Skessuhorn - 17.06.2015, Qupperneq 29

MIÐVIKUDAGUR 17. JÚNÍ 2015 29
Sendum íslenskum konum baráttukveðjur í tilefni aldarafmælis kosningaréttar
Dagbjört Agnarsdóttir flutti
til Snæfellsbæjar í fyrrahaust.
Þó hún hefði búið mjög víða á
landinu þá var byggðin undir
Jökli henni framandi. „ Ég bara
sótti um starf verkefnastjóra
við Átthagastofu Snæfells-
bæjar og sló svo til þegar mér
var boðin staðan. Ég bjó þá í
Reykjavík en er ekki borgar-
barn að upplagi og mig lang-
aði að flytja út á land. Að flytja
hingað er ein af mínum bestu
ákvörðunum í lífinu. Hér hafði
ég aldrei búið áður og svæðið
var alveg nýtt fyrir mér. Ég er
mikið náttúrubarn og finnst
gaman að fara í gönguferðir.
Hér eru endalausir útivistar-
möguleikar,“ segir hún.
Með rætur á
landsbyggðinni
Aðspurð segir Dagbjört að hún
hafi verið mjög fljót að aðlagast
samfélaginu í Snæfellsbæ. „Já, það
má segja að allt hafi smellpass-
að. Eftir þennan dásamlega vet-
ur sem við höfum haft þá líst mér
mjög vel á allt hérna,“ segir Dag-
björt og hlær. „Starfið er mjög
skemmtilegt og fjölbreytt. Ég fer
mikið um, hef mjög gaman af því
að njóta náttúrunnar hér. Það er
svo margt að skoða hérna í Snæ-
fellsbæ og á Snæfellsnesi. Sem ný-
búa hefur mér verið tekið mjög vel
hér. Þetta er gott samfélag og ég
fékk hér mjög gott húsnæði. Í dag
bý ég á fínum stað í bænum með
fallegt útsýni yfir höfnina og út á
Breiðafjörðinn.“
Dagbjört er Vestfirðingur að
uppruna. „Ég er ættuð frá Bíldudal
og ólst þar upp að einhverju leyti.
En ég hef búið mjög víða á land-
inu. Foreldrar mínir fluttu mikið
þegar ég var að alast upp. Síðan hef
ég gert það sama, bæði í tengslum
við vinnu og nám. Sem búsetustaði
get ég nefnt Skagaströnd, Akur-
eyri, Kirkjubæjarklaustur, Djúpa-
vog, Reykjavík og Hóla í Hjalta-
dal í Skagafirði. Ég bjó á Hólum í
ein þrjú ár. Þar lagði ég stund á há-
skólanám í ferðamálafræðum,“ út-
skýrir hún.
Sinnir ferða- og
menningarmálum
Eftir að náminu lauk á Hólum
ákvað Dagbjört að flytja þvert yfir
landið og setjast að á Kirkjubæj-
arklaustri þar sem hún fékk starf.
„Ég var verkefnisstjóri Friðar og
frumkrafta. Þetta var og er verk-
efni sem snýr að því að efla byggð í
Skaftárhreppi til dæmis með því að
fjölga atvinnutækifærum og verja
það sem fyrir var í sveitarfélaginu.
Einnig starfaði ég þar sem mark-
aðsstjóri á Hótel Laka. Ég varð að
flytja þaðan vegna húsnæðisskorts
á svæðinu og fór þá til Reykjavík-
ur. Þaðan flutti ég svo hingað til
Ólafsvíkur í lok september á síð-
asta ári og hóf störf hér við Átt-
hagastofu Snæfellsbæjar.“
Á Átthagastofunni hefur Dag-
björt stöðu sem verkefnastjóri. Auk
þess er hún markaðs- og kynning-
arfulltrúi fyrir Snæfellsbæ. Nám-
ið frá Hólum og starfsreynsla eftir
það nýtist henni því vel. „Hér við
Átthagastofuna störfum við tvær
konur, það er ég og Rebekka Unn-
arsdóttir. Við sinnum kynningar-
málum og menningarmálum hér
í bænum ásamt því að stýra þess-
ari samfélagsmiðstöð sem Átthag-
astofan er. Ég er mikið í samskipt-
um við ferðaþjónustuaðila í Snæ-
fellsbæ.“
Sterk upplifun á
Snæfellsnesi
Þennan sólríka júnídag er fjöldi
erlendra ferðamanna einmitt
staddur í Átthagastofunni. Það er
greinilegt að hún er einnig upp-
lýsingamiðstöð enda miðsvæðis í
Ólafsvík. Í ljósi þessa og menntun-
ar Dagbjartar er eðlilegt að spjall
okkar þróist í að ræða ferðaþjón-
ustuna á Snæfellsnesi sem er mjög
ört vaxandi atvinnugrein. Hvernig
metur Dagbjört stöðu greinarinn-
ar nú eftir að hafa kynnst henni í
vetur? „Helsti styrkurinn er auð-
vitað þessi mikla náttúrufegurð
og þjóðgarðurinn hér utanvert á
Snæfellsnesi. Það er mikil sérstaða
í framboði á ferðaþjónustu hérna
á svæðinu, bæði í afþreyingu og
gistingu. Það svo mikill karakter
í öllu. Hér eru margir sterkir og
litríkir persónuleikar sem starfa
við ferðaþjónustuna. Mér finnst
þetta skína í gegn og leiða til þess
að öll upplifun hér verður sterkari
en ella. Þetta ásamt fjölbreytninni
gefur öllu líflegan og skemmtileg-
an svip. Það er enginn að gera ná-
kvæmlega eins og hinn.“
Í mörg horn að líta
Dagbjört segir að ferðamenn hafi
sótt Snæfellsnes í allan vetur sem
leið. Aukningin var mikil frá fyrri
árum. „Það tók kannski smá tíma
að kveikja á því að það væri nóg að
gera í ferðamennskunni í skamm-
deginu. Það er miklu meira af
ferðafólki núna en menn hafa átt
að venjast. Samfara því þarf að
huga að mörgu. Veikleikinn núna
er kannski helst sá að það þarf
að kynna betur hvar er opið yfir
vetrartímann þannig að það nái
til ferðafólks. Hér er mjög margt
í boði allan ársins hring, miklir
möguleikar á útivist og alls kyns
afþreyingu. Ferðaþjónustan er að
breytast úr því að vera atvinnu-
vegur sem stendur yfir frá byrjun
júní til loka ágúst. Þetta er orð-
in heils árs atvinnugrein og það
kallar auðvitað á nýjar áskoran-
ir,“ segir Dagbjört og kvíðir ekki
verkefnaskorti framundan.
mþh
Dagbjört Agnarsdóttir verkefnastjóri Átthagastofu Snæfellsbæjar:
„Ein af mínum bestu ákvörðunum í lífinu að flytja hingað“
Dagbjört Agnarsdóttir fyrir framan gamla Pakkhúsið í Ólafsvík.
Dagbjört er mikið fyrir útvist og nýtur hennar mjög á Snæfellsnesi. Hér með Lón-
dranga í baksýn.
G.Hansen dekkjaþjónusta
Dalbraut 2, 355 Ólafsvík