Þjóðarbúskapurinn - 01.04.1995, Page 40

hafa aukist umtalsvert frá því á miðju ári í fyrra og lausafjárstaða þeirra hefur rýrnað
umtalsvert.
Vinnumarkaður
Samfara auknum umsvifum í þjóðarbúskapnum má ætla að atvinnuleysi fari minnkandi.
Gert er ráð fyrir því að störfum fjölgi áfram á þessu ári, þó heldur minna en á árinu
1994. Störfum vegna átaksverkefna fjölgaði mikið á síðustu tveimur árum og voru þau í
heild um 950 í íyrra, mælt í ársverkum. Ekki er gert ráð fyrir að þeim fjölgi mikið á
þessu ári, verði í heild um 1.000. Að auki er gert ráð fyrir 1.250 milljóna króna framlagi
ríkissjóðs til atvinnuskapandi verkefna á árinu, einkum til vegamála. Þetta er heldur
minna framlag til atvinnuskapandi aðgerða en á árinu 1994.
Atvinnuleysi var heldur minna tvo fyrstu mánuði ársins en á sama tímabili í fyrra.
Atvinnuleysi í mars var hins vegar nokkru meira núna en í mars í fyrra og stafar það
meðal annars af verkfalli kennara þar sem nokkur fjöldi starfsfólks skólanna, aðrir en
kennarar, skráði sig atvinnulaust á meðan á verkfallinu stóð. I kjölfar verkfallsins hafa
skólanemar einnig komið inn á atvinnuleysisskrá í einhverjum mæli. I heildina er gert
ráð fyrir að atvinnuleysi verði minna að meðaltali í ár en það var í fyrra eða um 4,3% af
áætluðum mannafla. Það samsvarar því að um 6.000 manns verði án vinnu að meðaltali.
Aætlað er að vinnuframboð aukist um 1,1% og atvinnuþátttaka verði nánast óbreytt frá
árinu 1994, eða um 77%.
Vinnuafl og atvinnuleysi
1980-1995
5,0
4.5
4,0
3.5 S
3,0 I
ca
2.5 S,
2,° g
1.5 S
1,0
0,5
0,0
Störfum hefur fjölgað jafnt og þétt frá 1992 eftir verulega fækkun frá 1987. Megin
skýringin á þessum umskiptum er almennur efnahagsbati í þjóðarbúskapnum. Að auki
hafa átaksverkefni Atvinnuleysistryggingasjóðs og sveitarfélaganna stuðlað að fjölgun
starfa og jafnframt fækkað atvinnulausum, þar sem þessi verkefni beinast einkum að
atvinnulausu fólki. í þriðja lagi hafa aðgerðir ríkisstjómarinnar til atvinnuskapandi
aðgerða fjölgað störfum einkum í byggingastarfsemi.
38