Ófeigur - 15.07.1947, Blaðsíða 39

ÓFEIGUR
39
lausan valdastreitumann að skipta um skiprúm. En
kommúnistar ætluðu sér aldrei að veita Hermanni neina
vegsemd. Þvert á móti var það frá upphafi ætlun þeirra
að draga hann á tálar og skilja hann að lokum eftir,
eins og annan gamlan mótgangsmann. Héðin Valdi-
marsson, einan á beru svæði. Ekki gekk kommúnistum
þó mest til löngun að hefna á Hermanni kinnhests þess,
er hann hafði lostið Brynjólf, heldur að sundra Fram-
sókn, því að þann flokk vissu þeir óþarfastan undirróðri
þeirra. Drógu bolsevikar ekki dul á, að meðan stofnend-
ur Framsóknarflokksins og Tímans væru nokkurs ráð-
andi, mundi kommúnisminn eiga erfitt uppdráttar á Is-
landi, því að þá myndi heilbrigð framför torvelda bylt-
ingarstarfið. Kommúnistar buðu Hermanni og Eysteini
virðuleg sæti í vinstri stjórn, ef þeir hreinsuðu til heima
fyrir, eftir samkomulagi. Eysteinn sagði beinlínis á fundi
í útgáfustjórn Tímans, að greinar mínar um kommún-
isma torvelduðu samkomulag Framsóknar og kommún-
ista um sameiginlega ríkisstjórn. Eftir að kommúnistar
höfðu náð valdi yfir Hermanni, hefur hann aldrei haft
fast land undir fótum. Hann kastaði flokknum út í kjör-
dæmabreytingu, undir erfiðum kringumstæðum, beitti
ljótum glímubrögðum í baráttunni, svifti flokkinn þing-
fylgi og áliti, og sveik berlega margyfirlýsta stefnu
flokksins. Ekki þurfti lengi að bíða afleiðinganna af
þessum glappaskotum. Kommúnistar urðu valdamesti
flokkur þingsins 1942, settust þar í sæti Framsóknar.
Og þegar kom að því að skipta stríðsgróðanum, þá réði
Framsókn engu en kommúnistar mörkuðu stefnuna.
Það hafa ekki verið reistar verksmiðjur fyrir bænda-
stéttina. Áburðar og sementsverksmiðjurnar sofa.
,,Samvinnubyggðirnar“ líka. Steingrímur búnaðarmála-
stjóri hefur árum saman ekki látið stinga spaða í jörð
í Síberíu eða í ríkislöndin í Ölfusi, sem þó eru keypt
vegna nýbýla.
Vorið 1942 voru tímamót. Þá tókst kommúnistúm
að ná taki á tveim Framsóknarmönnum og fá þá til að
rjúfa grið hinnar borgaralegU samvinnu. Síðan þá, og þar
til á útmánuðum í vetur, hafa þessir föðurlandslausu
menn, kommúnistar, haldið á sér uppboð og svikið
alla, sem hafa trúað þeim. Þjóðin öll er í sárum eftir
uppboðsstarfsemina. Stríðsgróðinn er farinn. Fátæktin
komin heim. Flokkarnir eins og svipir, sem vafra yfir