Skessuhorn - 17.06.2015, Blaðsíða 2

MIÐVIKUDAGUR 17. JÚNÍ 20152
Þorskkvótinn
verði 239.000
tonn
LANDIÐ: Hafrannsókna-
stofnun hefur lagt til að leyft
verði að veiða 239.000 tonn
af þorski á næsta fiskveiðiári.
Það er 23.000 tonna aukn-
ing á þorskkvótanum milli
ára. Aukningin nemur 10,6%.
Einnig er lagt til að ýsukvót-
inn verði aukinn úr 30.400
tonnum á þessu fiskveiðiári í
36.400 tonn á því næsta. Þar
er aukningin 19,7%. Haf-
rannsóknastofnun telur ástand
flestra nytjafiskastofna frekar
gott. Þorskstofninn er sagður
á uppleið og vaxandi árgangar
eru taldir lofa góðu. Stofnunin
kynnir skýrslu sína um veiði-
ráðgjöf næsta fisveiðiárs í dag
og hana má skoða á vef henn-
ar hafro.is. Hafrannsókna-
stofnun ráðleggur að kvóti ís-
lensku sumargotssíldarinnar
verið minnkaður um 14,4%
á næsta ári. Hann fari þann-
ig úr 83.000 tonnum í 71.000
tonn. Hrygningarstofn síldar-
innar er metinn um 342.000
tonn en var metinn vera um
430.000 tonn í fyrra. Stofninn
er sagður hafa minnkað vegna
þess að 2011 árgangur síldar-
innar er mjög lélegur. Íslenska
sumargotssíldin er sú síld sem
hafði vetrarsetu í Kolgrafa-
firði sem frægt varð með mikl-
um síldardauða. Fram kom í
gær að stjórnvöld munu fylgja
ráðleggingum Hafrannsókna-
stofnunar um heildarafla úr
fiskistofnum á næsta fiskveiði-
ári. -mþh
Ýmislegt gekk á
í umferðinni
VESTURLAND: Alls urðu
níu umferðaróhöpp í umdæmi
Lögreglunnar á Vesturlandi
í vikunni sem leið. Þar af eitt
skammt frá Hellnum á Snæ-
fellsnesi. Ökumaður þeirrar
bifreiðar var fluttur með þyrlu
á sjúkrahús en meiðsli hans
reyndust sem betur fer minni
en búst var við í fyrstu. Þá voru
fjórir ökumenn teknir fyrir
akstur undir áhrifum fíkniefna
og þrír undir áhrifum áfeng-
is. Þar af einn ökumaðurinn
sem var grunaður um að vera
bæði undir áhrifum áfengis og
fíkniefna. Annar ökumaður
reyndist vera með lítilræði af
fíkniefnum í sínum fórum sem
talið var amfetamín og ætlað
til eigin nota.
–mm
Á kvenréttindadaginn, föstudaginn 19. júní
næstkomandi, eru aðeins hundrað ár liðin
frá því að íslenskar konur hlutu fyrst kosn-
ingarétt og kjörgengi til Alþingis. Notum
tækifærið meðan við höldum upp á daginn
til að minnast þess að jafnrétti og mannrétt-
indi eru ekki sjálfgefin.
Það verður vestlæg átt 3-8 m/s á landinu
öllu á fimmtudag og föstudag en 8-13 m/s
sunnan til. Skúrir eða rigning á fimmtu-
dag en þurrt að kalla á föstudag. Hiti 7-18
stig. Hlýjast sunnanlands á fimmtudag en
Norðanlands á föstudag. Á laugardag snýr í
hæga austlæga eða breytilega átt með dá-
lítilli vætu með köflum en þurrt að mestu
leyti norðan til. Hiti 10-15 stig víðast hvar á
landinu. Á sunnudag og mánudag má bú-
ast við mildu veðri. Hægri norðaustan- eða
breytilegri átt. Skýjað verður en úrkomulítið.
Í síðustu viku var spurt á vef Skessuhorns:
„Hvernig veðri spáir þú á vestanverðu land-
inu í sumar?“ Flestir, eða þriðjungur svar-
enda, voru heldur svartsýnir og svöruðu:
„Það verður blautt og kalt.“ 23,15% spáðu
sól og blíðu og jafn margir spáðu miðl-
ungsgóðu sumri. „Það verður kalt en þurrt,“
sögðu 9,72% en 10,65% þorðu engu að spá
um veður komandi sumars.
Í þessari viku er spurt:
„Hver er mesti sparifatadagurinn í
þínum huga?“
Fjölmargar konur og karlar láta sig málefni
samfélagsins varða og berjast fyrir auknu
jafnrétti. Þau eru Vestlendingar vikunnar.
Til minnis
Veðurhorfur
Spurning
vikunnar
Vestlendingur
vikunnar
Klettagörðum 5, 104 Reykjavík | stolpi@stolpiehf.is
Gámaleiga
Er gámur lausnin fyrir þig?
Búslóðageymsla � Ártíðabundinn lager � Lager � Sumar-/vetrarvörur
Frystgeymsla � Kæligeymsla � Leiga til skemmri eða lengri tíma
Við getum líka geymt gáminn fyrir þig
568 0100
stolpiehf.is
HAFÐU
SAMBAND
Veiðimönnum var gert mögulegt að
komast á afmarkaðan hluta Arnar-
vatnsheiðar þegar veiði hófst sam-
kvæmt venju mánudaginn 15. júní.
Ástand vegaslóða á heiðinni er
hins vegar enn slæmt vegna snjóa-
laga og kulda í vor. Allir vegaslóð-
ar eru ófærir utan leiðarinnar í Úlfs-
vatn þar sem búið er að fara um með
dráttarvél, hreinsa af snjó og ræsa
fram vatni. Öll umferð fyrir norð-
an Helluvað er ómöguleg, mikill
aur í öllum vegaslóðum og eins og
kunnugir þekkja þá liggur sá vegur
að hluta um moldarbala sem enn eru
með öllu ófærir.
Veiðifélag Arnarvatnsheiðar var-
ar við því að aka utan vegaslóðanna.
„Við munum svo láta fréttir af fram-
vindunni á vef félagsins um leið og
eitthvað breytist til batnaðar (www.
arnarvatnsheidi.is). Það góða er að
ísinn er farinn af Úlfsvatni þannig
að menn þurfa ekki að hafa með sér
ísborinn þetta sumarið!“
mm
Umferð takmörkunum háð á
Arnarvatsheiði til að byrja með
Þessi mynd var tekin úr flugvél
yfir heiðinni 4. júní síðastliðinn.
Óvenjumikill snjór var þá enn og ís á
Úlfsvatni. Ísinn hefur þó tekið upp af
vatninu og var umferð leyfð þangað á
mánudaginn að uppfylltum ströngum
skilyrðum að menn færu ekki í neinar
akstursæfingar utan vegarslóðans.
Stefán Gísli Örlygsson hefur að baki
25 ára feril sem refaskytta hjá Hval-
fjarðarsveit. „Ég byrjaði á þessu 17
ára gamall. Ég er með þann hluta
Hvalfjarðarsveitar sem áður var
Leirár- og Melasveit.“ Undanfar-
ið hefur Stefán verið við refaveiðar
á þessu svæði. Síðastliðinn laugar-
dag náði hann læðu með yrðlingum
í Leirárdal í Skarðsheiði. Nokkrum
dögum fyrr veiddi hann refinn (karl-
dýrið) sem var á heimleið að gren-
inu í Leirárdal með þrjá gæsarunga
í kjaftinum. Nú í byrjun vikunnar
vann Stefán að því að uppræta gren-
ið.
„Þetta hafa verið svona tvö til fjög-
ur greni á ári að jafnaði á þessu svæði,
til viðbótar við að maður hefur fellt
ýmis hlaupadýr. Fjöldi refa á svæð-
inu hefur verið svipaður síðustu árin.
Það er þó nokkuð af ref í Hvalfjarð-
arsveit og fleiri tugir dýra sem eru
felld þar á hverju ári. Það er vinna
að halda þessum dýrum í skefjum
en Hvalfjarðarsveit hefur staðið sig
vel í því að sinna þessu,“ segir Stef-
án. Að hans sögn virðast refir koma
víða að inn á svæðið. „Refir eru frið-
aðir í þjóðgörðunum á Þingvöllum
og á Snæfellsnesi auk þess sem það
er griðland nyrst á Vestfjörðum þar
sem veiðar á þeim eru bannaðar. Það
flækjast dýr af þessum svæðum vítt
og breitt inn á Vesturlandið.“
Stefán segir að hann hafi nú á
dögunum unnið annað greni. Það
var í kjarrskóginum ofan við Fiski-
læk. „Þar náði ég tveimur fullorðn-
um dýrum og sjö yrðlingum. Á þess-
um grenjum sem ég hef komið að í
vor og sumar hefur aðdráttur dýr-
anna nánast eingöngu verið egg æð-
arfugls, gæsa og álfta. Það er ekki að
sjá að mikið sé af mófuglaeggjum.
Kannski er ekki mikið varp hjá þeim
eða þeir ekki komnir af stað. Það er
eins og allt í náttúrunni sé einhvern
veginn seinna á ferðinni í ár. Yrð-
lingarnir eru til dæmis mun minni
miðað við árstíma samanborið við
í fyrra. Það má segja að þeir séu nú
tveimur til þremur vikum yngri, ef
svo mætti segja, nú en um miðjan
júní á síðasta ári.“ mþh
Skaut ref með þrjá gæsarunga í skoltinum
Refurinn sem Stefán felldi fyrr í þessum
mánuði í Leirárdal og gæsarungarnir
sem hann hafði í kjaftinum og var að
bera heim að greni sínu.
Sjávarsafnið og Sjávarkistan í Snæ-
fellsbæ hafa auglýst til umsóknar
rekstur verslunar og veitingastaðar
með sjávarfang í Ólafsvík. Í Sjávar-
safninu hefur verið rekin verslun með
sjávarfang um árabil og yfir sumar-
tímann hefur verið hægt að skoða lif-
andi íslenska fiska í búrum. Nú stend-
ur til að gera breytingar og opna einn-
ig veitingastað, þar sem fiskur er í að-
alhlutverki. Ingi Hans Jónsson, sagna-
maður í Grundarfirði, var fenginn til
að gera drög að hinu nýja Sjávarsafni.
„Það liggur fyrir hönnun og ákvörðun
um að búa þarna til alveg einstakt fyr-
irbæri, samblöndu af sjómannastofu,
veitingahúsi og safni. Hugmyndin er
sú að vera með sjávarréttaveitingahús
sem selur bæði tilbúna rétti til að taka
með heim og að hægt verði að fá veit-
ingar á staðnum. Síðan er þetta frá-
bæra fiskasafn sem hefur verið rekið
þarna í nokkur ár. Nú er búið að fara
með þetta í gegnum skemmtilegt ferli
og þetta er samblanda af mjög mörg-
um skemmtilegum hugmyndum sem
eiga að geta virkað mjög vel í sjávar-
þorpi,“ segir Ingi Hans. Hann segir
að í raun sé fullkomin vöntun á slíkri
þjónustu á Snæfellsnesi. „Það vantar
bæði aukna afþreyingu fyrir ferðafólk
og aukna þjónustu. Ferðamannageir-
inn er að stækka svo hratt, við erum
að sjá ofsalega aukningu hér á Snæ-
fellsnesi. Þrátt fyrir að Íslendingar séu
með eitthvað um 200 söfn og setur
víðsvegar um landið, þá er hvergi neitt
sambærilegt til staðar,“ segir hann.
Vilja fá hafnar-
menningu í bæinn
Ingi Hans segir að upprunalega hafi
verið hugmyndin að horfa til heima-
aðila sem myndu vilja búa sér til tæki-
færi úr hugmyndinni en lítið hafi
komið út úr því. Nú þurfi því að víkka
sjóndeildarhringinn og leita út fyr-
ir næsta nágrenni eftir áhugasömum
aðilum. „Það er nauðsynlegt að fá að
þessu borði öfluga og áhugsama aðila
sem eru tilbúnir að taka í keflið með
okkur. Við ætlum að leggja dálítið á
okkur og opna samfélagið í Ólafsvík
fyrir hafnarmenningunni, líkt og gert
hefur verið í Reykjavík,“ segir Ingi
Hans. Hann segir að húsnæðið sé á
besta stað og að töluverð undirbún-
ingsvinna sé að baki. „Það er hins veg-
ar ekkert skynsamlegt að fara að fjár-
magna uppbyggingu öðruvísi en að fá
aðila sem hefði áhuga á rekstrinum til
að koma að borðinu með okkur sem
fyrst, að koma með okkur í að draga
þennan vagn. Við erum með vagninn
en okkur vantar hrossið. Nú þarf að
spýta í lófana og verða svolítill Óls-
ari. Þeir eru vanir að taka hlutina með
trompi og áhlaupi,“ segir Ingi Hans
að endingu. Umsjón verkefnisins er
í höndum Átthagastofu Snæfellsbæj-
ar og geta áhugasamir leitað þangað
eftir nánari upplýsingum.
grþ
Leitað að nýjum rekstraraðilum Sjávarsafnsins
Svona lítur líkanið út sem sýnir hugmyndir Inga Hans um innviði og rekstur
Sjávarsafnsins. Ljósm. mþh.