Heimsmynd - 01.03.1986, Qupperneq 96

MERYL
STREEP
Og nú situr hún þarna og er ekkert af
fyrri hlutverkunum. Hún er MERYL
STREEP og allt öðruvísi en samt allt hitt
í senn. Hún er vel gefin, hún er fyndin,
hún er feimin en samt ótrúlega ákveðin,
hispurslaus. og mér datt í hug Karen
Blixen, eitt nýjasta hlutverkið hennar.
Samt er það einnig fjarri sanni - sérstak-
lega þegar Meryl talar, í besta falli þegar
hún gleymir sér, strýkur hárið frá enninu
og notar orð, sem minna frekar á strák úr
þungarokkshljómsveit en menntaða
konu, glæsilega stjörnu. Hún er varkár
en einlæg. Og það sem kemur kannski
mest á óvart, hún er skemmtileg. Öðru-
vísi en ég hafði ímyndað mér en ég skil
nú betur af hverju hún er mikil leikkona.
Það er ekki aðeins á hvíta tjaldinu, sem
hún fær mann til að gleyma sér . . .
MERYL STREEP er í einkaviðtali við
HEIMSMYND. Tvöfaldur Óskarsverð-
launahafi, auk margra annarra verð-
launa, ein skærasta stjarna hvíta tjaldsins
nú - síðast í hlutverki Karen Blixen í
myndinni OUT OF AFRICA, sem frum-
sýnd er í Laugarásbíói nú um páskana - á
sama tíma og Óskarsverðlaunaafhend-
ingin fer fram í Hollywood en þessi mynd
er nú tilnefnd til 11 Óskarsverðlauna. í
viðtalinu við HEIMSMYND fullyrti
Meryl Streep að við ættum ekki eftir að
verða fyrir vonbrigðum með þessa kvik-
mynd. „Það er kraftur í þessari mynd.
Meiri kraftur en í Plenty, sem ég lék í þar
á undan.“ Við á HEIMSMYND
treystum okkur jafnframt til að fullyrða
að þið verðið ekki fyrir vonbrigðum með
Meryl Streep...
Meryl Streep er af mörgum talin í hópi
nýrrar tegundar kvikmyndastjarna,
þeirra sem komið hafa fram á undanförn-
um áratug og þykja hafa meira vitrænt
inntak í leik sínum en til dæmis sexí
ljóskurnar á árum áður. Hún er jafn-
framt ein fárra stórstjarna hvíta tjaldsins,
sem er hámenntuð. Hún lauk magister-
prófi í leiklist frá Yale háskóla í Banda-
ríkjunum árið 1975, þá tuttugu og sjö ára
gömul. Auk sinna þekktu hlutverka í
kvikmyndum hefur hún leikið mörg hlut-
verk á sviði og þá í mörgum sígildum
leikhúsverkum, bæði Shakespeare,
Chekov sem og Tennessee Williams og
Arthur Miller.
Fyrsta hlutverkið hennar í kvikmynd
var í Julia árið 1977. í kjölfar þess kom
Deer Hunter og fyrir þá mynd var hún
tilnefnd til Óskarsverðlauna. Árið 1978
lék hún í myndinni Kramer gegn Kramer,
sem hún fékk Óskarsverðlaun fyrir, sem
besta leikkona í aukahlutverki. Árið
1980 fékk hún Golden Globe verðlaun
bandarískra kvikmyndagagnrýnenda
fyrir leik sinn í The French Lieutenant's
Woman og verðlaun bresku kvikmynda-
akademíunnar, auk þess sem hún var
tilnefnd til Óskarsverðlauna fyrir leik
sinn í þeirri mynd. Sín önnur Óskars-
verðlaun fékk hún síðan fyrir leik sinn í
myndinni Sophie’s Choisce , sem Alan
Pakula leikstýrði. Og næst var hún til-
nefnd til Óskarsverðlauna fyrir leik sinn í
hlutverki Karen Silkwood í myndinni
Silkwood, sem sýnd var hér fyrir tveimur
árum. Þá fékk hún David di Donatello
verðlaunin fyrir leik sinn í Falling in
Love á móti Robert de Niro, sem sýnd
var í Háskólabíói fyrir nokkru.
-HEIMSMYND lék fyrst forvitni á því
að vita af hverju hún virtist alltaf fá bestu
hlutverkin? Hún hlær. „Það er fullt af
frábærum hlutverkum, sem ég hef ekki
fengið." - En hún er augsýnilega hug-
fangin af hlutverki sínu sem danski rit-
höfundurinn Karen Blixen í Out of Afr-
ica.
„í samanburði við önnur hlutverk, sem
ég hef Ieikið, er ég mjög hrifin af Blixen
því hún var sér svo meðvituð um hver
hún væri. Það er fjarri lagi að ég hafi
alltaf leikið einhverjar sterkar konur eins
og þú sagðir, heldur hef ég oftar en ekki
verið í hlutverkum hálf hysterískra
kvenna.“ Og hún hlær þessum hlátri sem
margir bíógestir þekkja.
„Karen Blixen vissi hver hún var og
vissi hvað hún vildi. Stundum var hún of
kröfuhörð og stundum of gráðug eða
frek en hún baðst ekki afsökunar á tilvist
sinni og það er í raun mjög ólíkt persónu-
einkenni miðað við önnur hlutverk mín.
Ég hef leikið svo margar taugaveiklaðar
konur,“ segir hún aftur hlæjandi. „Þessi
kona var kvenleg, þroskuð; hér er ég
strákar, hvort sem ykkur líkar betur eða
ver!! Það viðhorf finnst mér frábært - að
því leyti er ég ofurlítið lík Karen Blixen.
En hún varð fórnarlamb ástríðna sinna
og loftslagsins.“
Hún verður hálf raunamædd á svipinn
þegar hún talar um Blixen. „Þetta hlut-
verk hafði mjög sterk áhrif á mig en ég er
mjög, mjög glöð yfir því að hafa tekið
það að mér. Þetta er fyrsta hlutverkið
sem ég hef tekið að mér án þess að hafa
lesið handritið yfir. Það var reyndar stað-
urinn, Afríka, sem réði mestu um
ákvörðun mína upphaflega. Handritið
var ekki fullgert fyrr en ég var mætt á
staðinn. Ég hafði að vísu lesið bók Blixen
Out ofAfrica fyrir mörgum árum og var
pínulítið hrædd um að handritahöfundi
tækist jafn vel ekki að gera textann eins
góðan og bókina eða leikstjóra að ná
fram þeirri kýmni, sem var í bókinni. Og
ég held að ég geti fullyrt að þið verðið
ekki fyrir vonbrigðum með myndina!
Þegar ég las bókina hins vegar upphaf- <
lega var ég ekkert að hugsa um höf-
undinn, Karen Blixen, heldur sögusvið-
ið, Afríku. Henni hefur tekist ótrúlega
vel að halda eigin persónu utan bókar-
innar. Þegar ég ákvað að taka að mér
hlutverkið las ég hins vegar bókina aftur,
margoft og reyndi að skynja persónu
Blixen á hverri blaðsíðu.
-Við spyrjum hvernig hún hafi und-
irbúið hlutverkið.
„Ég las ævisögu hennar eftir Judith
Thurman sem varð alger biblía fyrir mér.
Ég las sögur Blixen og það sem kom að
mestu gagni, bréf hennar heim til ætt-
ingja í Danmörku. Hún skrifaði þessi
óskaplega löngu bréf þegar regntíminn
var í Kenýa, þar sem hún bjó í fjórtán ár
— og í bréfum til Bess frænku sinnar er
hún að rífast. Þú veist, í öllum fjöl- “
skyldum er einhver ævintýramanneskja,
einhver sem er öðru vísi, stingur í stúf við
hefðbundin viðhorf fjölskyldunnar og er
sérvitur. En það voru sérstaklega þessi
bréf til Bess frænku hennar, sem sögðu
mér mest um Karen. Svo hafði ég í fórum
96 HEIMSMYND