Heimsmynd - 01.05.1990, Page 79

Tveir afkomendur____________________
Tryggva Þórhallssonar, dætur Þórhalls
sonar hans, systurnar Þóra Ellen og
Anna Guðrún, sem báðar hafa lokið
doktorsnámi.
Dönsku konungshjónin
og íslensku forsetahjónin í
Kristjánsborgarhöll f954.
Forsetahjónin
í Alþingishúsinu f960 með séra Friðriki
Friðrikssyni.
Steindóri Valdimarssyni. Auður Bjarnadóttir (.f 1961) kennari
og Unnur Bjarnadóttir (f. 1963) bankamaður.
HÚSFREYJAN Á HVANNEYRI
Annað barn biskupshjónanna í Laufási var Svava Pórhalls-
dóttir (1890-1979). Hún var, eins og systkini hennar í fylking-
arbrjósti í ungmennafélagshreyfingunni en ungmennafélag
kvenna í Reykjavík hét Iðunn. Svava lauk prófi í Kennara-
skólanum 1909 en stundaði síðan nám í Svíþjóð og Dan-
mörku. Hún lærði postulínsmálun, fyrst íslenskra kvenna og
fékkst síðan jafnan við hana. Svava giftist árið 1911 náfrænda
sínum, Halldóri Vilhjálmssyni, skólastjóra Bændaskólans á
Hvanneyri. Þau voru bræðrabörn (sjá síðar). Tók hún 21 árs
gömul við Hvanneyrarheimilinu sem þá var talið stærsta heim-
ili landsins. Auk þess var hún potturinn og pannan í félags-
málum á staðnum. Sambúð þeirra hjóna endaði þó með
dramatískum skilnaði sem mun hafa orðið þeim báðum þung-
bær. Svava flutti til Reykjavíkur og bjó þar til dauðadags.
Hún málaði jafnan á postulín og munir hennar voru seldir í
verslunum í Reykjavík. Nú nýlega var opnuð sýning á verkum
hennar í Stöðlakoti við Bókhlöðustíg í tilefni af hundrað ára
afmæli hennar. Börn þeirra Halldórs voru þessi:
1. Valgerður Halldórsdóttir (1912-1990) húsmæðrakennari,
skólastjóri á Laugalandi í Eyjafirði 1937 til 1940. Maður henn-
ar var Runólfur Sveinsson sandgræðslustjóri. Hann tók við
skólastjórastöðu á Hvanneyri eftir að tengdafaðir hans lést
1936 og gegndi henni til 1947. Þá var hann skipaður sand-
græðslustjóri en lést á besta aldri árið 1954. Börn þeirra eru
Pórhallur Runólfsson (f. 1944) kennari, kvæntur Þórunni
Sveinbjörnsdóttur, formanni Sóknar, Sveinn Runólfsson (f.
1946) landgræðslustjóri í Gunnarsholti á Rangárvöllum síðan
1972 en hann hefur meistarapróf í landgræðslu frá Cornell-
háskóla og Halldór Runólfsson (f. 1948) dýralæknir, deildar-
stjóri hjá Hollustuvernd ríkisins.
2. Sigríður Halldórsdóttir (1914-1956), kona Páls Þorkels-
sonar verkamanns í Reykjavík. Börn þeirra eru Halldóra
Pálsdóttir (f. 1935) fótnuddkona og Tryggvi Pálsson (1941-
1971) bifvélavirki.
3. Svava Halldórsdóttir (1916-1988). Hún nam meðal annars
á íþróttaskóla Nielsar Bukh í Danmörku á yngri árum og
ferðaðist um með úrvalsfimleikaflokki hans víðs vegar um
Danmörku. Hún var gift Gunnari Bjarnasyni, þeim umdeilda
hrossaræktarráðunauti sem meðal annars var kennari á ættar-
setrinu Hvanneyri um árabil. Þau skildu 1962 og varð Svava
þá um hríð ráðskona hjá Dóru Þórhallsdóttur, móðursystur
sinni, á Bessastöðum en starfaði síðast sem matráðskona á
Barnageðdeild Hringsins. Börn þeirra Gunnars eru Halldór
Gunnarsson (f. 1941) prestur í Holti undir Eyjafjöllum og
Bjarni Gunnarsson (f. 1948) byggingaverkfræðingur í Reykja-
vík.
4. Björn Halldórsson (1918-1983) hagfræðingur. Hann lauk
meistaraprófi frá Harvard í Bandaríkjunum 1946 en var síðan
lengst af framkvæmdastjóri hjá Sölumiðstöð hraðfrystihús-
anna. Kona hans var Marta Pétursdóttir. Börn þeirra eru Pét-
ur Björnsson (f. 1949) framkvæmdastjóri Ferðaskrifstofunnar
Sögu og Svava Björnsdóttir (f. 1952) myndlistarmaður í
Reykjavík.
5. Pórhallur Halldórsson (f. 1922) forstöðumaður heilbrigð-

Valgerður Halldórsdóttir
og Runólfur Sveinsson
sandgræðslustjóri með syni sína Svein,
t>nrha11 no T-Tallrlnr
Synir Valgerðar Halldórsdóttur
með börnum sínum.