Skessuhorn - 17.06.2015, Blaðsíða 44

MIÐVIKUDAGUR 17. JÚNÍ 201544
Vörur og þjónusta
R E S T A U R A N T
Upplýsingar í síma: 430 6767
R E S T A U R A N T
Upplýsingar í síma: 430 6767
Hilmir B ehf
Alhliða pípulagningaþjónusta
hilmirb@simnet.is
facebook.com/hilmirbehf
Hönnun prentgripa
& alhliða prentþjónusta
Drei bréf - Boðsbréf
Ritgerðir - Skýrslur
Reikningar - Eyðublöð
Umslög - Bréfsefni
Fjölritunar- og
útgáfuþjónustan
Getum við
aðstoðað þig?
sími: 437 2360
olgeirhelgi@islandia.is
Vélabær ehf.
Bæ í Bæjarsveit
Alhliða viðgerðarþjónusta
á bílum, dráttarvélum
og vélum tengdum
landbúnaði
Smur og hjólbarðaþjónusta
velabaer@vesturland.is
S
K
E
S
S
U
H
O
R
N
2
01
3
Pennagrein
Laugardaginn 20. júní kl. 23.55
verður haldin hátíð sem ber nafnið
Menningarvitar á Jónsmessu. „Hug-
myndin er sú að halda litla tónleika
eða sögustund í sem flestum vit-
um landsins á sama tíma. Biðla ég
til allra landsmanna að fara að sín-
um vita og eiga þar í það minnsta
hálftíma stund saman,“ segir Hilm-
ar Sigvaldason vitavörður á Akra-
nesi. Í Akranesvita mun Anna Jóns-
dóttir halda tónleika, en hún tók
upp geisladiskinn VAR í Akranes-
vita síðastliðið haust. „Anna er með
þessum tónleikum að hefja útfáfu-
tónleikaröð, þar sem hún syngur á
afar óvenjulegum stöðum svo sem
lýsistankinum á Djúpavík, en geisla-
diskurinn er einmitt að hluta til tek-
inn upp í þessum tanki auk þess sem
hann var tekinn upp í Akranesvita,“
segir Hilmar og bætir við: „Ég von-
ast til að þessi viðburður verði hald-
inn sem víðast og takmarkið er að
halda viðburði í öllum 104 vitum
landsins. Svo verður bara að koma í
ljós hversu vel til tekst, en ég er bú-
inn að hafa samband við fjölda fólks
víðsvegar um landið og fengið frá-
bærar viðtökur alls staðar við þessari
hugmynd minni.“
mm
Hvetur til viðburða á sama tíma
í 104 vitum landsins
Hornbjargsviti. Ljósm. hs.
Það má segja að
síðustu miss-
erin hafi eng-
in lognmolla
ríkt yfir upp-
sveitum Borg-
arfjarðar. Hér
hafa allir sem eiga hamar verið við
byggingu annað hvort náttúrubaða
við Deildartungu eða hótels í Húsa-
felli. Þessum verkefnum fylgir óneit-
anlega fólk, ekki tímabundið, heldur
ungt fólk sem vill búa í Borgarfirð-
inum og sér hér fram á bjarta fram-
tíð til handa sér og börnum sínum. Á
sama tíma og hamarshöggin og sag-
irnar óma um fjörðinn bárust þau
tíðindi neðan af Borgarbraut að nú
þyrfti að spara, og þar sem mestir
fjármunir færu í fræðslumál væri jú
réttast að hreinsa upp þá brauðmola.
Reyndar er þetta gamalkunnugt stef
sem við hér í uppsveitum erum orð-
in álíka þreytt á og jólalögum þegar
komið er fram í janúar.
Því var farið í þá vinnu að sýna
hversu mikil samstaðan væri um
skólana. Við sem hér búum kunnum
nefnilega að láta í okkur heyra eft-
ir síendurteknar aðfarir að skólunum
okkar, sem sveitarstjórnarfólk þekk-
ir mæta vel. Skemmst er frá því að
segja að 20% kosningabærra manna
í sveitarfélaginu skrifuðu undir yf-
irlýsingu þess efnis að öllum starfs-
stöðvum GBF yrði hlíft í þessari
hagræðingarvinnu. Þess ber að geta
að undirskriftalistanum var safnað í
upphafi sauðburðar, en fyrir þá sem
ekki þekkja til til sveita er það mesti
háannatími sauðfjárbænda, sem og
að einungis var farið um starfssvæði
GBF. Í kjölfar þessa var einnig boð-
að til íbúafundar í Logalandi þar
sem sveitarstjórn var boðið að hlýða
á skoðanir íbúa. Skemmst er frá því
að segja að þverskurður samfélags-
ins kom upp í pontu og skoðanirn-
ar voru allar á einn veg, íbúar vilja
ekki að hróflað sé við starfsstöðv-
unum. En hvers vegna ekki? Er það
óumsegjanleg hræðsla við breyting-
ar? Er það af því að hér ofan Borg-
arfjarðarbrúar séum við svo þjök-
uð af tilfinningasemi? Nei, ekkert af
því er málið. Skólarnir skipta höfuð-
máli fyrir byggðaþróun og byggða-
stefnu sveitarfélagsins til framtíðar.
Sú skoðun hefur verið margoft kom-
ið á framfæri síðan í vor og reynd-
ar síðustu fimm árin frá því að þessar
hugmyndir komu fyrst fram.
Á síðasta fundi sveitarstjórnar fyr-
ir sumarfrí var loks tekin ákvörðun,
Hvanneyrardeild GBF yrði slátr-
að endanlega vorið 2016 en skoð-
að yrði hvort Varmaland eða Klepp-
járnsreykir yrðu næstir á skurðar-
borðið. Jafnframt var ákveðið að
selja gríðarlegan fjölda eigna, eign-
arhluti í minni félögum og svo mætti
áfram telja. Því er mér spurn, hver
er nauðsyn þess að loka Hvanneyr-
ardeild GBF strax og þá Kleppjárns-
reykjum eða Varmalandi í kjölfar-
ið? Hver er tilgangurinn með því
að samþykkja svo róttækar og um-
fangsmiklar breytingar á skólastarfi
í Borgarfirði, áður en farið er í að
búa til skólastefnu fyrir sveitarfé-
lagið? Hverjar telur sveitarstjórnar-
fólk líkurnar á því að fá fagfólk úr
héraði með sér í þá stefnumótunar-
vinnu þegar búið er að hundsa vilja
þeirra svo ítrekað?
Kæra sveitarstjórnarfólk, ég er
vissulega hávær, en ég er ekki í minni-
hluta hvað varðar skoðanir mínar á
skólamálum hér ofan brúar. Hunsun
ykkar á vilja íbúanna er lítilmannleg
og er ykkur því miður ekki til fram-
dráttar. Þið hafið öll tromp á hendi
til að hjálpa okkur að gera Borgar-
byggð að blómlegasta sveitarfélagi
landsins með allri þeirri uppbygg-
ingu sem hér fer fram þessi misserin.
Borgarbyggð er eitt víðfeðmasta og
fjölbreyttasta sveitarfélag landsins,
en þegar svoleiðis sveitarfélag getur
einunigs veitt einsleita þjónustu, þá
verður einhver að víkja.
Virðingarfyllst,
Þóra Geirlaug Bjartmarsdóttir.
Höf. er íbúi á Kleppjárnsreykjum,
kennari við GBF og móðir tveggja
verðandi nemenda GBF, hvar sem
það verður.
Ég er þessi háværa týpa
Ljósmóður
Dag ur í lífi...
Nafn: Jóhanna Ólafsdóttir.
Fjölskylduhagir/búseta:
Bý á Akranesi með frábærum
einstaklingum, Elvari Má, Hörpu
Kristnýju og tíkinni okkar, henni
Jasmín.
Starfsheiti/fyrirtæki: Ég er ljós-
móðir og vinn á Heilbrigðisstofn-
un Vesturlands á Akranesi.
Áhugamál: Held að fjölskyldan
sé mitt helsta áhugamál og þeirra
tómstundir fylgja með, en ég eyði
mörgum helgum yfir vetrartímann
horfandi á badminton. Finnst líka
gaman að lesa góða bók, ferðast
og njóta náttúrunnar og svo er fátt
dásamlegra en að sitja með pabba
í góðu veðri á sumrin í brekkunni
við Norðurálsvöllinn og horfa á
fótboltaliðin okkar.
Dagurinn: Fimmtudagurin
11. júní 2015.
Klukkan hvað vaknaðirðu og
hvað var það fyrsta sem þú gerð-
ir? Vaknaði kl. 06:45 og byrjaði á
morgunsturtunni. Fór svo og ýtti
mjúklega við börnunum mínum
– mömmur eru víst bestu vekjara-
klukkurnar.
Hvað borðaðirðu í morgunmat?
AB-mjólk með banana.
Hvenær fórstu til vinnu og
hvernig? Fór til vinnu kl. 7:45 á
Kiunni minni (hefði svo gjarnan
viljað segja á hjólinu mínu).
Fyrstu verk í vinnunni: Þennan
dag var ég að vinna í mæðravernd-
inni svo fyrsta verk var að kveikja
á tölvunni, fara yfir bókanir dags-
ins og finna til gögn í samræmi við
það. Læddist svo að kíkja á deild-
ina til að athuga hvort eitthvað af
„mínum“ konum hefðu skilað sér í
fæðingu... og viti menn!
Hvað varstu að gera klukkan 10?
Fékk til mín konu í mæðravernd
og með henni fylgdi systir henn-
ar og tvö af börnunum þeirra sem
ég var svo heppin að hafa fengið
að taka á móti þegar þau komu í
þennan heim. Heimsókn sem setti
skemmtilegan lit í daginn og knús-
in sem ég fékk voru einstaklega
orkugefandi og kossarnir blautir.
Hvað gerðirðu í hádeginu? Há-
degið notaði ég til að hringja í
þær konur sem voru á símalista
hjá mér, borðaði aðeins og leit
við hjá parinu sem var að upplifa
einn af sínu stærstu dögum þennan
dag. Þegar maður hefur hitt kon-
ur reglulega heila meðgöngu þá er
erfitt að slíta sig frá þegar að stóru
stundinni kemur!
Hvað varstu að gera klukkan
14? Þá var ég með enn eina kon-
una í mæðravernd, held ég hafi
skoðað 14 konur þennan dag og
talaði svo við nokkrar í síma.
Hvenær hætt og það síðasta
sem þú gerðir í vinnunni? Ég
fór heim klukkan rúmlega fimm
þennan dag en það síðasta sem
ég gerði var að fara upp á deild
og óska nýbökuðum foreldrum til
hamingju með fæðingu frumburð-
arins – þvílík dásemdarvinna sem
ég er í!
Hvað gerðirðu eftir vinnu? Ég
byrjaði á því að fara í Húsasmiðj-
una til að kaupa mér spýtur í skjól-
girðinguna mína sem „ég“ (lesist
pabbi) er að laga. Fór svo heim og
sótti dóttir mína og saman fórum
við upp á Safnasvæði og í Guð-
nýjarstofu þar sem sýningin “Saga
líknandi handa“ fer fram. Mæli
svo sannarlega með þeirri sýningu
fyrir unga sem aldna og að sjálf-
sögðu fyrir bæðin kynin. Frábært
framtak þar á ferð!
Hvað var í kvöldmat og hver
eldaði? Í matinn var heimabökuð
pizza elduð af ást og umhyggju.
Hvernig var kvöldið? Dásamlegt
kvöld, setti blóm í nokkra potta á
pallinum, þvoði tvær þvottavélar
og hengdi upp, setti í uppþvotta-
vélina og ryksugaði og skúraði –
helgarþrifin næstum búin.
Hvenær fórstu að sofa? Fór í
rúmið um miðnættið.
Hvað var það síðasta sem þú
gerðir áður en þú fórst að hátta?
Kyssti börnin mín góða nótt, það
klikkar ekki sama hvort þau eru
vakandi eða sofandi!
Hvað stendur uppúr eftir dag-
inn? Að nýtt líf kom í heiminn,
svo fullkomið og fallegt.
Eitthvað að lokum? Hugum vel
að samferðarfólki okkar, munum
að við erum fyrirmyndir barnanna
okkar og leggjum okkur fram við
að vera ljós í lífi annarra.