Heimsmynd - 01.04.1992, Page 58

AÐ DEKRA VIÐ
SJÁLFAN SIG
r
Arin milli tvítugs og þrítugs eru sá tími sem flestir nota
til að safna í sarpinn þekkingu og reynslu sem mun,
ef draumarnir rætast, nýtast til einhverra stórvirkja
síðar á ævinni. Framtíðin virðist nánast óendanleg og
flest mögulegt. Pær fáu hindranir sem í veginum eru
virðast léttvægar og auðveldar að yfirstíga. Prýsting-
ur frá umhverfinu, fjölskyldu, kunningjum og starfs-
félögum, er tiltölulega lítill því enn þykir ekkert at-
hugavert þótt fólk hafi ekki náð langt á sínu sviði, enda hefur
það tímann fyrir sér. Margir hefja sambúð á þessum árum og
eignast jafnvel sitt fyrsta barn, en fæstir hafa miklar skuld-
bindingar við aðra en sjálfa sig. Flestir hafa nægan tíma til að
sinna eigin hugðarefnum, stunda íþróttir, næturlíf og skoða sig
um í framandi löndum. Það er nokkuð áberandi að miðað við
foreldrana virðist þessi hópur draga lengur að stofna fjölskyldu
og að koma sér upp húsnæði, enda aðstæður á lánamarkaði allt
aðrar. Þar með er ekki sagt að þessi kynslóð sé nægjusamari eða
telji sig þurfa minna, en eyðslan hefur breyst. I stað þess að
kaupa nýjar innréttingar og húsbúnað notar ungt fólk peningana
til að fara út að borða, kaupa dýran fatnað, fara í líkamsrækt,
nudd, snyrtingu og ferðalög. Þessi breyting endurspeglar að
vissu leyti tíðarandann því nú á tímum þykir ekki gott afspurnar
að hafa látið glepjast af lífsgæðakapphlaupinu, það þykir hins
vegar sjálfsagt að dekra við sjálfan sig og njóta lífsins.
Fólk á þessum aldri missti að mestu af uppakynslóðinni og
var nánast orðið of gamalt þegar nýhippabylgjan reið yfir. Ur
því tómarúmi sem myndaðist varð til blanda þessa tveggja.
Það er ekki fjarri lagi að ætla að þessi hópur njóti ávaxtanna
af þeirri áræðni og elju sem fylgdi uppamenningunni og hins
vegar frjálsræðinu sem grasrótarmenningin leggur áherslu á.
Vinnusemi og metnaður eru vissulega taldir eftirsóknarverðir
eiginleikar en á móti kemur að stritið verður að hafa einhvern
æðri tilgang svo lífið verði þess virði að lifa því. Það hefur
dregið úr því ofurkappi sem til skamms tíma var lagt á efna-
hagsleg gæði og nokkurs hófs tekið að gæta. Þá má ekki
gleyma því að þetta er kynslóðin sem mun þurfa að takast á
við þann umhverfisvanda sem lífsmynstur neysluþjóðfélagsins
hefur skapað og má ef til vill rekja breytt gildi að nokkru til
þeirrar staðreyndar. Bent hefur verið á að þetta andrúmsloft
gæti orðið uppspretta nýjunga og aukins frumkvæðis í menn-
ingu, listum, jafnvel atvinnurekstri og stjórnsýslu ef heppnin
er með. Því þessi hópur hefur rögg og áræði til framkvæmda
og kann að feta sig og lifa í iðnaðarsamfélagi Vesturlanda.
Þetta eru að vissu leyti börn markaðsþjóðfélagsins með hug-
myndafræði hippakynslóðarinnar að vopni.B
Sjón, Sigurjón Birgir
Sigurðsson, skáld.
Hann er meðal
annarra talinn hafa
rutt veginn fyrir þann
hóp ungra framúr-
stefnuskálda sem
kveðið hafa sér hljóðs
á undanförnum árum.
Skúli Helgason
dagskrárgerðamaður og
framkvæmdastjóri
Stúdentaráðs. Hann hefur
meðal annars rakið þróun ný-
bylgjutónlistar í þáttum í
útvarpi og sjónvarpi á
undanförnum árum og vakið
athygli fyrir vönduð
vinnubrögð og gott mál.
María Erlingssen leikkona. María hefur
komið undir sig fótunum sem leikkona i
bandarísku sjónvarpi. Án efa á
velgengni hennar eftir að gefa
vonum annarra ungra leikkvenna
um frægð og frama á erlendum
vettvangi byr undir báða vængi.
Óskar Jónasson kvikmyndagerðarmaður. Óskar hefur þegar vakið
athygli lyrir fyrir stuttmyndina Sérsveitin
Laugarásvegi 25 og tónlistarmyndbönd
sem hann hefur gert fyrir Sykurmolana.
Hann er nú að Ijúka við gerð myndarinnar
Sódóma Reykjavíkur.
58 HEIMSMYND