Skessuhorn - 17.06.2015, Blaðsíða 13

MIÐVIKUDAGUR 17. JÚNÍ 2015 13
„Þessar aðgerðir eru nauðsynleg-
ar og ég er ánægður með hvern-
ig til tókst við að móta tillögurn-
ar. Auðvitað eru þetta á ákveðinn
hátt stórar aðgerðir en við munum
taka þetta af yfirvegun og gefa okk-
ur þann tíma sem til þarf. Enda er
það svo að við þurfum að hafa sam-
skipti við foreldrasamfélagið og
undirbúa ákveðnar breytingar. Ég
vona að okkur auðnist að gera þetta
sómasamlega,“ sagði Björn Bjarki
Þorsteinsson forseti sveitarstjórnar
Borgarbyggðar í samtali við Skessu-
horn að loknum fundi á fimmtu-
dag. Aðspurður sagði Björn Bjarki
að hann teldi að þrátt fyrir erfið-
ar ákvarðanir tryði hann því að nú
tækist að lenda málum þannig að að-
gerðir sveitarstjórnar muni lukkast.
Óvænt sala
skólahúsnæðis
Athygli vakti að selja á húsnæði
grunnskólans á Hvanneyri. Er það
ekki ákvörðun sem mun gera lok-
un skóla þar nánast óafturkræfa?
„Húsnæðið var ein af þeim eignum
sem voru nefndar í skýrslu starf-
hópsins um rekstur og skipulag
fræðslumála í Borgarbyggð. Við í
meirihlutanum ákváðum hins veg-
ar að stíga þetta skref að selja hús-
næðið en ætlum ræða við foreldra-
samfélagið varðandi fyrstu tvær
bekkjardeildirnar. Við erum ekki
að hætta starfsemi grunnskóla á
Hvanneyri. Við höldum því opnu,
sem og því að við höldum því opnu
að börnin sem eru eldri fari upp að
Kleppjárnsreykjum eða hingað nið-
ur í Borgarnes. Tillaga starfshóps-
ins var afdráttarlausari hvað þetta
varðar en við göngum ekki svo
langt. Salan á skólahúsinu er skil-
yrt. Það húsnæði verður ekki af-
hent kaupendum fyrr en 2016. Við
erum náttúrulega með stóran leik-
skóla sem er vannýttur. Það hefur
verið horft til þess húsnæðis fyrir
grunnskólastarf yngstu barnanna.
Varðandi þau eldri þá eru fjarlægð-
ir milli skólastofnana í okkar sveit-
arfélagi ekki svo miklar. Það er stutt
bæði upp að Kleppjárnsreykjum og
í Borgarnes,“ sagði Björn Bjarki.
Forseti sveitarstjórnar Borgar-
byggðar sagðist vona að sú sala fast-
eigna sem nú er lagt upp með gangi
vel. „Það hefur verið spurst fyrir
um fleiri en eina og fleiri en tvær
eignir. Við sjáum að uppgangur er í
samfélaginu. Ég hef trú á að það sé
eftirspurn eftir þessum eignum sem
við erum að setja í söluferli. Það
er hreyfing á fasteignamarkaði og
mikil uppbygging í ferðaþjónustu
hér á þessu svæði. Vesturland hef-
ur átt töluvert inni í þeim efnum.
Við sjáum það bara á ferðamanna-
straumnum sem hefur verið nú í
vetur. Við erum komin á kortið,“
sagði Björn Bjarki Þorsteinsson.
Lagði fram bókun
Þegar meirihluti sveitarstjórn-
ar hafði samþykkt hinar viðamiklu
breytingar lagði Björn Bjarki fram
eftirfarandi bókun: „Sveitarstjórn
Borgarbyggðar hefur nú staðfest
aðgerðaráætlun varðandi rekstur
og rekstrarforsendur til næstu ára.
Aðgerðaráætlunin er unnin í sam-
starfi við ráðgjafavið KPMG og hef-
ur fengið heitið „Brúin til framtíð-
ar.“ Í áætluninni eru sett fram metn-
aðarfull markmið sem unnið verður
hörðum höndum við að ná. Haustið
2014 hófust aðgerðir varðandi hag-
ræðingu í rekstri Borgarbyggðar og
um síðustu áramót urðu allnokkrar
hækkanir á álögðum gjöldum. Til
að koma í veg fyrir frekari skatta- og
gjaldskrárhækkanir og ekki síður til
að ná fram ásættanlegri framlegð frá
rekstri er farið í þessar viðamiklu að-
gerðir nú. Eitt að höfuðmarkmið-
um vinnunnar sem nú er hafin er að
nýta aukna framlegð frá rekstri til
þess að styðja enn frekar við það fag-
lega starf sem unnið er í stofnunum
Borgarbyggðar. Það er vilji sveit-
arstjórnar að betur verði stutt við
það góða starfsfólk sem starfsskyld-
um sinnir fyrir sveitarfélagið í skól-
um og stofnunum. Fasteignum, göt-
um, gangstéttum og öðrum mann-
virkjum þarf að halda betur við en
gert hefur verið undanfarin ár. Það
er trú okkar að með aðgerðarplan-
inu „Brúin til framtíðar“ muni okk-
ur auðnast að geta aukið fjármagn til
viðhalds sem og fjárfestinga til fram-
tíðar án þess að skuldir og skulda-
hlutfall aukist. Það er á margan hátt
bjart yfir í Borgarbyggð, fjöldi at-
vinnutækifæra er í boði og allnokkr-
ar fjárfestingar í farvatninu. „Brúin
til framtíðar“ er innlegg í þá kröft-
ugu vinnu sem í gangi er. Við vilj-
um efla innviðina og gera þá starfs-
semi sem sveitarfélagið stendur fyr-
ir enn betra með því góða fólki sem
hjá Borgarbyggð starfar.“
mþh
Björn Bjarki Þorsteinsson forseti sveitarstórnar Borgarbyggðar:
„Nauðsynlegar aðgerðir“
Björn Bjarki Þorsteinsson hefur fulla trú á því að þær aðgerðir sem nú á að fara í verði Borgarbyggð til heilla í framtíðinni.
Sjá viðbrögð íbúa
í Borgarbyggð á
næstu opnu.
SK
ES
SU
H
O
R
N
2
01
5
Fjölbreyttur matur
við allra hæfi
með eftirréttum
GAMLA KAUPFÉLAGIÐ / KIRKJUBRAUT 11 / AKRANES / SÍMI: 431-4343 / WWW.GAMLAKAUPFELAGID.IS
Hamborgarar, samlokur, pizzur,
salöt, tandoori ofl.