Heimsmynd - 01.06.1987, Side 29

Þessi piltur er sonur eins hermanna sandinista.
Hann hef ur þegar misst tvo bræður sína í stríðinu.

veitt til Contranna og lauk máli sínu með
því að segja að fjölskyldan myndi nú taka
upp þráðinn og halda áfram því starfi
sem Ben hefði byrjað á. Ben hafði unnið
við byggingu vatnsaflsvirkjunar til þess
að útvega rafmagn og niðursuðuhæft
vatn til héraðanna norður í landi. Þegar
svo bar undir bjóst hann líka trúðsbún-
ingi og fór með öll börnin á svæðinu í
bólusetningu. Daniel Ortega mætti í
jarðarför hans og hélt ræðu yfir mörgum
hundruðum barna og vina hins látna,
sem komu að votta honum hinstu virð-
ingu.
Dauðinn liggur í loftinu í Nicaragua.
Flestir hafa misst að minnsta kosti einn
nákominn ættingja í stríðinu en eigi að
síður ríkir mikil vongleði í landinu.
Verslunarbann ríkir milli Bandaríkjanna
og Nicaragua en austantjaldslöndin
senda vörur til landsins og Vestur-Þjóð-
verjar hafa lagt til alls konar fjárhagsað-
stoð og tæki til sjúkrastöðva, landbúnað-
ar og samfélagsins í heild. Sovétríkin
hafa sömuleiðis útvegað peninga til alls
konar verkefna auk vopnasendinga.
Frelsunarguðfræðin er ríkjandi í trúar-
lífi bæði Sandinista og þjóðarinnar al-
mennt. Þessi guðfræði leitast við að taka
orð Biblíunnar og yfirfæra merkingu
þeirra í daglega lífinu. Uppbygging
q gengur hægt í Managua en því hraðar úti
z á landi. Fólk fer ekki endilega til kirkju
^ en iðkar trúna með lifnaðarháttum sín-
S um. Bóndi hjálpar til dæmis náunga sín-
§ um að reisa hús, deilir með honum matn-
um og lánar honum vinnutæki. Frelsun-
arguðfræðin er samfélagsvitund styrkt
kristinni heimspeki.
Ég átti þess kost að sjá þessa guðfræði
að verki á samvinnubúi einu milli Matag-
alpa og Jinotega í norðurhluta landsins
en þar um slóðir hafa Contrarnir haft sig
mjög í frammi. Fólkið hafði nú eignast
sitt eigið land og húsnæði í fyrsta sinn á
ævinni. Flestir þeir Nicaraguabúar sem
ég ræddi við voru lúnir eftir mikla vinnu
en hæstánægðir með jarðnæðið. Fólkið
hafði hjálpast að við að byggja hús, raf-
veitur og stíflugarða, ryðja kaffiakra og
planta banana- og mangótrjám. Meðan
ég spjallaði við börnin, sem öll voru í
skóla, heyrðum við skothríð ofan úr fjöll-
unum í nágrenninu og við blaðamennirn-
ir þurftum að vera komnir brott af svæð-
inu fyrir sólsetur. Eftir það er alltaf hætta
á fyrirsát skæruliða. Er við ókum burt
mættum við bílalest Sandinista með bens-
ínbirgðir og ofan á einum tankbílnum sat
ungur hermaður og beindi rússneskum
AK-47-hríðskotariffli sínum að aðvífandi
bílum. Ef við hefðum verið Contrar hefði
ugglaust orðið fátt um þennan unga
Sandinista.
Afleiðingar styrjaldarinnar eru
geigvænlegar. Það kom berlega í ljós
þegar ég heimsótti sjúkrahús þar sem
gervilimir eru sniðnir handa þeim sem
limlestir hafa verið í stríðinu. Að minnsta
kosti 5 þúsund Nicaraguabúar þurfa
gervilimi, að sögn Esteban Barahona,
tækniforstjóra gervilimaverkstæðisins í
Managua. „Stríðið sviptir sex hundruð
manns útlimum sínum á hverju ári,“ seg-
ir hann. Nýlegt fórnarlamb stríðsins er
Carlos Enrique Lopez Valles, fjórtán ára
gamall sjálfboðaliði í 6. herdeild stjórn-
arhersins. Carlos missti fótlegg þegar
hann gekk á jarðsprengju á nýársdag.
Flann er búinn að fá gervifót en það
munu ekki líða nema fáein ár þar til
líkami hans heimtar nýjan. Á því mun
ganga alla ævi hans því jafnvel hjá full-
orðnum dugar gervilimur ekki nema sjö
ár eða svo. Martha Lorena Lopez, sem
er tvítug, missti fótlegg í apríl í fyrra
þegar jarðsprengja sprakk á þjóðvegin-
um og drap alla 19 samferðamenn henn-
ar í rútubifreið. Hún hefur verið á endur-
hæfingarstöðinni í fimm mánuði og er
enn að bíða eftir nýjum fæti. Stjórnin í
Nicaragua reynir eftir mætti að hjálpa
þeim, sem þannig hafa orðið fyrir limlest-
ingum af völdum stríðsins, til þess að
komast á ný út í samfélagið og sérstök
áætlun hefur verið gerð um að útvega
þessum gervilimaþegum störf í útvarpi og
sjónvarpi, ritsíma- og símstöðvum.
En þótt margir eigi um sárt að binda
vegna styrjaldarinnar eru líka margir úti í
sveitunum sem sjá árangur erfiðisins.
Samvinnubúin og eigið jarðnæði hafa sitt
að segja og sumir hafa meira að segja
HEIMSMYND 29