Heimsmynd - 01.03.1986, Side 118

„Hátíska þýðir í raun að engar tvær flíkur
eru eins - hver flík er sérhönnuð. Notuð
eru úrvalsefni og mikil vinna liggur að
baki hvers kjóls, dragtar eða kápu. Allt
er sérhannað, belti, skór, hattar, töskur,
hanskar. Efnin eru sérprentuð eða sér-
bróderuð - og verðið er eftir því“, segir
hún hlæjandi. -Og hvað skyldi meðalverð
einnar dragtar frá hátískuhönnuði vera?
„Um það bil 30 þúsund frankar", svarar
hún að bragði - eða nálægt 200 þúsund
íslenskum krónum. - Og kaupendur há-
tískunnar, hverjir eru það helst? „Eigin-
konur ríkra Araba, forríkir Ameríkanar -
en ekki endilega kvikmyndastjörnur eða
frægt fólk, eins og svo margir halda. Hins
vegar er það algengt að stjörnur fái fatn-
að að láni frá hátískuhúsunum, sem
gjarnan líta á það sem góða auglýsingu."
Fyrir hverja sýningu, segir Helga að
teiknarar Féraud -hússins teikni og láti
hanna um það bil 120 flíkur. Síðan eru
valdar um 90 flíkur til sjálfrar sýningar-
innar. Byrjað er að leggja drög að sum-
artískunni í nóvember árið áður og fara
sýningar hátískuhúsanna alltaf fram í lok
janúar og síðan aftur í júlí. Louis Féraud
hefur tvívegis hlotið hin eftirsóttu verð-
laun pressunnar, svonefnda
gullfingurbjörg - og í bæði skiptin var það
Vortískan 1986 frá Louis Fér-
aud eftir Helgu Björnsson.
Brynja Sverrisdóttir ljósmynda-
fyrirsæta er á öllum myndunum.
Hér er kápa eftir Helgu fyrir vor-
ið, úr silki, í skærum litum og
lítill hattur við.
hönnun Helgu Björnsson, sem réði úr-
slitum, þótt þeir sem til hennar þekkja
viti að hún yrði síðust til að játa því, eins
og einn kunningi hennar orðaði það.
-Hennar stíll þykir rómantískur, list-
rænn og kvenlegur. Hún kímir og segist
bundin af því hve hátískan sé í eðli sínu
íhaldssöm. „Það eru afar litlar breyting-
ar, ár frá ári. Hins vegar hef ég mjög
gaman af því að teikna mynstur á efni,
sem ég geri mikið af og fæ því mikla útrás
fyrir sköpunargleðina.“ - Og uppáhalds-
litir? „Svart og hvítt,“ segir hún. „Sjálf
geng ég þó mikið í sterkum litum eins og
rauðu.“
-Varðandi tísku næsta sumars, það er
hátísku, segir Helga að fatnaðurinn sé
þrengri, aðskornari, pilsin styttri, þó all-
ar síddir gangi, litir séu djarfir og enginn
einn litur ráðandi. Um tísku millistigs-
hönnuðanna segir hún að þar úi og grúi
öllu saman og alls ekki sé hægt að tala
um ráðandi tísku. Sumir leggi áherslu á
víð, síð og bein föt en aðrir á eitthvað allt
annað.
„Annars er engin ákveðin tískulína í
gangi í París núna“, segir Helga. „Pað
sem er í tísku er að hafa LOOK - Parísar-
búar leggja mikið upp úr því þessa stund-
ina, að hver einstaklingur þrói eða hafi
sinn sérstaka stíl í stað þess að fylgja
einhverri ákveðinni tískulínu. Og það
sem gerir París svo spennandi sem borg
eru öll hverfin, sem líka hafa sitt mis-
munandi look, meira að segja fólkið,
sem heldur sig aðallega í vissum hverf-
um. Hún nefnir sem dæmi hið nýupp-
gerða Les Halles hverfi, sem áður var
frægt fyrir útimarkaði sína, en er nú eft-
irsótt vegna geysistórrar verslunarmið-
stöðvar, Pompidou listasafnsins, lítilla
tískuverslana og nýtískulegra kaffihúsa,
þar sem ungir sem aldnir spígspora um,
sérstaklega ungir og flestir í einhverjum
„pönkstíl“. Saint German hverfið, þar
sem listamenn hafa lengi haldið sig er
annað gott dæmi, að sögn Helgu, og þar
virðist fólkið jafnframt hafa aðeins öðru-
vísi yfirbragð en í Les Halles - „þar sér
maður fleira fólk í fatnaði frá Claude
Montana eða Issey Miyake, það er að
segja aðeins efnaðra og aðeins eldra
fólk.“
Helga hefur alist upp erlendis frá
þrettán ára aldri, þótt hún tali enn lýta-
lausa íslensku og telji sig íslending fram í
fingurgóma. Hún er fædd í Reykjavík,
dóttir Henriks Sv. Björnssonar sendi-
herra, sem er nýlátinn, og konu hans
Gígju. Helga fluttist með foreldrum sín-
um og tveimur eldri systkinum til
Kokteil-klœðnaður í pastel-
litum, sem Helga hefur í
gegnum tíðina lagt áherslu
á, bleikt og grænblátt hafa
oft verið ríkandi litir í
hönnun hennar.
London þrettán ára gömul, þar sem faðir
hennar gegndi sendiherrastöðu og síðar
til Parísar átján ára gömul, þar sem hún
hefur búið síðan. Níni eldri systir hennar
er gift Frakka og búsett í París en Sveinn
118 HEIMSMYND