari öld þar sem
byggingahraði sé of mikill og víða við-
gangist fúsk með ófyrirsjáanlegum og
oft skelfilegum afleiðingum:
„Við erum að setja heimsmet í
myglu og hún á sér aðallega stað í
nýbyggingum. Mestu lekamálin í dag
eru í nýbyggingum en ekki í eldra
húsnæði. Lekamál koma helst upp
í eldra húsnæði þar sem einhverjir
hafa verið að breyta húsnæði en ekki
gert það á réttan hátt,“ segir Bene-
dikt, en hann telur að þöggun hafi
verið í gangi um fúsk í byggingar-
iðnaði og nú sé orðið brýnt að
afhjúpa raunveruleikann í þessum
efnum og grípa til aðgerða:
„Það er þöggun vegna þess að svo
margir hafa hagsmuna að gæta. En
þrátt fyrir það er umræðan í kringum
mig orðin hávær og ég er búinn að
skrifa Mannvirkjastofnun erindi og
benda þeim á að þeir hafi upplýs-
ingaskyldu og ættu að vara almenn-
ing við því að ráða aðila til verks sem
ekki hafa tilskilin réttindi og þekkingu.“
Fjársvelti kemur í veg
fyrir fullnægjandi eftirlit
Benedikt hefur stýrt endurbótum og
viðgerðum hjá nokkrum húsfélögum
undanfarið þar sem vanefndir hafa
verið og vitlaust staðið að verki svo
valdið hefur miklum skaða.
„Ég vil taka það fram að Mann-
virkjastofnun sinnir góðu hlutverki.
Hún var sett á laggirnar árið 2010 til
að mæta þessu rugli sem var orðið
í byggingariðnaði. Byggingarfulltrúi
og skipulagsfulltrúi eru fínar stofnanir
og ég þekki þar margt gott fólk. Það
sem er hins vegar að í stjórnsýslunni
er mannekla og fjárskortur. Þetta er
það sama og er að gerast í heilbrigð-
iskerfinu, það er verið að svelta þess-
ar stéttir og það hefur afleiðingar
fyrir samfélagið.“
„Það eru vissulega líka til góðir
verktakar í byggingariðnaði og þeir
átta sig á að það þýðir ekki að loka
steypu af með öðrum byggingar-
efnum áður en hún hefur þornað.
Það er verið að loka steyptum
byggingarhlutum allt of hratt með
öðrum efnum, t.d. parketi, timbur-
þakvirki og klæðningum, og einangra
löngu áður en það er hægt, en efnin
verða að fá andrúm til að taka sig.
Þetta er það sem er að. Gamalt hús-
næði hér á landi andar miklu betur
og loftar miklu betur en nokkurn tíma
nýtt húsnæði. Forsenda í byggingu,
sama hve mikið og hvernig bygging-
arefni er notað, er að það lofti um
efnið. Þetta er óheillaþróun sem
hófst upp úr aldamótum þegar fjár-
málakerfið varð allt frjálst. Allt snýst
þetta um bankavexti, þeir stýra öllum
framkvæmdum, takmarka og setja
skrúfuna á allt saman.“
Lagabreytingar þurfa að eiga sér stað
Benedikt er ómyrkur í máli en það
vakir ekki fyrir honum að koma höggi
á einstaka aðila heldur vekja sam-
félagið til vitundar um að við erum
á rangri leið í byggingaþróun: „Mér
er mikið í mun að samfélagið þrífist
á heilbrigðan hátt og fólki líði vel í
húsunum sínum en þurfi ekki að byrja
á viðhaldi um leið og það flytur inn
í nýlegt eða nýtt húsnæði. Þetta er
skelfilegt! Í flestum tilfellum er fólk að
leggja aleigu sína í húsnæði.“
Benedikt vill sjá lagabreytingar og
nýja eftirlitsstofnun. „Þetta getur ekki
gengið mikið lengur svona. Það sem
vantar inn í þetta umhverfi er opinber
eftirlitsstofnun sem gerir ástandsmat
á byggingum, nýjum sem gömlum, og
það ætti ekki að vera hægt að selja
þær fyrr en þær uppfylla skilyrði um
öryggi og hollustuhætti. Það myndi
hægja mjög á þessari lélegu fram-
kvæmd sem víða á sér stað ef þetta
yrði sett í lög.“
Benedikt Sveinsson hefur innleitt
gæðastjórnunarkerfi byggingar-
stjóra skv. lagagrein um mannvirki nr.
160/2010 þar sem gerð er krafa um
að iðnmeistarar og byggingarstjórar
skuli innleiða slíkt gæðakerfi og gerir
Mannvirkjastofnun úttekt á kerfinu
með virkniskoðun. Innleiðing gæða-
kerfis viðeigandi iðnmeistara er m.a.
skilyrði fyrir því að byggingaleyfi vegna
framkvæmda fáist útgefið. Mann-
virkjastofnun hefur á grundvelli virkni-
skoðunar lokið skráningu gæðastjórn-
unarkerfis Benedikts í gagnasafn
stofnunarinnar á grundvelli laganna.
Upplýsingar um skráða aðila
gæðastjórnunarkerfisins er að finna
á heimasíðu Mannvirkjastofnunar,
www.mannvirkjastofnun.is
á listum yfir löggilta hönnuði,
löggilta iðnmeistara og aðila með
starfsleyfi byggingarstjóra.
BEnEdIkT SVEInSSon ByGGInGArSTjórI Er óMyrkur Í MáLI:
Byggingahraði er of
mikill og fúsk viðgengst
– lagabreyting nauðsynleg