Heimsmynd - 01.04.1990, Blaðsíða 66
Hallgrímanna hafa löngum verið þræðir svo sem nánar verður
vikið að.
NÓI, HREINN, SÍRÍUS, RÆSIR OG SHELL
Eftir 1920 létu þeir Hallgrímar til sín taka á æ fleiri sviðum.
Peir keypti Brjóstsykursgerðina Nóa sem var einn öflugasti
gosdrykkja- og sælgætisframleiðandinn í Reykjavík. Árið 1930
keyptu þeir svo Hrein hf., sem framleiddi sápur og aðrar
hreinlætisvörur, skóáburð, kerti og fleira og árið 1933 stofn-
uðu þeir Súkkulaðigerðina Síríus. Þessar þrjár verksmiðjur
voru sameinaðar undir einu þaki árið 1935 í stórhýsi á horni
Barónsstígs og Skúlagötu og var það eitt fullkomnasta iðjuver
landsins á þeim tíma. Þarna eru þessi fyrirtæki enn og mynda
einn hornsteininn í H.Ben-yeldinu.
Eins og áður sagði var fyrsta umboðið, sem Hallgrímur
Benediktsson fékk, fyrir Vacuum Oil Co. Olíur og bensín
skiptu nú æ meira máli í íslensku þjóðlífi og árið 1926 náðu
þeir Hallgrímarnir í H.Ben. & Co samningum við bresk-hol-
lenska félagið Shell um stofnun olíufélags á íslandi. Voru þeir
stærstu innlendu hluthafarnir í hinu nýja hlutafélagi. Þetta er
Skeljungur hf. (hét áður Shell hf.). Mikil mannvirki voru reist
í Skildinganesi við Skerjafjörð og víða um land og olíuflutn-
ingaskipið Skeljungur keypt. Fyrsti framkvæmdastjórinn var
Hallgrímur A. Tulinius en hann lét af störfum vegna heilsu-
brests árið 1935. Tók þá við félaginu Hallgrímur Fr. Hall-
grímsson, náfrændi hans og mágur Thorsbræðra (sjá HEIMS-
MYND, mars 1989), og stýrði þessu öflugasta olíufélagi ís-
lands um áraraðir. Nú í sumar tekur svo sonarsonur Hallgríms
Benediktssonar, Kristinn Björnsson, við framkvæmdastjóra-
stöðu félagsins og ennþá er H. Ben. stærsti innlendi hluthafi
félagsins.
Eitt af því sem Hallgrímur Benediktsson tók snemma að
flytja inn voru bílar. Hann hafði umboð fyrir Maxwell-bíla
skömmu eftir að bílar tóku að flytjast til landsins en varð síðar
aðalumboðsmaður fyrir Chrysler. Árið 1940 var svo stofnað
dótturfyrirtæki H.Ben & Co. fyrir bílainnflutning. Það var
nefnt Ræsir hf. og flutti inn fjölmargar amerískar bílategundir
en einnig Mercedes Benz frá Þýskalandi sem það hefur enn
aðalumboð fyrir.
EKKI EINHAMUR
Hallgrímur Benediktsson var ekki einhamur. Hann var kos-
inn í þæjarstjórn Reykjavíkur fyrir Sjálfstæðisflokkinn árið
1926 og sat þar eitt kjörtímabil. Hann var á ný kjörinn í bæjar-
stjórnina 1946 og sat í henni til dauðadags, var forseti bæjar-
stjórnar tvö síðustu árin. Þá var hann alþingismaður Reykvík-
inga 1945 til 1949. Einnig átti hann sæti í stjórn Verslunarráðs
íslands 1932 til 1950 og var formaður þess í 15 ár. Hann sat í
áratugi í stjórn Vinnuveitendasambandsins, í stjórn Eimskipa-
félagsins frá 1921 til dauðadags, þar af formaður hennar 1951
til 1954 og var einn af stofnendum Félags íslenskra stórkaup-
manna. Þá var Hallgrímur í stjórn Árvakurs, útgáfufélags
Morgunblaðsins 1927 til 1954, þar af formaður stjórnar 1952 til
1954. Nú er nafni hans og sonarsonur, Hallgrímur B. Geirs-
son, formaður þessarar sömu stjórnar.
Heimildum ber saman um að Hallgrímur Benediktsson hafi
verið prúður maður en enginn ræðusnillingur. Góðvild, still-
ing, lagni og fastlyndi í sókn að settu marki, eru þau orð sem
oftast eru notuð um hann. Árið 1975 var haft viðtal við Ragn-
Börn Áslaugar Zöega
og Hallgríms
Benediktssonar sem upp
komust og halda nú utan
um ættarveldið sem ein
stór og samhent
fjölskylda, Ingileif, Björn
og Geir.
66 HEIMSMYND