Heimsmynd - 01.04.1990, Blaðsíða 80

APRIL HEIMSMYND 1990
Einhver alvinsælasti
hönnuður í Banda-
ríkjunum nú er feit-
lagin kona að nafni Donna
Karan. Hún er fjörutíu og
eins árs gömul og hóf feril
sinn sem aðalhönnuður hjá
Anne Klein sem kölluð var
guðmóðir bandarískrar tísku
á áttunda áratugnum. Klein
kom auga á Karan sem þá
var við nám í Parsonsskólan-
um í New York og réð hana
til sín. Skömmu síðar rak
hún hana en réð aftur rúmu
ári síðar og hafði Donna
Karan notað tímann vel í að
afla sér reynslu og þekkingar
annars staðar. Anne Klein
lést úr krabbameini árið 1974
og lauk Donna Karan þá
óloknu verki hennar sem að-
alhönnuður fyrirtækisins.
Hún var 26 ára gömul og
nýorðin móðir þegar hún
stóð fyrir fyrstu tískusýning-
unni ein og óstudd eftir lát
Anne Klein. Með bólgna
ökla hneigði sig þegar gesta-
fjöldinn á sýningunni stóð
upp og klappaði. Tárin láku
niður kinnar hennar en hún
hafði unnið sigur í tískuheim-
inum bandaríska. Upp frá
því hefur vegur hennar farið
vaxandi. Hún hélt áfram
störfum sínum fyrir Anne
Kleinfyrirtækið og réð til sín
gamlan skólafélaga frá Par-
sons, Louis Dell’Olio, sem
enn starfar fyrir Anne Klein.
Fyrirtækið var í eigu Japana
að mestu leyti og þeir buðu
Donnu Karan að setja á stofn
sitt eigið fyrirtæki árið 1983
og Dell'Olio tæki við Anne
Klein. Hún féllst á það eftir
mikið hik og varð helmings-
eigandi á móti Japönunum.
A sama tíma skildi hún við
eiginmann sinn og giftist
æskuástinni sinni, manni að
nafni Stephen Weiss.
Fyrsta sýningin sem Donna
Karan hélt undir eigin nafni
varð sigur. Dagblaðið Wash-
ington Post skýrði frá því
vorið 1985 að þarna væri
kominn fram hönnuður sem
skildi þarfir og óskir kvenna
og notaði bæði snið og efni í
samræmi við það. Sama
haustið lagði stórverslunin
Bergdorf Goodmann í New
York alla útstillingarglugga
undir fatnað Donnu Karan
og auglýsti í blöðum að hún
yrði til staðar í versluninni.
Allt seldist upp og ári síðar
var hún kjörin hönnuður árs-
ins af ráði bandarískra tísku-
hönnuða.
Þekktar konur hafa
vakið athygli á fatn-
aði Donnu Karan en í
hópi tryggustu viðskiptavina
hennar eru Blaine Trump,
Dianandra Douglas og frétta-
konurnar Diane Sawyer,
Barbara Walters og Kathleen
Sullivan. Fatnaður Donnu
Karan er einfaldur en vöru-
merki hennar er svokallað
bodysuit, bolur eða blússa
sem er eins og leikfimibún-
ingur og er notað við pils og
buxur. Hún notar mikið stór
leðurbelti, síðar kasmírpeys-
ur og vafin rúskinnspils.
Hún hefur mjög næmt
auga fyrir kvenlíkamanum og
kvenlegum þörfum enda
kona sjálf en ótrúlega margir
frægir hönnuðir eru karlkyns
og samkynhneigðir og hafa
því tilhneigingu til að hanna
fatnað sem tekur meira mið
af útliti en þörfum. Donna
Karan veit sjálf að flestar
konur eru að berjast við
nokkur aukakíló og eru ekki
eins og gínur í útstillingar-
glugga. Þá segir hún að kon-
ur nenni ekki að fylgja tísk-
unni vor og haust ár eftir ár.
Hafi konan fundið sinn stíl
vilji hún halda honum. Petta
er ef til vill ein meginástæðan
fyrir vinsældum hennar. Síð-
astliðið vor hóf hún fram-
leiðslu ódýrari fatnaðar með-
fram þeim dýrari og heitir
nýja lína DKNY (Donna
Karan New York). Því miður
er fatnaður hennar orðinn
næstum óviðráðanlega dýr en
þessi lína er ódýrari. Dragt
frá Donnu Karan kostar um
það bil 120 þúsund krónur en
venjulegt pils frá DKNY
kostar um 6 þúsund krónur.
Venjulegur tébolur, sem
kostar um 120 krónur í fram-
leiðslu, kostar 2300 krónur.
Donnu Karan er því farið
eins og Calvin Klein og
Ralph Lauren með fram-
leiðslu á ódýrum sportfatnaði
meðfram dýrum tískuvarn-
ingi. En flestar konur bíða
enn eftir þeim hönnuði sem
tekur mið af buddunni auk
alls hins því tískufatnaður er
orðinn óeðlilega dýr.
PONNA KARAN
Donna Karan ásamt
eiginmanni sínum
Stephen Weiss
og fyrirsætum
með hatta.
Dragt frá Donnu
Karan vorið 1990.
4

¥.
80 HEIMSMYND