Ársrit um starfsendurhæfingu - 2016, Page 4

GYLFI ARNBJÖRNSSON formaður stjórnar VIRK
Á SÍÐASTA STARFSÁRI
VIRK – STARFSENDUR-
HÆFINGARSJÓÐS HEFUR
STJÓRNIN, OG ÞAU
SAMTÖK SEM AÐ SJÓÐNUM
STANDA, LAGT MIKLA
ÁHERSLU Á AÐ TRYGGJA
MEIRI SÁTT UM STARFSEMI
SJÓÐSINS.
ÁVARP
STJÓRNARFORMANNS
Þ
að er mikil samstaða milli aðila vinnumarkaðarins að ef takast á að snúa þeirri
óheillaþróun við, sem verið hefur á vinnumarkaði undanfarin ár með fjölgun
öryrkja, sé nauðsynlegt að efla samstarf milli ólíkra aðila með það að markmiði að
auðvelda þeim sem lenda í alvarlegum veikindum og slysum farsæla endurkomu
til vinnu. Hér verða allir sem að málinu koma að setja þann einstakling, sem í alvarlegum
veikindum eða slysum lendir, í miðju og skipuleggja aðstoðina út frá hans þörfum. Kjarninn
í þeirri hugmyndafræði sem liggur að baki VIRK – Starfsendurhæfingarsjóði sem og öðrum
vinnumarkaðstengdum sjóðum er, að tryggja hverjum og einum stuðning eftir þörfum en
jafnframt skyldu hans til þess að nýta þau tækifæri sem honum bjóðast.
Það er því afar mikilvægt að endurskoða og skýra betur verkaskiptinguna og verklags-
reglur milli ráðgjafa og endurhæfingarteyma VIRK – Starfsendurhæfingarsjóðs og fag-
aðila í heilbrigðiskerfinu. VIRK er ekki á heilbrigðissviði en vinnur vitaskuld náið með
heilbrigðisstéttum þegar heilsa viðkomandi leyfir að hægt sé að fara að huga að endurkomu
til vinnu og skipuleggja viðeigandi starfsendurhæfingarúrræði. Mikilvægur liður í þeirri
viðleitni er innleiðing starfsgetumats sem grundvöll skilgreininga fagaðila á stöðu og getu
einstaklinga m.t.t. heilsu þeirra.
4 virk.is