Skessuhorn - 17.06.2015, Blaðsíða 34

MIÐVIKUDAGUR 17. JÚNÍ 201534
Við sitjum með Rögnu Ívars-
dóttur í borðsalnum á Hótel
Glym í Hvalfirði. Hér er hún að
hefja sitt sjöunda starfsár við
hótelið. Hvalfjörður er vakn-
aður til lífsins eftir umhleyp-
ingasaman vetur. Það örlar
á grænum lit á birkikjarrinu
í Saurbæjarhlíðinni þar sem
hótelið stendur með fögru
útsýni yfir og út fjörðinn.
Undanfarin ár hefur hún stýrt
Hótel Glym á umbrotatímum
í þjóðfélaginu þar sem ferða-
þjónustan hefur vaxið fram
úr björtustu vonum flestra.
Henni hefur tekist að færa
reksturinn á réttan kjöl eftir
að hafa komið að hótelinu
sumarið 2009 án þess að hafa
nokkurn bakgrunn úr ferða-
þjónustunni. „Ég hafði aldrei
starfað við áður við þá grein,“
segir hún. Í dag lifir hún og
hrærist í Hvalfjarðarsveit,
stýrir hóteli af röggsemi og
hefur sínar skoðanir.
Hóf ung þátttöku
í stjórnmálum
Ragna hafði mikla reynslu af félags-
málum áður en hún hellti sér út í
atvinnulífið. Við fáum hana til að
lýsa því stuttlega. „Ég starfaði inn-
an stjórnmálanna og var mjög virk
í Framsóknarflokknum. Stjórn-
málaþátttaka mín hófst þegar ég
var ung kona, ófrísk og með barn á
brjósti í baráttunni með Ingibjörgu
Pálmadóttur frá Akranesi,“ rifjar
Ragna upp og brosir við. „ Ég tók
það skýrt fram í upphafi þegar ég
var beðin um að koma í pólítík að
ég ætlaði ekki að vera Barbie-dúkka
upp á punt. Þarna var ég komin til
að hafa áhrif. Ég var formaður kjör-
dæmasambands Framsóknarflokks-
ins í mörg ár og leiddi starfið fyr-
ir Framsóknarflokkinn þegar kjör-
dæmin á Vesturlandi, Vestfjörðum
og Norðurlandi vestra voru sam-
einuð í Norðvesturkjördæmi. Ég
var varaformaður kjördæmisráðs
flokksins í hinu nýja kjördæmi og
sat í landsstjórn. Ég gegndi ýmsum
trúnaðarstöðum, ekki síst á Vestur-
landi þar sem ég bjó. Meðal annars
var ég stjórnarformaður Náttúru-
stofu Vesturlands í Stykkishólmi
og vann mikið við að koma henni
af stað á sínum tíma. Ég var alla
tíð mjög virk í sjálfu flokksstarf-
inu, gerði flest nema vera kjörinn
fulltrúi, sat hvorki í sveitarstjórn né
á þingi. Mig langaði ekki til þess og
sóttist ekki eftir þvi. Mér þótti hins
vegar mjög gott að vinna með fólki
og koma mínum hugsjónum áleiðis
með þeim hætti.“
Í ferðaþjónustu
fyrir tilviljun
Undir lokin á sínum pólitíska
starfsferli var Ragna orðin skrif-
stofustjóri hjá Framsóknarflokkn-
um. Þannig sá hún um öll dagleg
mál í rekstri flokksins sem þá var í
ríkisstjórn undir formennsku Hall-
dórs Ásgrímssonar. „Öll þessi ár
bjó ég í Staðarsveit á Snæfellsnesi
og átti þar jörð ásamt þáverandi
manni mínum. Ég var mikið í fjar-
vinnu sem tengdist stjórnmálun-
um og ók þá á milli Staðarsveitar-
innar og höfuðborgarinnar, jafnvel
daglega. Síðan seldum við jörðina
og ég flutti til Reykjavíkur. Svo lét
ég af starfi skrifstofustjóra flokksins
árið 2007. Þá tók ég við yfirmanns-
stöðu hjá Norvik samsteypunni sem
á meðal annars BYKO verslanirn-
ar. Síðan kom ég hingað að Glym
árið 2009 og hef starfað hérna síð-
an,“ segir Ragna. Hún bætir því að
hún hafi svo sagt sig úr Framsókn-
arflokknum í desember síðastlið-
inn. „Það var sár ákvörðun en ég er
óflokksbundin í dag.“
Ragna segir að hending hafi ráð-
ið því að hún kom að reksti Hót-
els Glyms. „Ég kom hér fyrst inn
til að aðstoða fyrri rekstraraðila.
Svo urðu tímamót þegar eigend-
ur hótelsins ákváðu að taka sjálf-
ir við rekstrinum um áramót-
in 2010/2011. Ég var spurð hvort
ég vildi verða hótelstjóri og þann-
ig taka við því að stjórna daglegum
rekstri fyrir þá. Ég féllst á það og
hef aldrei séð eftir því.“
Seld norðurljós
Ragna flutti upp í Hvalfjörð og inn
á sjálft hótelið og gaf sig alla í starf-
ið. „Ég leyni því ekki að ég tók við
erfiðu búi. Það var mikið átak að
koma hlutunum í rétt horf. Ég hafði
auðvitað ákveðinn meðbyr í því að
þarna fór erlendum ferðamönnum
á Íslandi mjög að fjölga. Við höfum
samt sem áður alltaf þurft að hafa
töluvert mikið fyrir hlutunum hér
á Glym, svo sem að sannfæra fólk
um að koma hingað af Suðurland-
inu eða úr Reykjavík. Við erum dýrt
hótel en öðruvísi og viljum hafa það
þannig. Ég tók þá ákvörðun í upp-
hafi að halda því góða sem var hér
og gera betur í því en losa okkur
við það neikvæða. Á þeim grunni
hef ég haldið áfram við að byggja
þetta upp. Hér er opið allt árið,
líka um jól og áramót. Það gengur
ágætlega þó það komi tímar þeg-
ar við vildum hafa meira að gera.
Erfiðast er í september og októ-
ber á haustin og svo í apríl og maí
á vorin. Þá er sumarið ekki byrjað
og norðurljósin eru búin.“
Blaðamaður hváir við þeg-
ar Ragna minnist á norðurljós-
in og vill fá að heyra meira um
þau. Ragna útskýrir: „Norðurljós-
in eru orðin mikil auðlind fyrir ís-
lenska ferðaþjónustu. Hér kem-
ur fólk og dvelur lengi og borg-
ar mikið fyrir að sjá þau. Við erum
með næturvaktir í að horfa til
himins á veturna. Óski gestir eft-
ir því þá hringjum við á herbergin
og vekjum þá ef það sést til norð-
urljósa. Svo erum við með heita
potta bæði hér við sjálft hótel-
ið og smáhýsi sem standa hér hjá
og við leigjum einnig út. Fólk get-
ur setið í þeim undir berum himni
og horft á norðurljósin. Það er oft
mikil stemning. Sumir gestir tárast
við þessa sýn. Það er magnað að sjá
hvað norðurljós hafa mikil áhrif á
fólk sem hefur aldrei séð þau áður.
Þetta er einstakt.“
Lítil mengun frá
Grundartanga
Þar sem við sitjum í borðsal hót-
elsins má horfa yfir að stóriðju-
svæðinu á Grundartanga sem er í
aðeins um níu kílómetra fjarlægð í
beinni loftlínu. Er ekki mikil ljós-
mengun frá slíku svæði sem ger-
ir norðurljósaskoðun á Glym ill-
mögulega? „Við erum að selja
norðurljósin alla daga hér yfir vet-
urinn. Grundartangi truflar ekki
neitt vegna þess að þar eru öll ljós
yfirbyggð. Fæst ljós hjá þeim lýsa
upp í himinhvolfið og passað mjög
vel upp á að svo sé. Fyrir okkur
hér á Hótel Glym í Hvalfirði þá
er meiri ljósmengun sem kemur
yfir Akrafjallið frá Akranesi, frið-
arsúlunni í Viðey og frá höfuð-
borgarsvæðinu, heldur en frá stór-
iðjunni á Grundartanga. Það sést
best hvað það er lítil ljósmengun
frá Grundartanga að ljósmynd-
arar hafa náð frábærum myndum
af norðurljósunum héðan,“ svar-
ar Ragna. Hún segir að starfsem-
in á Grundartanga trufli ekki gesti
sína á neinn hátt. „Ferðamennirn-
ir koma hingað á hótelið á kvöld-
in og sjá ljósin og spyrja þá gjarna
hvaða sjávarþorp þetta sé. Í dags-
ljósi gefa þeir Grundartanga vart
gaum. Fólk er bara forvitið um það
hvað sé þarna.“
Við stöldrum aðeins við Grund-
artanga í þessu viðtali. Ragna er
í miklu návígi við iðnaðarsvæð-
ið þar. Bæði er hún hótelstjóri á
Glym en hún hefur líka í nokkur
ár verið búsett í húsi sem stendur
rétt upp af firðinum aðeins um sjö
kílómetra austur af iðnaðarsvæð-
inu. „Í hægri suðvestan átt heyri
ég karlana tala saman á bryggjunni
á Grundartanga þegar ég sit úti á
palli. Þar sem ég bý er mikil frið-
sæld, kannski örlítil hljóðmeng-
un en mér þykir það bara vina-
legt að heyra mannamál af bryggj-
unni. Það er engin loftmengun. Ég
er búin að búa þarna í nokkur ár
og verð ekki vör við að fuglalíf dali
neitt. Það er bæði mikið og fjöl-
breytt. Það eru engin óhreinindi í
fjörunni eða neitt slíkt.“
Ragna Ívarsdóttir hótelstjóri í Hvalfirði:
„Ég ætlaði aldrei að verða Barbie-dúkka upp á punt“
Ragna Ívarsdóttir hótelstjóri tók í fyrra við verðlaunum World Travel Awards sem Hóteli Glym hlotnaðist í flokki lítilla
nýmóðins hótela í Evrópu. Þessi verðlaun kallast Óskarinn í ferðaþjónustu og eru mikill heiður.
Ragna segir að meint mengun frá stóriðjunni á Grundartanga sé hvorki ógn við
lífríki né ferðaþjónustu í Hvalfirði. Hér er hryssan sem kastaði tveimur folöldum
við Eiðisvatn í landi Miðfells, skammt frá stóriðjusvæðinu á Grundartanga, og
Ragna nefnir í viðtalinu. Ragna tók sjálf þessa mynd. Útsýnið er fallegt yfir Hvalfjörðinn frá Hóteli Glym.