Heimsmynd - 01.06.1987, Síða 44

í stofunni hans
langafa. Weyvadt
kaupmaður byggði
húsið á Teigarhorni
árið 1882. Kristján
Jónsson bóndi í
Djúpavogshreppi býr
enn í því sama húsi
og ein stofan er
óhreyfð frá dögum
Weyvadt langafa. f
föðurætt er bóndinn
meðal fjölmargra
afkomenda Hans
Jónatans frá Suður-
hafseyjum.
margir aðkomumenn sem sumir koma
frá Afríku og aðrir Ástralíu eða lengra
að. Litarháttur fólksins er sá sami og
annarra í þessu landi en þó þekkist þar
dekkra litaraft og verður sem í öðrum
verstöðvum rakið til franskra sjóara sem
hingað sóttu. Líka var hér í eina tíð
kaupmaður af múlattakyni frá Suður-
hafseyjum og er margt heimamanna frá
þeim karli komið. En mjög er það nú
langt um liðið og sumt afkomenda Hans
Jónatans — svo hét múlattinn — er jafn-
vel hvítara en hinir sem ekki eru af hon-
um komnir.“
Þannig hefði Eggert Ólafsson lýst
Djúpavogsmönnum nútímans ef hann
væri ennþá í Ferðabókarskrifum. Sagan
um svertingjaættina á Djúpavogi hefur
lengi loðað við staðinn og reyndar í alls
konar ýktum myndum. Hið rétta er að
danskur hefðarmaður átti barn með
þjónustustúlku sinni á Suðurhafseyjum
og sá piltur varð seinna verslunarstjóri á
Djúpavogi. Par sem Hans Jónatan var af
negrum í aðra ættina var hann dökkur
yfirlitum en sá eiginleiki er horfinn hjá
afkömendunum, nú 160 árum eftir lát
kaupmannsins.
Ættfróðir heimamenn telja að blóð-
blöndun við danska verslunarmenn hefði
annars ekki verið mikil. Aftur á móti eru
flestir innfæddir meira og minna skyldir
— næstum eins og Hornfirðingar. í dag er
staðurinn dálítið einangraður. t>að eru
hundrað kflómetrar á Höfn og annað
eins á Breiðdalsvík, sem eru tveir nálæg-
ustu þéttbýlisstaðirnir. En hringvegurinn
liggur um Búlandsnesið og hér fyrr á
Verbúðalíf á Loftinu. Augun mæna á Eurovision-
söngvakeppni enda „nothing else to da.." Fjórar
stúlkur frá Cape Town í Suður Afríku en sú sem
er önnur frá vinstri er dönsk.
öldum var verslunarstaðurinn talinn mið-
svæðis. Verslunarsvæðið var þá frá
Skeiðarársandi að sunnan, austur að
Gvendarnesi milli Stöðvarfjarðar og Fá-
skrúðsfjarðar. Næstu verslunarstaðir þá
voru Eyrarbakki og Eskifjörður. Þá opn-
uðu danskir verslanirnar að vori og fóru
§ aftur af landi brott að hausti. Áður
[2 negldu þeir verslunarhúsin rammbyggi-
o lega aftur. Sagan segir að einu sinni hafi
ö einn Daninn lokast inni í búðinni í ógáti
g og verið þar allan veturinn. Nóg var af
vistum í verslunarhúsinu og kom karl
þessi vel útlítandi undan vetri þegar opn-
að var um vorið. Þetta hefur máske verið
áður en nokkur föst búseta varð við vog-
inn og því enginn heyrt í karlinum sem
lokaðist inni.
DJÚPIVOGUR SAT EFTIR
Kannski hann hafi lokast inni í Löngu-
búð. Það hús stendur enn tvö hundruð
ára gamalt og húsfriðunarmenn eru nú
að endurgera það; á að vera fullgert á
fjögur hundruð ára afmæli verslunarstað-
arins 1989. Við hliðina á Löngubúð er
Gamla kaupfélagið. Aldargömul bygging
sem Danir byggðu og Kaupfélagið rak
þar einu verslun staðarins allt þar til fyrir
tveimur árum. Þá var lokið byggingu nýs
44 HEIMSMYND