Þjóðarbúskapurinn - 01.04.1995, Page 56

Þann 21. febrúar voru samþykktir kjarasamningar á hinum almenna vinnumarkaði, milli
aðildarfélaga Alþýðusambands íslands og Vinnuveitendasambandsins. Megin atriði
samningsins voru eftirfarandi:
• Samkvæmt samningunum hækka öll laun um 2.700 krónur á mánuði frá undirskrift
samnings. Til viðbótar hækka lægri launataxtar sérstaklega um 100 krónur fyrir
hverjar 4.000 krónur sem taxtinn er lægri en 84.000 krónur.
• Samið var um sérstakar launabætur sem greiðast 1. maí og 1. desember 1995 og
1996. Launabætur reiknast þannig, að fundið er meðaltal heildartekna á
tímabilunum 1. febrúar - 30. apríl og 1. september - 30. nóvember. Sú upphæð sem
þannig er fundin er dregin frá 80.000 krónum miðað við fullt starf allan
viðmiðunartímann. Viðmiðunarupphæðin lækkar í hlutfalli við starfshlutfall og
starfstíma á tímabilinu. Upphæð launabóta er helmingur þannig fenginnar
niðurstöðu. Orlof er innifalið í launabótum.
• Frá l.janúar 1996 hækka öll laun um 2.700 krónur á mánuði.
• Desemberuppbót verður 15.000 krónur á árinu 1996 og þaðan í frá.
Samningurinn gildirtil 31. desember 1996.
Forsenda kjarasamninganna var yfirlýsing ríkisstjómarinnar um aðgerðir í kjölfar
þeirra. Aðgerðir ríkisstjómarinnar voru efitirfarandi:
• Verðtrygging ljárskuldbindinga miðast framvegis við framfærsluvísitölu. Jafnframt
verður unnið að því að draga úr verðtryggingu í áfongum.
• Frá 1. apríl 1995 verður heimilt að draga 2% af framlagi launþega í lífeyrissjóð frá
skatttekjum. Frá 1. júlí 1996 hækkar hlutfallið í 3% og 1. júlí 1997 verður framlagið
að fullu frádráttarbært.
• Eingreiðslur í almanna- og atvinnuleysistryggingakerfinu verða greiddar í samræmi
við ákvæði um eingreiðslur í kjarasamningum.
• Ríkisstjórnin beiti sér fyrir afgreiðslu frumvarps þar sem hlunnindagreiðslur
vinnuveitenda til launþega vegna ferða til og frá vinnu teljist ekki til skattskyldra
tekna.
• Heimilaður verður frádráttur vegna ferða sem famar eru á vegum atvinnurekenda
án tillits til Qölda ferða á ári þó þannig að hámark í hverri ferð sé 30 dagar.
• Niðurgreiðsla á húshitunarkostnaði verði aukin.
• Endurskoðuð verði reglugerð um endurgreiðslur á kostnaði vegna ferða- og
dvalarkostnaðar vegna sérfræðiheimsóknar og innlagna á sjúkrahús.
• Skipuð verði nefnd sem geri tillögur um aðgerðir til að lækka framfærslukostnað
heimilanna, sérstaklega til að lækka vöruverð á landsbyggðinni.
• Ríkisstjómin mun beita sér fýrir því að frumvarp um framhaldsskóla verði afgreitt á
Alþingi en með því frumvarpi eru skapaðar forsendur til margvíslegra breytinga á
verk- og starfsmenntun.
• Skilgreint verður til hvaða aðgerða eigi að grípa í skuldbreytingum hjá þeim sem
eru í greiðsluerfiðleikum í húsnæðislánakerfmu. Afskriftir í félagslega kerfinu verði
lækkaðar úr 1,5% í 1%. Þrengd verði skilyrði fyrir vaxtahækkun í félagslega
kerfinu. Stefnt verður að fjölgun greiðsludaga vegna vaxtabóta og að greiðslur
þeirra gangi til greiðslu afborgana af lánum hjá Húsnæðisstofnun. Því verður beint
54