Dagblaðið Vísir - DV - 25.05.2018, Page 50

25. maí 2018KYNNINGARBLAÐNámsframboð á háskólastigi og fjarnám
Verkmenntaskólinn á Akureyri leggur mikla áherslu á fjöl-breytni í námsframboði sínu
en við skólann er boðið upp á iðn- og
tækninám ásamt hefðbundnu bók-
námi til stúdentsprófs. Fjarnám er
veigamikill hluti af starfsemi skól-
ans en bæði er hægt að ljúka stúd-
entsprófi af bóknámsbrautum og
námi til iðnmeistararéttinda í fjarnámi.
Markmið með fjarnámi er að gefa
þeim kost á námi sem ekki geta
stundað tiltekið nám á hefðbundinn
hátt í dagskóla. Nemendur í fjarnámi
geta verið dagskólanemendur í VMA
eða úr öðrum framhaldsskólum eða
fólk sem er úti í atvinnulífinu. Í fjar-
náminu eru bæði nemendur bú-
settir á Akureyri og hvaðan sem er
af landinu. Enn fremur eru töluvert
margir nemendur sem búa erlendis.
Fjarnám krefst sjálfsaga en sveigj-
anleiki VMA gagnvart nemendum og
stuðningur skólans við hvern og einn
nemanda léttir róðurinn.
„Við reynum að hafa mjög gott
samband við nemendur til að sporna
við brottfalli og vikulega eru ávallt
einhver samskipti, til dæmis í gegnum
endurgjöf á verkefnum. Svo hef ég
alltaf samband við þá ef við höfum
ekki heyrt í þeim lengi. Það getur
verið erfitt að vera í fjarnámi en þú
lætur námið síður sitja á hakanum ef
kennarinn er reglulega í sambandi við
þig,“ segir Katrín Harðardóttir fjar-
námskennari en hún hefur stundað
fjarnámskennslu í 20 ár. Hún segir
að námið hafi breyst mikið á þessum
tíma með aukinni tækni.
„Hér áður fyrr var þetta meira eins
og bréfaskóli í tölvupóstformi en núna
vinna nemendur í Moodle-umhverfinu
sem gefur kost á að setja inn tengla
á alls konar efni, miðla fyrirlestrum,
glærum og mörgu fleiru sem veitir
nemendum fjölbreyttari sýn á námið.
Enn fremur geta nemendur sent inn
fyrirspurnir sem við reynum ávallt að
svara sem fyrst,“ segir Katrín.
Segja má með nokkurri einföldun
að á meðan aðhaldið er mikilvægt
fyrir yngri nemendur í fjarnámi sé
sveigjanleikinn nauðsynlegur fyrir þá
eldri. Er þar sérstaklega um að ræða
nemendur í iðnmeistaranáminu sem
oft eru í mjög krefjandi störfum með-
fram náminu.
„Við erum til dæmis með sjómenn
sem eru úti vikum saman, oft net-
sambandslausir, koma síðan í land
og vinna upp nokkrar vikur í náminu.
Nú eða iðnaðarmenn sem geta verið
í löngum törnum, jafnvel erlendis.
Ég reyni að koma til móts við þessa
nemendur því þeir þurfa sveigjan-
leika til að geta stundað nám sitt.
Þó að þessir nemendur geti dreg-
ist tímabundið aftur úr þá standa
þeir sig yfirleitt vel. Þetta er oftast
fullorðið fólk með ákveðin tímasett
markmið sem það ætlar sér að ná.“
Nánari upplýsingar um fjarnám við
VMA er að finna á vef skólans:
vma.is/is/fjarnam/fjarkennslan-framvinda
Sveigjanleiki og gott
samband við nemendur
FjArNáM Í VMA: