Þjóðarbúskapurinn - 01.04.1995, Side 33

4. Horfur 1995
Flest bendir til að sá efnahagsbati sem varð í fyrra muni sfyrkjast á þessu ári og að
hagvöxtur verði svipaður í ár og í fyrra. Aukin þjóðarútgjöld bera uppi hagvöxtinn í ár
gagnstætt því sem var í fyrra þegar hann stafaði af mikilli aukningu útflutnings. Þessi
aukning þjóðarútgjalda ætti meðal annars að stuðla að því að atvinnuleysi minnki frá
því sem það var á síðasta ári. Spáin sýnir ámóta afgang á viðskiptajöfnuði og í fyrra en
verðbólga mun aukast lítillega, einkum vegna launabreytinga og aukinnar eftirspumar
innanlands. Verðbólgan er þó talin verða um eða innan við það sem algengast er í
helstu viðskiptalöndum.
Þessi spá byggir meðal annars á því að almenn launaþróun verði í aðalatriðum í
samræmi við kjarasamninga landssambanda innan ASI og vinnuveitenda sem
undirritaðir voru í febrúar síðastliðnum. Um launaþróunina þarf hins vegar að hafa
fyrirvara, bæði vegna þess að ýmsum kjarasamningum er ólokið og eins virðist vera
töluverður þrýstingur á launahækkanir um þessar mundir. Vandi hagstjómar snýst því
um að meta þessar aðstæður rétt og halda hvorki um of aftur af efnahagslífínu né slaka
svo á taumhaldinu að þensla myndist. í ljósi reynslunnar er sérstaklega mikilvægt að
nægilega fljótt verði brugðist við ef þenslumerki birtast.
Hlutfallsleg breyting þjóðarútgjalda og landsframleiðslu
frá fyrra ári og viðskiptajöfnuður sem hlutfall af
landsffamleiðslu, 1981-1995
31