Heimsmynd - 01.05.1990, Side 86

Kona bjargar barni úr klóm
þekkts kynferðisofbeldis-
manns. Eitthvað á þessa leið
hljóðaði fyrirsögnin. Konan
þekkti manninn vegna
myndbirtingar í DV og lét
sér ekki nægja að hringja á
lögregluna heldur greip strax
til sinna ráða og sótti dreng-
inn heim til hans, þar sem
hann hafði afklætt drenginn
undir því yfirskini að hann
væri að þurrka fötin hans. Myndir birtast
í sjónvarpinu þar sem verið er að leiða
hinn grunaða til yfirheyrslu í fylgd lög-
reglumanna. Hann skýlir andliti sínu
með því að bera hönd fyrir höfuð sér.
Næsta stig er að lögreglumaðurinn
verður að láta taka við sig viðtöl í sjón-
varpi og í Morgunblaðinu ásamt mynd.
Hann hefur ítrekað orðið fyrir aðkasti á
almannafæri frá fólki, sem hefur misskil-
ið hver var hvað í fréttamyndinni í sjón-
varpinu. Það hrópar að honum ókvæðis-
orð og hvæsir að þetta sé nú meira rétt-
lætið, að svona ofbeldismenn skuli ganga
lausir, fæst ekki til að hlusta á skýringar,
verður að fá niðurbældum reiðitilfinn-
ingum sínum útrás. Myndbirtingar af
lögreglumanninum eru nauðsynlegar til
að rétta hlut hans.
I síðasta mánuði var þrítugur maður
dæmdur í þriggja ára fangelsi fyrir að
nauðga tólf ára stúlku og hafa kynferðis-
lega tilburði í frammi við fimm aðrar
stúlkur á aldrinum tólf til fimmtán ára.
Málið var flutt fyrir luktum dyrum í
Hæstarétti og í dómsniðurstöðum var
fullrar nafnleyndar gætt varðandi stúlk-
urnar. Nafn afbrotamannsins var hins
vegar birt. Hann á einn alnafna á
Reykjavíkursvæðinu og sá maður hefur
orðið fyrir ýmsu aðkasti og fengið heift-
úðug símtöl. Þar geldur saklaus maður
fyrir afbrot þessa alnafna síns.
Fá afbrot vekja eins miklar geðshrær-
ingar, þegar upp komast, og ofbeldi,
ágengni eða átroðningur gagnvart sak-
lausum börnum. Traðkað er á barnslegu
trúnaðartrausti og einfeldni og skilin eft-
ir djúp sár sem stundum svíður undan
ævilangt. Margir fullorðnir bera menjar
slíkrar reynslu, hafa byrgt með sér reiði
sína, sársauka og niðurlægingu og veita
þessum tilfinningum útrás, þegar uppvíst
verður um slík tilfelli og þau verða fjöl-
miðlamatur. Þá getur orðið skammt í að
þessar tilfinningar snúist upp í rang-
hverfu sína, verði að móðursýki sem
bitnar á saklausu fólki, eins og dæmin
hér að ofan sýna glögglega. Síðar í grein-
inni verður rakið dæmi frá Bandaríkjun-
um sem sýnir að grípi slík móðursýki um
sig og nái inn á fjölmiðlana, getur hún
orðið að faraldri sem lagt getur líf fjölda
saklauss fólks í rúst, foreldra jafnt sem
annars umsjárfólks ungbarna.
A síðasta áratug hefur allur hinn vest-
ræni heimur vaknað til vitundar um að
afbrot af þessu tagi eru miklu algengari
en áður var talið. í langflestum tilfellum
eiga þau sér stað innan vébanda fjöl-
skyldunnar, eru sjaldan kærð heldur
86 HEIMSMYND