Skessuhorn - 17.06.2015, Blaðsíða 24

24 - Norð ur áls mót ið
Ýmsar upplýsingar fyrir gesti Norðurálsmóts 2015
Norðurálsmótið er mót fyrir byrj-
endur og hefur því uppeldislegt gildi.
Keppendur eru byrjendur, foreldrar
eru margir byrjendur og dómarar geta
líka verið byrjendur. Við þurfum öll
að taka tillit til þess. Byrjendur þurfa
að fá að læra af mistökum. Hjálpumst
að, þá gengur allt betur. Þjálfarar, lið-
stjórar og foreldrar verða að fylgjast
vel með skráningu úrslita á föstudegi.
Niðurröðun á keppni laugardagsins
og sunnudagins byggir á úrslitum
föstudags. Úrslitin þurfa því að vera
rétt skráð.
HUGARFAR
Fótbolti er skemmtun. Þessi skemmt-
un skiptir okkur öll máli. Það er sér-
stök ánægja að geta boðið leikmönn-
um ykkar að leika gegn liðum frá hin-
um ýmsu stöðum af landinu. Kenn-
ið leikmönnum að endurspegla þessa
ánægju í leik og framkomu á Norð-
urálsmótinu, félagi sínu til framdrátt-
ar. Leikmönnum skal kennt að virða
ákvörðun dómara án spurninga eða
athugasemda. Þetta skal einnig brýna
fyrir foreldrum og öðrum aðstand-
endum liðanna. Þjálfarar skulu allt-
af styðja úrskurði dómara leiksins,
hvort sem þeir eru réttir eða rang-
ir. Þjálfarar og foreldrar skulu aldrei
efast um hæfni dómarans svo leik-
menn heyri til. Dómgæslu er hægt að
ræða á kvöldfundum með þjálfurum
og mótshöldurum.
Verum stundvís - það skiptir máli
fyrir alla.
Foreldrar og stuðningsmenn liða
endurspegla þann anda sem er í
hverju félagi. Verum öll okkar félagi
til sóma og börnum okkar góðar fyr-
irmyndir. Við komum fram fyrir hönd
okkar félags með stolti og virðingu.
Á Norðurálsmótinu gilda ákveðn-
ar reglur í leik og umgengni, sem all-
ir reyna að fylgja. Engu að síður, þá
hefur hvert félag rétt til þess að kvarta
og gera athugasemdir við framkvæmd
mótsins. Ef þú þarft að nota þennan
rétt, gerðu það við réttan aðila. Segðu
rétt frá, rólega og virtu ákvörðunina,
hver svo sem hún er.
BREYTINGAR
Eins og félögum var tilkynnt í mars
var mikil aðsókn að mótinu í vor.
Vegna þess var ákveðið að stækka
mótið til að koma að öllum þeim fé-
lögum sem mætt hafa reglulega á
Norðurálsmótið á hverju ári. Hjá
mörgum félögum er ánægjuleg fjölg-
un ungra iðkenda í knattspyrnu og
allir vilja þeir mæta á mótið.
Afleiðing þessa er að við höf-
um gert breytingar á mótinu frá
fyrri árum. Þessar eru helstar: Bætt
við gististöðum, bætt við tjaldstæði,
lengdir matartímar, bætt við starfs-
fólki, bætt við keppnisvöllum, umferð
færð yfir á sunnudag, hætt að skrá úr-
slit á laugardegi og sunnudegi, hætt
við lokahóf með verðlaunaafhend-
ingu, háttvísisviðurkenningar afhent-
ar þess í stað á kvöldvöku.
Með þessum breytingum vonumst
við til að stærra mót geti farið fram
án vandkvæða og allir eigi ánægjulega
daga á Norðurálsmótinu.
MÓTSREGLUR
Allir mæta í góðu skapi.
Leiktími er 2 x 12 mínútur. Inn á
leikvelli eru aldrei fleiri en 7 leikmenn
frá hverju liði.
Í leikjum er aldrei skráður meiri
markamunur en 3 mörk.
Séu lið jöfn að stigum, ræður mar-
kamunur. Ef markamunur er jafn
ræður innbyrðis leikur liðanna. Ef sá
leikur er jafn eru þeir hærri sem hafa
fengið færri mörk á sig. Sé ennþá
jafnt, ræður hlutkesti.
Þjálfarar skulu ekki færa leikmenn
milli liða, nema ekki séu eftir nægir
leikmenn til að ná í fullt lið.
Dómari hefur rétt til að fara fram á
það við þjálfara að leikmaður sé tekinn
af velli ef hann gerist sekur um gróft
brot. Annar leikmaður kemur inn á í
stað hans.
Við hliðarlínu skulu ekki aðrir vera
staðsettir en varamenn, þjálfari og
einn liðsstjóri. Aðrir áhorfendur, for-
eldrar og iðkendur, skulu vera fjær,
nánar tiltekið fyrir aftan endalínu, þó
minnst 2 m frá marki.
Dómari hefur rétt til að stöðva leik-
inn og láta klukkuna ganga áfram,
telji hann að áhorfendur, þjálfar-
ar eða varamenn brjóti reglur eða séu
uppvísir að ósæmilegri hegðun. Til
ósæmilegrar hegðunar teljast einnig
óviðeigandi hróp og köll.
Góð umgengni er öllum til sóma -
verum liðum okkar til sóma.
Á mótinu starfar keppnisráð. Ráðið
skipa 3 aðilar, sem ekki koma að stjórn
mótsins. Félög geta áfrýjað ákvörð-
unum mótsstjóra og starfsmanna
mótsins sem varða keppnina og úrslit
leikja, til keppnisráðs. Ráðið kann-
ar mál og kveður upp endanlegan úr-
skurð, sem öll félög og mótshaldari
skuldbinda sig til að fylgja.
KEPPNISFYRIRKOMULAG
Meginmarkmið Norðurálsmótsins
er að strákarnir okkar upplifi knatt-
spyrnu á jákvæðan hátt og komi heim
með góðar minningar um skemmti-
lega daga. Með fyrirkomulagi móts-
ins eru eftirfarandi þættir hafðir í fyr-
irrúmi: Stutt bið er milli leikja hjá
hverju liði, leikir eru milli liða sem eru
af svipuðum styrkleika, leikgleði og
engir úrslitaleikir.
Öllum liðum frá hverju félagi er
fyrir upphaf móts skipt niður á 7
flokka (A, B, C, D, E, F, G), hvern
með 24 liðum, og 1 flokkur (H) skip-
aður 6 liðum. Mótshaldari, í samráði
við þjálfara, ákveður þá skiptingu.
Þjálfarinn skipar sjálfur þátttakend-
um í lið fyrir fyrsta leik og má eftir
það ekki færa þátttakendur á milli liða.
Fyrri hluti mótsins fer fram á föstu-
deginum. Þá er öllum liðum inn-
an hvers flokks (A, B, C, D, E, F, G)
skipt tilviljanakennt í 6 riðla með 4
liðum hver, þar sem liðin 4 keppa
hvert við annað. Sama á við um H
flokk, nema þar eru 2 riðlar með 4 lið-
um. Liðin keppa 3 leiki, annað hvort
kl. 13:00-16:00 eða kl. 16:00-19:00.
Ein umferð í hverjum riðli er leik-
in samtímis á samliggjandi völlum og
einungis er eins leiks bið hjá hverju
liði. Niðurstaða föstudagsriðlanna er
notuð til að raða í deildir fyrir seinni
hlutann.
Seinni hluti mótsins fer fram á
laugardegi og sunnudegi. Þá er öll-
um liðum innan hvers flokks (A, B, C,
D, E, F, G) skipt í 4 riðla með 6 lið-
um hver, þar sem liðin keppa hvert við
annað. Sama á við um H flokk, nema
þar eru 2 riðlar með 6 liðum.
Hvert lið keppir 5 leiki í seinni
hlutanum. Innan hvers flokks (A, B,
C, D, E, F, G, H), lenda öll lið sem
vinna sína riðla á föstudegi saman í 6
liða deild. Þau lið sem lenda í öðru
sæti á föstudegi lenda öll saman í sex
liða deild o.s.frv. Úr þessu verða til
4 deildir með sex liðum innan hvers
flokks þar sem svipuð lið eru saman í
deild: Íslenska deildin, Enska deildin,
Spænska deildin og Þýska deildin. H
flokkurinn hefur Íslensku deildina.
3 af 5 umferðum deildanna eru
leiknar á laugardegi. Annar hópur
kl. 9:00-12:00, og hinn hópurinn kl.
13:30-16:30. Síðasta 2 umferðirnar
fara fram á sunnudag, kl. 9:00-13:00.
Engir úrslitaleikir um sæti fara fram í
mótinu.
Keppnisvellir eru á flötinni austur
af Akraneshöllinni á Jaðarsbökkum og
inni í Akraneshöllinni sjálfri.
VIÐURKENNINGAR
Á mótinu verða úrslit á laugar-
deginum og sunnudeginum ekki
skráð. Þetta er gert til að fylgja eft-
ir megin markmiði Norðurálsmóts-
ins, að strákarnir okkar upplifi knatt-
spyrnu á jákvæðan hátt og komi heim
með góðar minningar um skemmti-
lega daga.
Þess vegna verður ekki útdeilt
verðlaunum fyrir árangur og á sunnu-
deginum verður ekki lokahóf. Þess í
stað verða á kvöldvökunni á laugar-
dag veittar viðurkenningar fyrir fram-
komu á mótinu og jafnframt verð-
ur happadrætti um veglega gjöf til fé-
laga.
FARARSTJÓRAR
Föstudagur er notaður til að skipta
liðum eftir getu fyrir keppni á laug-
ardegi og sunnudegi. Úrslitin verða
því að vera rétt skráð. Þjálfarar og
liðstjórar verða að fylgjast vel með
skráningu úrslita á föstudegi og til-
kynna strax til mótsnefndar ef skrán-
ing úrslita er röng. Úrslit leikja og
leikjaskipulag er birt á heimasíðunni
og á vefnum http://nm.kfia.is
Þeir sem lenda í 1. og 2. sæti á
föstudegi spila seinni hluta laugar-
dagsins og undir hádegi á sunnudegi.
Þeir sem lenda í 3. og 4. sæti á föstu-
degi spila fyrripart laugardagsins og
síðan eftir kl. 9 á sunnudegi.
Fararstjórafundir verða haldnir í
sal á efri hæð Íþróttamiðstöðvarinnar
á tíma sem fram kemur í dagskránni.
Gengið er inn að sunnanverðu á
2.hæðina frá aðalleikvangi.
Mikilvægt er að allir þátttakend-
ur og liðstjórar í hverju liði mæti sam-
an í mat á skipulögðum tímum. Ekki
eru skipulagðar sundferðir, en frítt er
í sund fyrir alla á ábyrgð fararstjóra.
Myndataka fer fram í sérstöku tjaldi á
mótssvæðinu, á ákveðnum tíma sem
verður skipulagður.
GISTING KEPPENDA
Gisting keppenda er í skólum bæj-
arins: Grundaskóla, í Brekkubæjar-
skóla við Vesturgötu eða í Fjölbrauta-
skólanum við Vogabraut og í húsi
KFUM&K við Garðabraut.
Í lok móts skal ganga snyrtilega frá
gististaðnum fyrir kl. 12 á sunnudag.
Gistireglur gera ráð fyrir að ró
sé komin á gististaði fyrir kl. 22 öll
kvöld. Vakt er skipulögð í öllum
skólum allan sólarhringinn.
MATUR OG MATSALIR
Morgunverður er framreiddur í sal
Brekkubæjarskóla fyrir dvalargesti
þar, en aðrir fá morgunverð í matsal
Íþróttamiðstöðvar. Lið hafa frjálsan
tíma í morgunverð, en mælst er til að
lið sem keppa seinna um daginn mæti
seinna í morgunverðinn. Tímasetn-
ing morgunverðar kemur fram í dag-
skrá mótsins
Liðum er úthlutaður sérstakur
matmálstími fyrir hádegis- og kvöld-
mat og kemur sá tími fram í endan-
legri handbók. Matartímum laugar-
dags og sunnudags verður raðað eft-
ir niðurstöðum föstudagsins. Matur
fyrir öll lið er framreiddur í íþrótta-
sal Íþróttamiðstöðvar. Gengið er inn í
íþróttasalinn að vestanverðu, þar sem
tekið er við matarmiðum. Einungis
liðstjórar og aðrir með matarmiða fá
aðgang að salnum með liði sínu. Vin-
samlegast látið vita tímanlega ef ykkar
lið ætlar ekki að mæta til skipulagðr-
ar máltíðar.
SUND
Frítt er fyrir alla í sund í Jaðarsbakka-
laug á föstudegi frá kl. 13:00-20:00
og á laugardegi frá kl. 9:00-19:00
í boði Akraneskaupstaðar. Athug-
ið að ábyrgð á börnum í sundlaug-
inni er alfarið í höndum foreldra og
fararstjóra. Vinsamlegast kynnið ykk-
ur reglugerð nr. 814/2010 er varðar
sundferðir barna.
Einnig er hægt að fara í sund gegn
gjaldi í Bjarnalaug (innilaug), Laug-
arbraut 6, opið laugardag kl. 11:00 -
16:00 og í sundlauginni að Hlöðum í
Hvalfjarðarsveit sem er opin föstudag
kl. 14:00 - 21:00 og á laugardag og
sunnudag frá kl. 10:00 - 18:00.
STURTA
Fyrir foreldra, liðstjóra og aðra gesti
verður hægt að komast frítt í sturtu í
íþróttahúsinu við Vesturgötu á laug-
ardag kl. 17-19.
STRÆTÓ
Strætó gengur á hálftíma fresti milli
mótssvæðis og gististaða í Brekku-
bæjarskóla og Fjölbrautaskóla á mót-
stíma og fram eftir kvöldi eftir þörf-
um. Frítt er í strætó allt mótið fyr-
ir alla mótsgesti, en þátttakendur hafa
forgang. Við hvetjum alla til að nota
strætóinn því bílastæðin okkar rúma
ekki allan þennan fjölda.
LIÐSMYND
Mótshaldarar sjá um að taka liðsmynd
af öllum liðum, á ákveðnum tíma á
föstudeginum í sérstöku myndatjaldi
á miðju mótssvæðinu. Upplýsingar
um myndatökutíma eru birtar í hand-
bókinni. Myndirnar verða til sýnis og
sölu í myndatjaldinu á laugardegi og
einnig í foreldrakaffinu um kvöldið.
ÓSKILAMUNIR
Allir óskilamunir verða settir í mat-
sal Íþróttamiðstöðvar á meðan á móti
stendur. Eftir mót er hægt að hafa
samband við skrifstofu KFÍA varð-
andi óskilamuni.
Fyrir fjölskyldur:
TJALDSTÆÐI
Tjaldstæði mótsins fyrir fjölskyld-
ur keppenda er á grasflötum við
Byggðasafnið og í nágrenni þess, við
Leynisbraut og nálægt Garðalundi.
Svæðinu er skipt í 5 hluta: Kútters-
flöt, Garðaflöt, Safnaflöt, Hótel-
flöt og Formannaflöt, auk Boltaflat-
ar við KFUM & K húsið. Félögum
er úthlutað svæði á ákveðinni flöt,
og svæði hvers félags er merkt fyr-
ir opnun.
Tjaldstæðið verður opnað kl. 20,
fimmtudaginn 18.júní. Þarna er sett
upp snyrtiaðstaða í gámum, kamr-
ar og útiþvottaaðstaða, ásamt rusla-
gámum. Ekkert rafmagn er á tjald-
svæðinu.
Gistigjald á tjaldsvæði mótsins er
5.000 kr. á hvern ferðavagn (tjald/
hjólhýsi/fellihýsi o.fl.) fyrir alla móts-
helgina.
Ekki er heimilt að tjalda á lóðinni
við Grundaskóla eða öðrum lóðum í
nágrenninu. Veitingasala næst tjald-
svæðinu er í Garðakaffi í Safnaskál-
anum við Byggðasafnið, og í Golf-
skálanum á golfvellinum. Garðakaffi
lengir opnunartíma mótsdagana og
opnar kl. 8. Þar verður hægt að kaupa
morgunverð og kvöldverð til viðbótar
við það hefðbundna.
Vinsamleg tilmæli eru að gestir á
tjaldsvæði virði almennar umgengnis-
reglur og njóti þess að eyða helginni í
faðmi fjölskyldunnar og fylgjast með
keppni barna sinna án neyslu áfengis.
Vakin er sérstök athygli á að bátar
og aðrir safnmunir utan við Byggða-
safnið og kirkjugarðurinn eru ekki
leiksvæði og foreldrum er bent á að
koma í veg fyrir leik barna sinna þar.
Opinbert tjaldstæði Akranesbæjar
með allri þjónustu er staðsett vestan
til í bænum, rétt hjá bensínstöðinni
Olís, sjá upplýsingar á www.tjalda.is.
HUNDAHALD
Leyfilegt er að vera með hunda á
tjaldstæði mótsins. Þeir verða að vera
í bandi allan tímann og hegðun sé
þannig að þeir trufli ekki aðra tjald-
gesti. Auðvitað þrífa eigendur alltaf
eftir hundana sína.
Í samræmi við reglur bæjarins
(reglugerð 782/2010) er ekki leyfi-
legt að hafa hunda á keppnissvæðinu,
ekki í Akraneshöllinni, á Langasandi
eða í Garðalundi, hvorki í bandi né í
fanginu. Þá mega hundar ekki koma
inn í húsnæði mótsins, gisti- eða mat-
arstaði.
MATSALA
Í boði er að kaupa matarpakka móts-
ins sem innifelur morgunverð (2x),
hádegisverð (1x), kvöldverð (2x) og
pylsugrill (1x). Matarpakkinn kostar
6.000 kr. fyrir fullorðna og 4.000 kr.
fyrir börn (undir 18 ára). Þessi matur
er í boði í matsal Íþróttamiðstöðvar, á
auglýstum tímum.
Einnig er hægt að kaupa miða fyr-
ir staka máltíð: Fullorðnir: Hádegis-
eða kvöldmatur kr. 1.500 og morg-
unmatur kr. 800. Börn: Hádegis-
eða kvöldmatur kr. 1.000 og morgun-
matur kr. 800. Miðar og pakkar verða
seldir við inngang í matsal Íþrótta-
miðstöðvar.
Pylsugrill er haldið við aðal-
keppnisvöllinn á sunnudeginum kl.
11:00-13:30 fyrir alla þátttakend-
ur. Foreldrar og aðstandendur eru
velkomnir og geta keypt miða í grill-
ið á kr. 700.
Kaffi- og veitingasala fyrir áhorf-
endur á keppnistíma er á Aggapalli, í
Akraneshöll, sölutjaldi Dominos og í
veitingatjaldi á miðju keppnissvæðinu.
FORELDRAKAFFI
Foreldrar allra karla- og kvennaflokka
ÍA sameinast um að bjóða öllum for-
eldrum þátttakenda til kökuveislu á
laugardagskvöldið kl. 21:30-23:00.
Foreldrakaffið er í matsal Íþróttamið-
stöðvar og aðgangur er ókeypis.
Foreldrakaffi er eingöngu fyrir for-
eldra þátttakenda (ekki fyrir börn)!
KEPPNIS- OG LIÐSMYNDIR
Í foreldrakaffi og í myndatjaldi á
mótssvæði verða myndir frá keppni
föstudagsins boðnar til sölu á 1.500
kr. allan laugardag og sunnudag. Þar
verða einnig til sölu liðsmyndir af
hverju liði, sem teknar hafa verið sér-
staklega á föstudeginum.
Á laugardegi og sunnudegi verður
í myndatjaldi hægt að fá teknar ein-
staklingsmyndir á vegum Sporthero
með sérvöldum bakgrunni.
BÍLASTÆÐI
Bílastæði eru við Íþróttamiðstöðina,
austan við sundlaugina, við Innnes-
veg, nálægt tjaldsvæðum og á öðrum
merktum svæðum. Ekki er heimilt að
leggja bílum á grasið við keppnisvelli,
á gangbrautir, eða göngustíga. Not-
um frían strætó eða göngum.
Bílar sem lagt er á gönguleiðir og
gangstíga, verða sektaðir af lögreglu
og hugsanlega fjarlægðir.
UMGENGNI
Keppnissvæði, matsalir og gististaðir
þátttakenda eru algjörlega tóbakslaus.
Foreldrar eru vinsamlegast beðnir um
að virða það.
Ruslagámar og tunnur eru stutt frá
á öllu keppnissvæðinu og á tjaldsvæð-
inu. Keppendur og áhorfendur eru
félögum sínum til sóma með góðri
umgengni.
UPPLÝSINGAR
Allar upplýsingar um mótið, s.s. kort,
skipulag, dagskrá, tímasetningar og
úrslit, er birt á vefnum: nm.kfia.is og
á heimasíðunni: www.kfia.is/nordu-
ralsmot. Þarna verða einnig birt úr-
slit föstudagsins og leikskipulag laug-
ardags og sunnudag. Þessar upplýs-
ingar eru uppfærðar eftir þörfum til
loka mótsins. Einnig verða myndir
og fréttir af mótinu um helgina settar
inn á Snjáldu (Facebook).
VELKOMIN Á
NORÐURÁLSMÓTIÐ 2015